Cult Movie Trailer : ಸಚಿವ ಜಮೀರ್ ಅಹ್ಮದ್ ಪುತ್ರ ಝೈದ್ ಖಾನ್ ನಟಿಸಿರುವ ಬಹು ನಿರೀಕ್ಷಿತ ಸಿನಿಮಾ ‘ಕಲ್ಟ್’ ಟ್ರೈಲರ್ ಇದೀಗ ಬಿಡುಗಡೆಯಾಗಿದೆ.
Cult Movie Trailer :ಪೋಸ್ಟರ್ನಿಂದಲೇ ಸಾಕಷ್ಟು ಕುತೂಹಲ ಮೂಡಿಸಿದ್ದ ಈ ಸಿನಿಮಾದ ಟ್ರೈಲರ್ ಕೂಡ ಮೇಕಿಂಗ್, ಆಕ್ಷನ್ ಹಾಗೂ ಭಾವುಕ ದೃಶ್ಯಗಳಿಂದ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ.
‘ಕಲ್ಟ್’ ಸಿನಿಮಾದಲ್ಲಿ ಝೈದ್ ಖಾನ್ ನಾಯಕನಾಗಿ, ಮಲೈಕಾ ವಸುಪಾಲ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ಸೇರಿ ಸಿನಿಮಾಕ್ಕೆ ಭರ್ಜರಿ ಪ್ರಚಾರ ನಡೆಸಿದ್ದು, ಇದೀಗ ಟ್ರೈಲರ್ ಮೂಲಕ ನಿರೀಕ್ಷೆಯನ್ನು ಇನ್ನಷ್ಟು ಹೆಚ್ಚಿಸಿದ್ದಾರೆ.
ಇದು ಪಕ್ಕಾ ಭಗ್ನ ಪ್ರೇಮಿಯ ಕಥೆ
ಟ್ರೈಲರ್ ನೋಡುತ್ತಿದ್ದಂತೆ ಇದು ಭಗ್ನ ಪ್ರೇಮಿಯ ಕಥೆ ಎಂಬುದು ಸ್ಪಷ್ಟವಾಗುತ್ತದೆ. ಝೈದ್ ಖಾನ್ ಮಾಧವ ಪಾತ್ರದಲ್ಲಿ ನಟಿಸಿದ್ದು, ಪ್ರೀತಿಯನ್ನು ಕಳೆದುಕೊಂಡು ಮದ್ಯದ ದಾಸನಾಗುವ ಯುವಕನಾಗಿ ಕಾಣಿಸಿಕೊಂಡಿದ್ದಾರೆ.
ಪ್ರೇಮಿ ಹಾಗೂ ಭಗ್ನ ಪ್ರೇಮಿ ಎಂಬ ಎರಡು ಶೇಡ್ಗಳಲ್ಲಿ ಝೈದ್ ಖಾನ್ ಅಭಿನಯಿಸಿರುವುದು ಟ್ರೈಲರ್ನಲ್ಲಿಯೇ ಗೋಚರಿಸುತ್ತದೆ.
ರಚಿತಾ ರಾಮ್ ಪಾತ್ರ ಕುತೂಹಲಕಾರಿ
ಸಿನಿಮಾದಲ್ಲಿ ರಚಿತಾ ರಾಮ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಕೇವಲ ಅತಿಥಿ ಪಾತ್ರವಲ್ಲ ಎಂಬುದು ಟ್ರೈಲರ್ನಿಂದಲೇ ತಿಳಿದುಬರುತ್ತದೆ. ಅವರ ಪಾತ್ರ ಬೋಲ್ಡ್ ಹಾಗೂ ಪ್ರಬುದ್ಧ ಸ್ವಭಾವ ಹೊಂದಿದ್ದು, ಕಥೆಗೆ ಮಹತ್ವದ ತಿರುವು ನೀಡುವಂತಿದೆ.
ಟ್ರೈಲರ್ನಲ್ಲಿ ಕಾಣುವ ಕೆಲ ಆಕ್ಷನ್ ಸೀನ್ಗಳು ಉತ್ತಮ ಗುಣಮಟ್ಟದ ಮೇಕಿಂಗ್ ಹೊಂದಿದ್ದು, ಭಾವುಕ ದೃಶ್ಯಗಳು ಮನಸ್ಸಿಗೆ ತಟ್ಟುತ್ತವೆ. ಮಲೈಕಾ ವಸುಪಾಲ್ ಕಡಿಮೆ ದೃಶ್ಯಗಳಲ್ಲಿ ಕಾಣಿಸಿಕೊಂಡರೂ, ಅಂದವಾಗಿ ಮೆರೆದಿದ್ದಾರೆ.
ಒಟ್ಟಾರೆಯಾಗಿ ‘ಕಲ್ಟ್’ ಸಿನಿಮಾದ ಟ್ರೈಲರ್ ಪ್ರೇಕ್ಷಕರಲ್ಲಿ ಸಾಕಷ್ಟು ಪ್ರಶ್ನೆಗಳು ಮತ್ತು ಕುತೂಹಲವನ್ನು ಮೂಡಿಸುತ್ತದೆ. ಕಥೆಯಲ್ಲಿ ಪ್ರೀತಿ ಮತ್ತು ಭಗ್ನ ಪ್ರೇಮದ ಭಾವನೆಗಳು ಗಟ್ಟಿಯಾಗಿ ಮೂಡಿಬರುತ್ತವೆ.
ಪ್ರೀತಿಯನ್ನು ಕಳೆದುಕೊಂಡು ವ್ಯಸನಗಳಿಗೆ ದಾಸನಾದ ಮಗನಿಂದ ಪೋಷಕರು ಅನುಭವಿಸುವ ನೋವು ಮನಸ್ಸಿಗೆ ತಟ್ಟುವಂತೆ ಚಿತ್ರಿಸಲಾಗಿದೆ. ಭಗ್ನ ಪ್ರೇಮದ ಬಳಿಕ ಮತ್ತೆ ಪ್ರೇಮಕ್ಕೆ ಅವಕಾಶವಿದೆಯೇ ಎಂಬ ಪ್ರಶ್ನೆ ಕಥೆಗೆ ಕುತೂಹಲ ಹೆಚ್ಚಿಸುತ್ತದೆ.
ಇದರ ಜೊತೆಗೆ ರಚಿತಾ ರಾಮ್ ಅವರ ಪಾತ್ರದ ಮಹತ್ವ ಮತ್ತು ಮಾಧವನ ಹುಡುಕಾಟದ ಹಿಂದಿರುವ ರಹಸ್ಯಗಳು ಸಿನಿಮಾದ ಪ್ರಮುಖ ಆಕರ್ಷಣೆಯಾಗಿ ಕಾಣಿಸುತ್ತವೆ.
ತಂತ್ರಜ್ಞರ ಬಳಗ ಮತ್ತು ಬಿಡುಗಡೆ ದಿನಾಂಕ
‘ಕಲ್ಟ್’ ಸಿನಿಮಾವನ್ನು ಅನಿಲ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ.
ಸಂಗೀತ: ಅರ್ಜುನ್ ಜನ್ಯ
ಕೊರಿಯೋಗ್ರಫಿ: ಎ. ಹರ್ಷ
ನಟರ ಬಳಗದಲ್ಲಿ ಝೈದ್ ಖಾನ್, ಮಲೈಕಾ ವಸುಪಾಲ್, ರಚಿತಾ ರಾಮ್ ಜೊತೆಗೆ ಅಚ್ಯುತ್ ಕುಮಾರ್, ರಂಗಾಯಣ ರಘು ಸೇರಿದಂತೆ ಹಲವು ಪ್ರತಿಭಾವಂತ ಕಲಾವಿದರು ಇದ್ದಾರೆ.
ಸಿನಿಮಾವನ್ನು ಲೋಕಿ ಸಿನಿಮಾಸ್ ನಿರ್ಮಿಸಿದ್ದು, ಜನವರಿ 23ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ.
About the Author
