Deepti Sharma ಐತಿಹಾಸಿಕ ಸಾಧನೆ..! ಜೂಲನ್ ಗೋಸ್ವಾಮಿ ದಾಖಲೆ ಸರಿಗಟ್ಟಿದ ಸ್ಟಾರ್ ಆಟಗಾರ್ತಿ
ಬುಧವಾರ ಲೀಡ್ಸ್ನ ಹೆಡಿಂಗ್ಲಿಯಲ್ಲಿ ನಡೆದಿದ್ದ ನೆದರ್ಲ್ಯಾಂಡ್ಸ್ ವಿರುದ್ಧ ಮಹಿಳಾ ಟಿ20 ವಿಶ್ವಕಪ್ ಗ್ರೂಪ್ ಎ ಪಂದ್ಯದಲ್ಲಿ ಭಾರತದ ದೀಪ್ತಿ ಶರ್ಮಾ ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಜಂಟಿಯಾಗಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುವ ಮೂಲಕ ಇತಿಹಾಸ ಪುಟಗಳಲ್ಲಿ ತಮ್ಮ ಹೆಸರನ್ನು ಬರೆದಿದ್ದಾರೆ.
ಇಬ್ಬರೂ ಭಾರತೀಯ ಬೌಲರ್ಗಳು 355 ವಿಕೆಟ್ಗಳನ್ನು ಗಳಿಸಿದ್ದಾರೆ
ಅವರು ಡಚ್ ಆರಂಭಿಕ ಆಟಗಾರ್ತಿ ಫೆಬೆ ಮೊಲ್ಕೆನ್ಬೋಯರ್ ಅವರನ್ನು ಔಟ್ ಮಾಡುವ ಮೂಲಕ ಭಾರತದ ಮಾಜಿ ನಾಯಕಿ ಜೂಲನ್ ಗೋಸ್ವಾಮಿ ಅವರ ವಿಕೆಟ್ ಸಂಖ್ಯೆಯನ್ನು ಸಮಬಲ ಗೊಳಿಸಿದರು. ಈಗ ಇಬ್ಬರೂ ಭಾರತೀಯ ಬೌಲರ್ಗಳು 355 ವಿಕೆಟ್ಗಳನ್ನು ಗಳಿಸಿದ್ದಾರೆ. ಜೂಲನ್ ನಿವೃತ್ತಿ ಹೊಂದಿರುವ ಕಾರಣ Deepti Sharma ಗೆ ಅವರ ದಾಖಲೆಯನ್ನು ಮುರಿಯುವ ಅವಕಾಶವಿದೆ. ಇದಕ್ಕೆ ಇನ್ನೊಂದು ವಿಕೆಟ್ ಅಗತ್ಯ.
ಅತಿ ಹೆಚ್ಚು ವಿಕೆಟ್ ಪಡೆದ ಮಹಿಳಾ ಬೌಲರ್ಗಳು
- ದೀಪ್ತಿ ಶರ್ಮಾ (ಭಾರತ) – 355*
- ಜೂಲನ್ ಗೋಸ್ವಾಮಿ (ಭಾರತ) – 355
- ಕ್ಯಾಥರೀನ್ ಸ್ಕಿವರ್-ಬ್ರಂಟ್ (ಇಂಗ್ಲೆಂಡ್) – 335
ಇದನ್ನು ಓದಿ : ಪಾಕ್ ಪಂಚರ್ – ಭಾರತಕ್ಕೆ 64 ರನ್ಗಳ ಭರ್ಜರಿ ಜಯ!
ತಂಡದ ಪ್ರದರ್ಶನಕ್ಕೆ ನಾಯಕಿ ಕೌರ್ ಮೆಚ್ಚುಗೆ
ಇತ್ತ ಪಂದ್ಯದಲ್ಲಿ ಭಾರತ ತಂಡದ ಪ್ರದರ್ಶನಕ್ಕೆ ನಾಯಕಿ ಹರ್ಮನ್ಪ್ರೀತ್ ಕೌರ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗಗಳಲ್ಲಿ ತಂಡ ಅತ್ಯುತ್ತಮ ಪ್ರದರ್ಶನ ನೀಡಿದೆ ಎಂದು ಹೇಳಿದ್ದಾರೆ.
ನಾವು ಬ್ಯಾಟಿಂಗ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದೇವೆ. ಸ್ಮೃತಿ ಮತ್ತು ಶಫಾಲಿ ಉತ್ತಮ ಆರಂಭ ನೀಡಿದರು. ಶಫಾಲಿ ಯಾವಾಗಲೂ ತಂಡಕ್ಕೆ ಬೇಕಾದಾಗ ಬೌಲಿಂಗ್ ಮಾಡಲು ಸಿದ್ಧರಾಗಿರುತ್ತಾರೆ. ಭವಿಷ್ಯದಲ್ಲಿ ಅವರು ಉತ್ತಮ ಆಲ್ರೌಂಡರ್ ಆಗಲಿದ್ದಾರೆ ಎಂಬ ವಿಶ್ವಾಸವಿದೆ ಎಂದು ಹರ್ಮನ್ ಪ್ರೀತ್ ಕೌರ್ ಹೇಳಿದರು.
ಇದನ್ನು ನೋಡಿ : ANDRAದಲ್ಲಿ ಹೇಗಿತ್ತು ಗೊತ್ತಾ ಸಚಿವ U.T.KHADAR CRAZ.!?
About the Author
