Rashmika Mandanna ಮತ್ತು ವಿಜಯ್ ದೇವರಕೊಂಡ ಮದುವೆ ಸುದ್ದಿ ವೈರಲ್ ಆಗಿದ್ದು, ‘ವಿರೋಶ್’ ಜೋಡಿ ಹೆಸರಿನಲ್ಲಿ ವಿಶೇಷ ಆಮಂತ್ರಣ ನೀಡಿದ ನಟಿ
ದಕ್ಷಿಣ ಭಾರತದ ಜನಪ್ರಿಯ ನಟಿ Rashmika Mandanna ಮತ್ತು ನಟ ವಿಜಯ್ ದೇವರಕೊಂಡ ಮದುವೆ ವಿಚಾರ ಮತ್ತೆ ಸುದ್ದಿಯಲ್ಲಿದೆ. ಸಿನಿಪ್ರೇಮಿಗಳ ಮೆಚ್ಚಿನ ಜೋಡಿಯಾದ ಇಬ್ಬರೂ ಇದೇ ಫೆಬ್ರವರಿ 26ರಂದು ಸಪ್ತಪದಿ ತುಳಿಯಲಿದ್ದಾರೆ ಎಂಬ ಮಾಹಿತಿ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ.
ಇದನ್ನೂ ಓದಿ : ಏ.1ರಿಂದ ಟೋಲ್ಗಳಲ್ಲಿ ನಗದು ಪಾವತಿ ಇಲ್ಲ?
‘ವಿರೋಶ್’ ಹೆಸರಿನ ಹಿಂದೆ ಇರುವ ಕಥೆ
ಚಿತ್ರರಂಗದಲ್ಲಿ ಇವರಿಬ್ಬರ ಜೋಡಿಗೆ ಅಭಿಮಾನಿಗಳು ‘ವಿರೋಶ್’ ಎಂದು ಹೆಸರು ನೀಡಿದ್ದರು. ಇದೇ ಹೆಸರನ್ನು ಮದುವೆಯ ಆಮಂತ್ರಣದಲ್ಲೂ ಬಳಸಿರುವುದು ವಿಶೇಷವಾಗಿದೆ. “ನೀವೇ ನಮ್ಮ ಜೋಡಿಯನ್ನು ವಿರೋಶ್ ಎಂದು ಕರೆದಿದ್ದೀರಿ. ಆದ್ದರಿಂದ ನಮ್ಮ ಮದುವೆಯನ್ನೂ ವಿರೋಶ್ ಮದುವೆ ಎಂದು ಕರೆಯಲು ಬಯಸುತ್ತೇವೆ” ಎಂದು ರಶ್ಮಿಕಾ ಪ್ರೀತಿಯಿಂದ ಆಹ್ವಾನ ನೀಡಿದ್ದಾರೆ.
ಆಮಂತ್ರಣ ಪತ್ರಿಕೆಯಲ್ಲಿ ಭಾವನಾತ್ಮಕ ಸಂದೇಶ
ಆಮಂತ್ರಣ ಪತ್ರಿಕೆಯಲ್ಲಿ ಅಭಿಮಾನಿಗಳ ಪ್ರೀತಿಗೆ ಧನ್ಯವಾದ ತಿಳಿಸಿರುವ ರಶ್ಮಿಕಾ, “ನನ್ನ ಜೀವನದಲ್ಲಿ ಯಾವುದೇ ನಿರ್ಧಾರಕ್ಕೂ ಮೊದಲು ನೀವು ಇದ್ದೀರಿ. ನಮ್ಮನ್ನು ಪ್ರೀತಿಯಿಂದ ನೋಡುತ್ತಿರುವುದಕ್ಕೆ ಧನ್ಯವಾದಗಳು. ನಮ್ಮ ವಿಶೇಷ ದಿನದ ಭಾಗವಾಗಿರಿ” ಎಂದು ಮನದಾಳದ ಸಂದೇಶ ಹಂಚಿಕೊಂಡಿದ್ದಾರೆ.
ಅಭಿಮಾನಿಗಳಲ್ಲಿ ಹೆಚ್ಚಿದ ಕುತೂಹಲ
ಇವರಿಬ್ಬರೂ ಮೊದಲ ಬಾರಿ ಒಟ್ಟಿಗೆ ನಟಿಸಿದ್ದ ಗೀತಾಗೋವಿಂದಂ ಚಿತ್ರದ ನಂತರ ಜೋಡಿಯಾಗಿ ಭಾರಿ ಜನಪ್ರಿಯತೆ ಪಡೆದಿದ್ದರು. ಇದೀಗ ಮದುವೆ ಸುದ್ದಿಯೊಂದಿಗೆ ಅಭಿಮಾನಿಗಳಲ್ಲಿ ಮತ್ತಷ್ಟು ಕುತೂಹಲ ಹೆಚ್ಚಾಗಿದೆ.
ಇದನ್ನು ನೋಡಿ : GUBBI | CANCER ಪೀಡಿತ ಕರುಳ ಹಿಂಡುವ ಪುಟ್ಟ ಕಂದಮ್ಮನ ಕಣ್ಣೀರಿನ ಕಥೆ.!
About the Author
