BIGG BOSS 11 :

ಬಿಗ್‌ ಬಾಸ್‌ ಸೀಸನ್‌ 11 ಕೊನೆಯ ಘಟ್ಟಕ್ಕೆ ತಲುಪಿದ್ದು, ಇನ್ನೇನು ಒಂದೇ ವಾರದಲ್ಲಿ ಬಿಗ್‌ ಬಾಸ್‌ 11 ರ ಸೀಸನ್ ನ ವಿನ್ನರ್‌ ಯಾರು ಎಂಬುದು ಎಲ್ಲರಿಗೂ ತಿಳಿಯಲಿದೆ, ಆದರೆ ಕಿಚ್ಚ ಸುದೀಪ್‌ ತಮ್ಮ ಅಭಿಮಾನಿಗಳಿಗೆ ಬಿಗ್‌ ಶಾಕ್‌ ಒಂದನ್ನು ನೀಡಿದ್ದಾರೆ.

ಹೌದು ಬಿಗ್‌ ಬಾಸ್‌ ಸೀಸನ್‌ಗೆ ಕಿಚ್ಚ ಸುದೀಪ್‌ ವಿದಾಯ ಹೇಳಿದ್ದು. ಕೊನೆಯ ನಿರೂಪಣೆ ಬಗ್ಗೆ ಕಿಚ್ಚ ಸುದೀಪ್‌ ಭಾವುಕ ಪೋಸ್ಟ್‌ ಹಾಕುವ ಮೂಲಕ ಪ್ಯಾನ್ಸ್‌ ಗೆ ಶಾಕ್‌ ನೀಡಿದ್ದಾರೆ. ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಆಗಿರುವ ಬಿಗ್‌ಬಾಸ್ ಅನ್ನು ಕಳೆದ 11 ವರ್ಷಗಳಿಂದ ನಟ ಕಿಚ್ಚ ಸುದೀಪ್‌ ಅವರೇ ನಿರೂಪಣೆ ಮಾಡಿಕೊಂಡು ಬಂದಿದ್ದಾರೆ. ಆದರೆ ಇದೀಗ ಅಭಿಮಾನಿಗಳಿಗೆ ಕಿಚ್ಚ ಸುದೀಪ್‌ ಅವರು ಶಾಕಿಂಗ್‌ ನ್ಯೂಸ್‌ ನೀಡಿದ್ದಾರೆ. ಈ ಬಗ್ಗೆ ತಮ್ಮ ಎಕ್ಸ್‌ ಖಾತೆಯಲ್ಲಿ ಮುಂದಿನ ಸೀಸನ್‌ನಿಂದ ನಾನು ಬಿಗ್‌ಬಾಸ್ ಶೋವನ್ನು ನಿರೂಪಣೆ ಮಾಡುವುದಿಲ್ಲ, ಎಂದು ಸುದೀಪ್‌ ಟ್ವೀಟ್‌ ಮಾಡುವ ಮೂಲಕ ವಿದಾಯ ಘೋಷಿಸಿದ್ದಾರೆ .

ಸುದೀಪ್‌ ಅವರು ಬಿಗ್‌ ಬಾಸ್ ಆರಂಭದಿಂದಲೂ ಈ 11ರ ಸೀಸನ್‌ ವರೆಗೆ ಬಿಗ್‌ ಬಾಸ್ ಅನ್ನು ತುಂಬಾ ಎಂಜಾಯ್‌ ಮಾಡಿದ್ದೇನೆ. ಹಾಗೂ ಮುಂದಿನ ಶನಿವಾರ, ಭಾನುವಾರ ನಡೆಯುವ ಗ್ರ್ಯಾಡ್‌ ಫಿನಾಲೆ ನಾನು ನಡೆಸಿಕೊಡುವ ಕೊನೆಯ ನಿರೂಪಣೆ ಶೋ ಆಗಿರಲಿದೆ ಎಂದಿದ್ದಾರೆ. ಎಲ್ಲರನ್ನು ಚೆನ್ನಾಗಿ ರಂಜಿಸಿದ್ದೇನೆ ಎಂದು ನಾನು ಭಾವಿಸುತ್ತೇನೆ. ಇದೊಂದು ಮರೆಯಲಾಗದ ಜರ್ನಿಯಾಗಿದ್ದು ನನಗೆ ಸಾಧ್ಯವಾದಷ್ಟು ಎಲ್ಲಾ ಕಾರ್ಯಕ್ರಮವನ್ನು ಉತ್ತಮವಾಗಿ ನಡೆಸಿ ಕೊಟ್ಟೀದ್ದೇನೆಂದು ತಿಳಿಯುತ್ತೇನೆ ಎಂದಿದ್ದಾರೆ. ಇಂತಹ ಒಳ್ಳೆಯ ಅವಕಾಶ ಕೊಟ್ಟ ಕಲರ್ಸ್‌ ಕನ್ನಡದವರಿಗೆ ಧನ್ಯವಾದಗಳು. ನಿಮ್ಮೆಲ್ಲರ ಮೇಲೂ ಅಪಾರವಾದ ಪ್ರೀತಿ ಗೌರವವಿದೆ ಎಂದು ಕಿಚ್ಚ ಸುದೀಪ್‌ ಭಾವುಕ ಪೋಸ್ಟ್‌ ಹಾಕಿದ್ದಾರೆ.

ಪ್ಯಾನ್ಸ್‌ ಗಳು ಕಿಚ್ಚ ಸುದೀಪ್‌ ಅವರ  ಪೋಸ್ಟ್‌ ಕಂಡು ಭಾವುಕರಾಗಿದ್ದು. ಕೆಲವು ಅಭಿಮಾನಿಗಳು ಕಿಚ್ಚ ಸುದೀಪ್‌ ಅವರಿಗಾಗಿಯೇ ಈ ಕಾರ್ಯಕ್ರಮ ನೋಡುತ್ತಿದ್ದು, ಇನ್ಮುಂದೆ ನಾವು ಈ ಕಾರ್ಯಕ್ರಮ ನೋಡುವುದಿಲ್ಲ ಇದೇ ಕೊನೆಯ ಬಾರಿ ಎಂದು ಫ್ಯಾನ್ಸ್ ಗಳು ಅವರ ಪೋಸ್ಟ್ ಗೆ ಕಮೆಂಟ್‌ ಹಾಕುವ ಮೂಲಕ ಪ್ರತಿಕ್ರಿಯಿಸಿದ್ದಾರೆ .