Sandalwood:

ರಾಮಾರಾಮಾರೇ ಖ್ಯಾತಿಯ ದೀಪಕ್‌ ಮಡುವಳ್ಳಿ ನಿರ್ದೇಶನ, ಸತ್ಯ ಪ್ರಕಾಶ್‌ ರವರ ಕಥೆಯಲ್ಲಿ, ಮಿಲಿಂದ್‌ ಗೌತಮ್‌ ಮೊದಲ ಬಾರಿಗೆ ನಾಯಕ ನಟನಾಗಿ ನಟಿಸಿರುವ ಅನ್‌ ಲಾಕ್‌ ರಾಘವ  ಚಿತ್ರ ಇದೇ ಫೆಬ್ರವರಿ 7 ರಂದು ರಾಜ್ಯಾದ್ಯಂತ ತೆರೆ ಕಾಣಲಿದೆ. ಈ ಚಿತ್ರದ ಟ್ರೈಲರ್‌ ಹಾಗೂ ಹಾಡುಗಳು ಈಗಾಗಲೇ ಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್‌ ಪಡೆದುಕೊಂಡಿವೆ. ಇದೀಗ ಚಿತ್ರ ತೆರೆಕಾಣುತ್ತಿರುವ ಹಿನ್ನೆಲೆ ಇಂದು ತುಮಕೂರಿನಲ್ಲಿ ಚಿತ್ರತಂಡ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ಹಂಚಿಕೊಂಡಿತು.

ನಗರದ ಪತ್ರಿಕಾ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ನಾಯಕ ನಟ ಮಿಲಿಂದ್‌ ಗೌತಮ್‌, ಚಿತ್ರ ತುಂಬಾ ಅಚ್ಚುಕಟ್ಟಾಗಿ ಮೂಡಿಬಂದಿದೆ, ಇದೊಂದು ಪಕ್ಕಾ ಪೈಸಾ ವಸೂಲ್‌ ಸಿನಿಮಾ. ಎಲ್ಲವನ್ನು ಅನ್‌ ಲಾಕ್‌ ಮಾಡುವ ರಾಘವನೇ ಜೀವನದಲ್ಲಿ ಲಾಕ್‌ ಆದ್ರೆ ಹೇಗಿರುತ್ತೆ ಅನ್ನೋದೆ ಸಿನಿಮಾ. ಎಲ್ರೂ ಫ್ಯಾಮಿಲಿ ಸಮೇತ ಬಂದು ಸಿನಿಮಾ ನೋಡಿ ಹೊಸ ಪ್ರತಿಭೆಗಳನ್ನು ಪ್ರೋತ್ಸಾಹಿಸಿ ಬೆಳೆಸಿ ಅಂತಾ ಪ್ರೇಕ್ಷಕರಲ್ಲಿ ಮನವಿ ಮಾಡಿಕೊಂಡರು.

ಸಿನಿಮಾದಲ್ಲಿ ಮಿಲಿಂದ್ ಗೌತಮ್​ ಅವರಿಗೆ ಜೋಡಿಯಾಗಿ ರೇಚಲ್ ಡೇವಿಡ್ ಅವರು ನಟಿಸಿದ್ದಾರೆ. ಅವಿನಾಶ್, ಸಾಧುಕೋಕಿಲ, ಶೋಭರಾಜ್, ವೀಣಾ ಸುಂದರ್, ರಮೇಶ್ ಭಟ್, ಸುಂದರ್, ಸಾಯಿ ಕುಡ್ಲ, ಧರ್ಮಣ್ಣ ಕಡೂರು, ಭೂಮಿ ಶೆಟ್ಟಿ, ಮೂಗೂರು ಸುರೇಶ್ ಸೇರಿದಂತೆ ಅನೇಕ ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. 

ಸುದ್ದಿಗೋಷ್ಟಿಯಲ್ಲಿ ಚಿತ್ರದ  ನಾಯಕ ಮಿಲಿಂದ್‌ ಗೌತಮ್‌ ಹಾಗೂ ಪ್ರೊಡಕ್ಷನ್‌ ಟೀಮ್‌ ನ ಅರವಿಂದ್‌ ,ಮಾರ್ಕೇಟಿಂಗ್‌ ಹೆಡ್‌ ಸುನಿಲ್‌ ಉಪಸ್ಥಿತರಿದ್ದರು.