Chikkanayakanahalli News :ಚಿಕ್ಕನಾಯಕನಹಳ್ಳಿ ತಾಲೂಕಿನ ಸೊಂಡೇನಹಳ್ಳಿಯ ಗೊಲ್ಲರಹಟ್ಟಿ ಗ್ರಾಮದಲ್ಲಿ ನಿರ್ಮಾಣಗೊಂಡು ಮೂರು ವರ್ಷವಾದರೂ ಅಂಗನವಾಡಿ ಕಟ್ಟಡ ಉದ್ಘಾಟನೆ ಆಗಿಲ್ಲ. ಬಾಡಿಗೆ ಮನೆಯಲ್ಲಿ ಪಾಠ ನಡೆಯುತ್ತಿದ್ದು, ಹೊಸ ಕಟ್ಟಡ ಪಾಳುಬಿದ್ದ ಸ್ಥಿತಿಗೆ ತಲುಪಿದೆ.
Chikkanayakanahalli News :ಸೊಂಡೇನಹಳ್ಳಿಯ ಗೊಲ್ಲರಹಟ್ಟಿಯ ಅಂಗನವಾಡಿ ಕಟ್ಟಡ ಮೂರು ವರ್ಷದಿಂದ ಪಾಳು!
ಚಿಕ್ಕನಾಯಕನಹಳ್ಳಿ ಶಾಸಕ ಸುರೇಶ್ ಬಾಬು ಅವ್ರೇ, ನೀವು ಒಮ್ಮೆ ಈ ದೃಶ್ಯ ನೋಡಲೇಬೇಕು! ನಿಮ್ಮದೇ ಕ್ಷೇತ್ರದಲ್ಲಿರುವ ಸೊಂಡೇನಹಳ್ಳಿಯ ಗೊಲ್ಲರಹಟ್ಟಿಯ ಅಂಗನವಾಡಿ ಕಟ್ಟಡ ಕಳೆದ ಮೂರು ವರ್ಷಗಳಿಂದ ಪಾಳು ಬಿದ್ದಿದೆ.
ಪ್ರಜಾಶಕ್ತಿ ತಂಡದ ನೇರ ಭೇಟಿ
ನಿಮ್ಮ ಪ್ರಜಾಶಕ್ತಿ ಟಿವಿ ಯಾವಾಗಲೂ ಜನಪರ ಸುದ್ದಿಗಳನ್ನು ಬೆಳಕಿಗೆ ತರುತ್ತಿದೆ. ಇದೇ ನಿಟ್ಟಿನಲ್ಲಿ “ನಮ್ಮ ನಡೆ ನಿಮ್ಮೂರ ಕಡೆ” ಎಂಬ ಹೊಸ ಕಾರ್ಯಕ್ರಮದ ಭಾಗವಾಗಿ, ಪ್ರಜಾಶಕ್ತಿ ತಂಡ ಚಿಕ್ಕನಾಯಕನಹಳ್ಳಿಗೆ ಭೇಟಿ ನೀಡಿತು.
ಈ ಸಂದರ್ಭದಲ್ಲಿ, ಗೊಲ್ಲರಹಟ್ಟಿಯಲ್ಲಿನ ಅಂಗನವಾಡಿ ಕಟ್ಟಡದ ದುಸ್ಥಿತಿಯನ್ನು ಕಂಡು ಜನರು ಅಸಮಾಧಾನ ವ್ಯಕ್ತಪಡಿಸಿದರು.
ಇದನ್ನು ಓದಿ : ಪ್ರೀತಿಸಿ ಓಡಿ ಹೋದ ಮಗಳ ತಿಥಿ ಮಾಡಿದ ಅಪ್ಪ
ಕಟ್ಟಡ ನಿರ್ಮಾಣವಾದರೂ ಉದ್ಘಾಟನೆ ಇಲ್ಲ!
ಸ್ಥಳೀಯರ ಪ್ರಕಾರ, ಅಂಗನವಾಡಿ ಕಟ್ಟಡ ನಿರ್ಮಾಣಗೊಂಡು ಮೂರು ವರ್ಷ ಕಳೆದರೂ, ಯಾವುದೇ ಅಧಿಕಾರಿಗಳು ಉದ್ಘಾಟನೆಗೆ ಮುಂದಾಗಿಲ್ಲ. ಅಂಗನವಾಡಿ ತರಗತಿಗಳು ಬಾಡಿಗೆ ಮನೆಯಲ್ಲಿ ನಡೆಯುತ್ತಿವೆ. ಹೆಂಚಿನ ಮನೆಯಲ್ಲಿ ಮಕ್ಕಳಿಗೆ ಪಾಠ ನಡೆಯುತ್ತಿದ್ದು, ಯಾವಾಗ ಮನೆ ಕುಸಿಯುತ್ತೋ ಅನ್ನೋ ಭಯದಲ್ಲಿ ಪಾಠ ನಡೆಯುತ್ತಿದೆ.
ಪಾಳು ಕಟ್ಟಡದಲ್ಲಿ ಅನೈತಿಕ ಚಟುವಟಿಕೆಗಳು
ಹೊಸ ಕಟ್ಟಡವನ್ನು ಸ್ಥಳೀಯವಾಗಿ ರಸ್ತೆ ಕಾಮಗಾರಿಗೆ ಬಂದ ಕಾರ್ಮಿಕರು ಸಾಮಗ್ರಿ ಇಡುವ ಸ್ಥಳವಾಗಿ ಬಳಸುತ್ತಿದ್ದಾರೆ.
ಇಷ್ಟೇ ಅಲ್ಲ, ಕೆಲವರು ಅನೈತಿಕ ಚಟುವಟಿಕೆಗಳಿಗೂ ಬಳಸುತ್ತಿದ್ದಾರೆ ಎಂಬ ಗಂಭೀರ ಆರೋಪವನ್ನು ಗ್ರಾಮಸ್ಥರು ಮಾಡಿದ್ದಾರೆ.
ಕಿಟಕಿ ಬಾಗಿಲುಗಳಿಗೆ ತುಕ್ಕು
ಕಟ್ಟಡದ ಸುತ್ತಲು ಕಸ ಮತ್ತು ಕಡ್ಡಿಗಳ ರಾಶಿ ಬಿದ್ದಿದ್ದು, ಕಿಟಕಿ ಬಾಗಿಲುಗಳು ತುಕ್ಕು ಹಿಡಿದಿವೆ.ಒಳಭಾಗದಲ್ಲಿ ಕೇವಲ ಪಾಳು ಬಿದ್ದ ಕೊಂಪೆಯಾಗಿದೆ. ಕೋಟ್ಯಾಂತರ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾದ ಈ ಕಟ್ಟಡ ಇಂದು ಅಪಾಯದ ಆವರಣವಾಗಿ ಮಾರ್ಪಟ್ಟಿದೆ.
🙏 ಜನರ ಮನವಿ: ಅಧಿಕಾರಿಗಳು ಕ್ರಮ ಕೈಗೊಳ್ಳಲಿ
ಸ್ಥಳೀಯರು ವಿನಂತಿ ಮಾಡುತ್ತಾರೆ —
ಸಂಬಂಧಪಟ್ಟ ಅಧಿಕಾರಿಗಳು ತಕ್ಷಣ ಕ್ರಮ ಕೈಗೊಂಡು, ಈ ಕಟ್ಟಡದ ಉದ್ಘಾಟನೆ ಮಾಡಿ, ಮಕ್ಕಳಿಗೆ ಸುರಕ್ಷಿತವಾದ ಸ್ಥಳ ಒದಗಿಸಬೇಕು.
ಅಂಗನವಾಡಿ ಕಟ್ಟಡವನ್ನು ಉಪಯೋಗಕ್ಕೆ ತಂದು, ಗ್ರಾಮದ ಮಕ್ಕಳ ಭವಿಷ್ಯ ರಕ್ಷಿಸಬೇಕು.
ಇದನ್ನು ನೋಡಿ : ಸಂಪುಟ ಬದಲಾವಣೆ : ತುಮಕೂರು ಜಿಲ್ಲೆಯಲ್ಲಿ ಯಾರಿಗೆ ಮಂತ್ರಿ ಪಟ್ಟ..!?
About the Author
