Hasanamba Temple — ಹಾಸನಾಂಬೆ ದೇವಾಲಯವು ಹಾಸನ ನಗರದ ಅಧಿದೇವತೆ. ವರ್ಷಕ್ಕೆ ಒಮ್ಮೆ ಮಾತ್ರ ತೆರೆಯುವ ಈ ದೇಗುಲದ ಇತಿಹಾಸ, ವಿಶೇಷತೆ, ಶಕ್ತಿ ಸ್ವರೂಪಿಣಿ ದೇವಿಯ ಮಹತ್ವ ಮತ್ತು ಭಕ್ತರ ನಂಬಿಕೆಗಳ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

Hasanamba Temple: ಹಾಸನಾಂಬೆ ದೇವಾಲಯದ ಇತಿಹಾಸ ಹಾಗೂ ವಿಶೇಷತೆ

ಹಾಸನಾಂಬೆ ದೇವಾಲಯದ ವಾರ್ಷಿಕ ದರ್ಶನ ಪ್ರಾರಂಭವಾಗಿದೆ. ಅಕ್ಟೋಬರ್ 9ರಿಂದ 23ರವರೆಗೆ ತೆರೆದಿರುವ ಈ ದೇವಾಲಯವು ಭಕ್ತರ ಶ್ರದ್ಧಾ ಕೇಂದ್ರವಾಗಿದ್ದು, ವರ್ಷಕ್ಕೊಮ್ಮೆ ಮಾತ್ರ ತೆರೆಯುವ ದೇವಾಲಯ ಎಂಬ ವಿಶಿಷ್ಟತೆಗೆ ಹೆಸರುವಾಸಿಯಾಗಿದೆ.

ದೇವಿಯ ಇತಿಹಾಸ ಮತ್ತು ಹೆಸರಿನ ಮೂಲ

‘ಹಾಸನಾಂಬೆ’ ಎಂಬ ಹೆಸರು “ನಗುಮುಖದ ಅಂಬಾ” ಅಂದರೆ ನಗುಮುಖದ ತಾಯಿ ಎಂದರ್ಥ.
ಈ ಹೆಸರಿನಿಂದಲೇ ಹಾಸನ ನಗರಕ್ಕೆ “ಹಾಸನ” ಎಂಬ ಹೆಸರು ಬಂದಿತೆಂದು ಇತಿಹಾಸಕಾರರು ಹೇಳುತ್ತಾರೆ.
ಹಾಸನಾಂಬೆ ದೇವಿಯು ಹಾಸನ ನಗರದ ಅಧಿದೇವತೆಯಾಗಿ ಪೂಜಿಸಲ್ಪಡುತ್ತಾಳೆ.

ದೇವಾಲಯದಲ್ಲಿ ಅತ್ಯಂತ ವಿಚಿತ್ರ ನಂಬಿಕೆಯೆಂದರೆ —

• ದೇಗುಲ ಮುಚ್ಚಿದ ನಂತರ ಹಚ್ಚಿದ ದೀಪ ಮುಂದಿನ ವರ್ಷ ತೆರೆದರೂ ಆರದೆ ಉರಿಯುತ್ತದೆ,
• ನೈವೇದ್ಯ ಕೆಡದೆ ಉಳಿಯುತ್ತದೆ,
• ಹೂವುಗಳು ಬಾಡದೆ ಹೊಸದಾಗಿ ಕಾಣಿಸುತ್ತವೆ ಎಂಬುದು.

ಈ ಘಟನೆಗಳು ಭಕ್ತರ ನಂಬಿಕೆಯನ್ನು ವರ್ಷದಿಂದ ವರ್ಷಕ್ಕೆ ಹೆಚ್ಚಿಸುತ್ತಿವೆ.

ಹಾಸನಾಂಬೆ ದೇವಾಲಯದ ಇತಿಹಾಸ

ಈ ದೇವಾಲಯವನ್ನು 12ನೇ ಶತಮಾನದಲ್ಲಿ ಹೊಯ್ಸಳರ ಕಾಲದಲ್ಲಿ ನಿರ್ಮಿಸಲಾಗಿದೆ.
ಇಲ್ಲಿ ಸಪ್ತಮಾತೃಕೆಯರಲ್ಲಿ ಮೂವರು ತಾಯಂದಿರು ನೆಲೆಸಿದ್ದಾರೆ ಎಂಬ ನಂಬಿಕೆ ಇದೆ —
ಬ್ರಾಹ್ಮೀ, ಮಹೇಶ್ವರಿ, ಕೌಮಾರಿ, ವೈಷ್ಣವಿ, ವಾರಾಹಿ, ಇಂದ್ರಾಣಿ ಮತ್ತು ಚಾಮುಂಡಿ ಎಂಬ ಸಪ್ತಮಾತೃಕೆಯರು ಹಾಸನದ ಸೌಂದರ್ಯ ನೋಡಿ ಇಲ್ಲೇ ನೆಲೆಸಲು ನಿರ್ಧರಿಸಿದರಂತೆ.

ಅವರಲ್ಲಿ –

• ಮಹೇಶ್ವರಿ, ಕೌಮಾರಿ ಮತ್ತು ವೈಷ್ಣವಿ ಹಾಸನಾಂಬೆ ರೂಪದಲ್ಲಿ ಹಾಸನದಲ್ಲಿದ್ದಾರೆ.
• ಬ್ರಾಹ್ಮೀ ಮತ್ತು ಇಂದ್ರಾಣಿ ಕೆಂಚಮ್ಮನ ಹೊಸಕೋಟೆಯಲ್ಲಿ ನೆಲೆಸಿದ್ದಾರೆ.
• ವಾರಾಹಿ ಮತ್ತು ಚಾಮುಂಡಿ ದೇವಿಯು ಒಂದು ಬಾವಿಯಲ್ಲಿ ನೆಲೆಸಿದ್ದಾರೆ ಎಂದು ನಂಬಲಾಗಿದೆ.

ಹಾಸನಾಂಬೆ ದೇವಿ ಶಕ್ತಿ ಸ್ವರೂಪಿಣಿ, ಸ್ತ್ರೀ ಶಕ್ತಿಯ ಸಂಕೇತವಾಗಿದ್ದಾಳೆ.

ವರ್ಷಕ್ಕೊಮ್ಮೆ ಮಾತ್ರ ತೆರೆಯುವ ದೇವಾಲಯ

ಹಾಸನಾಂಬೆ ದೇವಾಲಯವು ವರ್ಷದಲ್ಲಿ ಒಂದೇ ಬಾರಿ ತೆರೆಯುತ್ತದೆ —
ಈ ವರ್ಷ October 9ರಿಂದ 23ರವರೆಗೆ ದರ್ಶನಕ್ಕೆ ಅವಕಾಶವಿದೆ.
ಭಕ್ತರಿಗೆ ಈ 14 ದಿನಗಳ ಕಾಲ ಮಾತ್ರ ದರ್ಶನದ ಭಾಗ್ಯ ಲಭಿಸುತ್ತದೆ.
ಅಕ್ಟೋಬರ್ 23, ಬಲಿಪಾಡ್ಯಮಿಯ ನಂತರ ದೇವಾಲಯದ ಬಾಗಿಲುಗಳನ್ನು ಮತ್ತೆ ಮುಚ್ಚಲಾಗುತ್ತದೆ.

ದೇಶದ ವಿವಿಧ ಭಾಗಗಳಿಂದ ಭಕ್ತರ ಆಗಮನ

ವರ್ಷಕ್ಕೆ ಒಂದೇ ಬಾರಿ ದೇವಾಲಯ ತೆರೆಯುವ ಕಾರಣದಿಂದ, ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ, ಮಹಾರಾಷ್ಟ್ರ ಸೇರಿದಂತೆ ಅನೇಕ ರಾಜ್ಯಗಳಿಂದ ಸಾವಿರಾರು ಭಕ್ತರು ಹಾಸನಕ್ಕೆ ಆಗಮಿಸುತ್ತಾರೆ.
ಭಕ್ತರು ಹರಕೆಗಳನ್ನು ಹೊತ್ತು, ಪೂಜೆ ಸಲ್ಲಿಸಿ, hasanamba ತಾಯಿಯ ಕೃಪೆಗಾಗಿ ಪ್ರಾರ್ಥಿಸುತ್ತಾರೆ.

MUST READ : Chikkanayakanahalli News Nirugal Village Scam ನಿರುವಗಲ್ ವಾಲಿಬಾಲ್ ಕೋರ್ಟ್ ಹಗರಣ

ಮನೆಯಲ್ಲಿಯೂ ಹಾಸನಾಂಬೆ ಪೂಜೆ ಮಾಡುವ ವಿಧಾನ

ಹಾಸನಾಂಬೆ ದೇವಿಯನ್ನು ಮನೆಯಲ್ಲಿ ಆವಾಹಿಸಿ ಪೂಜಿಸಬಹುದು.
ಭಕ್ತರು ಒಂದು ಅಕ್ಕಿಯ ಮೇಲಿಗೆ ತಾಮ್ರ, ಹಿತ್ತಾಳೆ ಅಥವಾ ಬೆಳ್ಳಿ ದೀಪವನ್ನು ಪೂರ್ವಾಭಿಮುಖವಾಗಿ ಇಟ್ಟು,
ಅದಕ್ಕೆ ಒಂದು ಚಿಟಿಕೆ ಕುಂಕುಮ ಹಾಕಿ, ತಾಯಿಯನ್ನು ಸ್ಮರಿಸಿ ಪ್ರಾರ್ಥನೆ ಮಾಡಿದರೆ ಸಂಕಲ್ಪಗಳು ಈಡೇರಲಿವೆ ಎಂಬ ನಂಬಿಕೆ ಇದೆ.

ದೇವಿಯ ಕೃಪೆಯಿಂದ ಸಮಸ್ಯೆ ಪರಿಹಾರ

ವಿವಾಹದಲ್ಲಿ ತೊಂದರೆ ಅನುಭವಿಸುವವರು,
ಆರೋಗ್ಯ ಸಮಸ್ಯೆ ಹೊಂದಿರುವವರು,
ಮೋಸ ಅಥವಾ ಕಷ್ಟಗಳಲ್ಲಿ ಸಿಲುಕಿರುವವರು —
ಎಲ್ಲರೂ ಹಾಸನಾಂಬೆ ದೇವಿಯ ಮೊರೆ ಹೋಗುತ್ತಾರೆ.
ತಾಯಿಯ ಕೃಪೆಯಿಂದ ಅವರ ಜೀವನದಲ್ಲಿ ಶಾಂತಿ ಮತ್ತು ಸಂತೃಪ್ತಿ ವಾಸಿಸುತ್ತದೆ ಎಂಬ ನಂಬಿಕೆ ಭಕ್ತರಲ್ಲಿ ಆಳವಾಗಿ ನೆಲೆಸಿದೆ.

MUST WATCH : ಬೀದಿ ನಾಯಿಗಳ DEADLY ATTACK | ಮಗುವಿನ ಮುಖ ಕಚ್ಚಿ ಹಾಕಿದ SHOCKING ಘಟನೆ | BELAGAVI NEWS |

About the Author

Meghana Prashantha

Editor

View All Posts