Rishabh Pant Records: ರಿಷಭ್ ಪಂತ್, ಈಗ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ (WTC) ಇತಿಹಾಸದಲ್ಲಿ ಭಾರತದ ರನ್ ಸರದಾರನಾಗಿ ಹೊರಹೊಮ್ಮಿದ್ದಾರೆ.
ಟೀಂ ಇಂಡಿಯಾದ ಸ್ಫೋಟಕ ಬ್ಯಾಟರ್ ರಿಷಭ್ ಪಂತ್ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಮತ್ತೊಂದು ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ. ಶ್ರೀಲಂಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಎರಡನೇ ಇನಿಂಗ್ಸ್‌ನಲ್ಲಿ 69 ಎಸೆತಗಳಲ್ಲಿ 66 ರನ್ ಸಿಡಿಸಿದ ಪಂತ್, WTC ಇತಿಹಾಸದಲ್ಲಿ ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟರ್ ಎನಿಸಿಕೊಂಡಿದ್ದಾರೆ.
ಗಿಲ್ ದಾಖಲೆ ಉಡೀಸ್!
ಈ ಮೂಲಕ ಇದುವರೆಗೆ ಅಗ್ರಸ್ಥಾನದಲ್ಲಿದ್ದ ಭಾರತ ತಂಡದ ನಾಯಕ ಶುಭ್ಮನ್ ಗಿಲ್ ಅವರನ್ನು ಪಂತ್ ಹಿಂದಿಕ್ಕಿದ್ದಾರೆ. ಪಂತ್ 41 ಪಂದ್ಯಗಳ 73 ಇನಿಂಗ್ಸ್‌ಗಳಲ್ಲಿ 2,885 ರನ್ ಕಲೆಹಾಕಿದ್ದು, ಗಿಲ್ 41 ಪಂದ್ಯಗಳ 75 ಇನಿಂಗ್ಸ್‌ಗಳಲ್ಲಿ 2,867 ರನ್ ಗಳಿಸಿದ್ದಾರೆ.
WTCನಲ್ಲಿ ಭಾರತದ ಟಾಪ್ ರನ್ ಸರದಾರರು
- ರಿಷಭ್ ಪಂತ್ – 2,885 ರನ್
- ಶುಭ್ಮನ್ ಗಿಲ್ – 2,867 ರನ್
- ರೋಹಿತ್ ಶರ್ಮಾ – 2,716 ರನ್
- ರವೀಂದ್ರ ಜಡೇಜಾ – 2,632 ರನ್
- ವಿರಾಟ್ ಕೊಹ್ಲಿ – 2,617 ರನ್
ಇದರೊಂದಿಗೆ ಕಡಿಮೆ ಇನಿಂಗ್ಸ್‌ಗಳಲ್ಲಿ ಈ ಮೈಲಿಗಲ್ಲು ತಲುಪಿದ ಹೆಗ್ಗಳಿಕೆಯೂ ಪಂತ್ ಅವರದ್ದಾಗಿದೆ.
READ THIS : ಟೆಸ್ಟ್ ಕ್ರಿಕೆಟ್‌ನಲ್ಲಿ ನೂತನ ದಾಖಲೆಯ ಸನಿಹದಲ್ಲಿ ಪಂತ್!
ಟೆಸ್ಟ್‌ನಲ್ಲಿ 100 ಸಿಕ್ಸರ್‌ಗಳ ಮೈಲಿಗಲ್ಲು
ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲೇ Rishabh Pant ಮತ್ತೊಂದು ಅಪರೂಪದ ಸಾಧನೆ ಮಾಡಿದ್ದಾರೆ. ಭರ್ಜರಿ ಸಿಕ್ಸರ್‌ಗಳ ಮೂಲಕ ಟೆಸ್ಟ್ ಕ್ರಿಕೆಟ್‌ನಲ್ಲಿ ತಮ್ಮ 100ನೇ ಸಿಕ್ಸರ್ ಪೂರ್ಣಗೊಳಿಸಿದ್ದಾರೆ. ಈ ಮೂಲಕ ಟೆಸ್ಟ್ ಕ್ರಿಕೆಟ್‌ನಲ್ಲಿ 100 ಸಿಕ್ಸರ್‌ಗಳನ್ನು ಬಾರಿಸಿದ ಮೊದಲ ಭಾರತೀಯ ಬ್ಯಾಟರ್ ಎಂಬ ದಾಖಲೆ ನಿರ್ಮಿಸಿದ್ದಾರೆ.
ದಾಖಲೆಗಳ ಸರದಾರ Rishabh Pant
ಭೀಕರ ಕಾರು ಅಪಘಾತದ ಬಳಿಕ ದೀರ್ಘ ಪುನಶ್ಚೇತನದ ಮೂಲಕ ಕ್ರಿಕೆಟ್‌ಗೆ ಮರಳಿದ ರಿಷಭ್ ಪಂತ್, ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಯಿಂದ ಮತ್ತೊಮ್ಮೆ ಗಮನ ಸೆಳೆದಿದ್ದಾರೆ. ಕಠಿಣ ಪರಿಸ್ಥಿತಿಗಳಲ್ಲೂ ನಿರ್ಭೀತ ಬ್ಯಾಟಿಂಗ್ ಮೂಲಕ ತಂಡಕ್ಕೆ ಹಲವು ಬಾರಿ ನೆರವಾಗಿರುವ ಪಂತ್, ಇದೀಗ ದಾಖಲೆಗಳ ಸರದಾರನಾಗಿಯೂ ಹೊರಹೊಮ್ಮಿದ್ದಾರೆ.
WTCನಲ್ಲಿ ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಹೊರಹೊಮ್ಮಿರುವುದರ ಜೊತೆಗೆ ಟೆಸ್ಟ್‌ನಲ್ಲಿ 100 ಸಿಕ್ಸರ್‌ಗಳ ಗಡಿ ದಾಟಿರುವುದು ಪಂತ್ ಅವರ ಶ್ರೇಷ್ಠತೆಗೆ ಮತ್ತೊಂದು ಸಾಕ್ಷಿಯಾಗಿದೆ.
MUST WATCH : ಬಾಗಿಲು ತೆರೆದ್ರೆ ಕೋತಿಗಳ ಕಾಟ – ಸಿಕ್ಕಿದ್ದನ್ನೆಲ್ಲಾ ಎಗರಿಸಿಕೊಂಡು ಪರಾರಿ
About the Author
