MS Dhoni : 7ರ ಸರದಾರನ 7 ದಾಖಲೆಗಳು!
ಇಂದು ವಿಶ್ವ ಕ್ರಿಕೆಟ್ನ ದಂತಕಥೆ, ಕೋಟ್ಯಂತರ ಅಭಿಮಾನಿಗಳ ಆರಾಧ್ಯ ದೈವ ಮಹೇಂದ್ರ ಸಿಂಗ್ ಧೋನಿ (45) ಅವರ ಹುಟ್ಟುಹಬ್ಬ. ರಾಂಚಿಯ ಸಣ್ಣ ಹಳ್ಳಿಯಿಂದ ಬಂದು ಜಾಗತಿಕ ಕ್ರಿಕೆಟ್ ಅನ್ನೇ ಆಳಿದ ಈ ‘ಕ್ಯಾಪ್ಟನ್ ಕೂಲ್’ ಬೆನ್ನ ಮೇಲಿನ ಐಕಾನಿಕ್ ‘ನಂಬರ್ 7’ ಜೆರ್ಸಿಯ ಮೂಲಕವೇ ಜಗತ್ತಿನಾದ್ಯಂತ ಹೊಸ ಕ್ರಾಂತಿ ಸೃಷ್ಟಿಸಿದ ಈ ‘ಕ್ಯಾಪ್ಟನ್ ಕೂಲ್’ ಬರೆದಿಟ್ಟಿರುವ 7 ಅಪ್ರತಿಮ ದಾಖಲೆಗಳ ಪಟ್ಟಿ ಇಲ್ಲಿದೆ.
ಮೂರು ICC ಟ್ರೋಫಿ ಗೆದ್ದ ಏಕೈಕ ನಾಯಕ
2007ರ ಟಿ20 ವಿಶ್ವಕಪ್, 2011ರ ಏಕದಿನ ವಿಶ್ವಕಪ್ ಹಾಗೂ 2013ರ ಚಾಂಪಿಯನ್ಸ್ ಟ್ರೋಫಿ. ಈ ಮೂರು ಐಸಿಸಿ ಪ್ರಶಸ್ತಿಗಳನ್ನು ಗೆದ್ದ ವಿಶ್ವದ ಏಕೈಕ ನಾಯಕ ಮಹೇಂದ್ರ ಸಿಂಗ್ ಧೋನಿ
ಅತಿ ಹೆಚ್ಚು ಪಂದ್ಯಗಳ ಕ್ಯಾಪ್ಟನ್
ಧೋನಿ ಭಾರತ ತಂಡವನ್ನು ಒಟ್ಟು 332 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಮುನ್ನಡೆಸಿದ್ದಾರೆ. 200 ಒನ್ಡೇ, 60 ಟೆಸ್ಟ್ ಮತ್ತು 72 ಟಿ20 ಪಂದ್ಯಗಳಲ್ಲಿ ನಾಯಕತ್ವ ವಹಿಸಿ ವಿಶ್ವ ಕ್ರಿಕೆಟ್ನಲ್ಲಿ ಹೊಸ ಮಾನದಂಡ ನಿರ್ಮಿಸಿದ್ದಾರೆ.
ಹೆಚ್ಚು ಸ್ಟಂಪಿಂಗ್ಸ್
ವಿಕೆಟ್ ಹಿಂಭಾಗದಲ್ಲಿ ಮಿಂಚಿನ ವೇಗ ಹೊಂದಿದ್ದ ಧೋನಿ, ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ 195 ಸ್ಟಂಪಿಂಗ್ ಮಾಡಿ ವಿಶ್ವದ ನಂಬರ್ ಒನ್ ಕೀಪರ್ ಎನಿಸಿಕೊಂಡಿದ್ದಾರೆ.
ಕೇವಲ 0.08 ಸೆಕೆಂಡ್ಗಳಲ್ಲಿ ಸ್ಟಂಪಿಂಗ್ ಮಾಡಿದ ದಾಖಲೆಯೂ ಇವರ ಹೆಸರಿನಲ್ಲಿದೆ.
ಇದನ್ನು ಓದಿ : IPL ನ ಇಡೀ ಆವೃತ್ತಿ ಆಡದ ಧೋನಿ – 2027ಕ್ಕೂ ಮುನ್ನವೇ ನಿವೃತ್ತಿ?
ಗರಿಷ್ಠ ವೈಯುಕ್ತಿಕ ಸ್ಕೋರ್
350 ಏಕದಿನ ಪಂದ್ಯಗಳಲ್ಲಿ ಧೋನಿ ದಾಖಲೆಯ 84 ಬಾರಿ ನಾಟ್ ಔಟ್ ಆಗಿದ್ದಾರೆ. ಪಂದ್ಯವನ್ನು ಕೊನೆಯವರೆಗೂ ಕೊಂಡೊಯ್ದು ತಂಡಕ್ಕೆ ಗೆಲುವು ತಂದುಕೊಟ್ಟ ಶ್ರೇಷ್ಠ ಫಿನಿಷರ್ ಎಂಬ ಹೆಗ್ಗಳಿಕೆ ಅವರಿಗೆ ಸೇರಿದೆ.
ಅಜೇಯ ದಾಖಲೆ
ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು 5 ಬಾರಿ ಐಪಿಎಲ್ ಚಾಂಪಿಯನ್ ಮಾಡಿದ ಧೋನಿ, ನಾಯಕನಾಗಿಯೇ 5,000ಕ್ಕೂ ಹೆಚ್ಚು ರನ್ ಗಳಿಸಿದ ಮೊದಲ ಆಟಗಾರ.
ಜೊತೆಗೆ ಐಪಿಎಲ್ನಲ್ಲಿ 226 ಪಂದ್ಯಗಳಿಗೆ ನಾಯಕತ್ವ ವಹಿಸಿದ ದಾಖಲೆ ಕೂಡ ಇವರದ್ದೇ.
ರನ್ಗಳ ರಾಶಿ
ಸಾಮಾನ್ಯವಾಗಿ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವವರಿಗೆ ಹೆಚ್ಚು ಅವಕಾಶ ಸಿಗುವುದಿಲ್ಲ. ಆದರೆ ಧೋನಿ ಏಕದಿನ ಕ್ರಿಕೆಟ್ನಲ್ಲಿ 7ನೇ ಕ್ರಮಾಂಕದಲ್ಲಿ ಎರಡು ಶತಕ ಸಿಡಿಸಿ ಈ ಸಾಧನೆ ಮಾಡಿದ ಏಕೈಕ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಅತಿ ಹೆಚ್ಚು ಶತಕ
ತಮ್ಮ ಜೆರ್ಸಿ ಸಂಖ್ಯೆ 7 ಕ್ಕೆ ತಕ್ಕಂತೆ Dhoni ಹೊಂದಿರುವ ಮತ್ತೊಂದು ಅಪರೂಪದ ದಾಖಲೆ ಇದು. ಸಾಮಾನ್ಯವಾಗಿ 7ನೇ ಕ್ರಮಾಂಕದಲ್ಲಿ ಬರುವ ಬ್ಯಾಟರ್ಗಳಿಗೆ ಹೆಚ್ಚು ಎಸೆತಗಳು ಸಿಗುವುದಿಲ್ಲ.
ಆದರೂ ಧೋನಿ ಏಕದಿನ ಕ್ರಿಕೆಟ್ನಲ್ಲಿ ಈ ಸ್ಥಾನದಲ್ಲಿ ಕಣಕ್ಕಿಳಿದು 2 ಶತಕಗಳನ್ನು ಬಾರಿಸಿದ್ದಾರೆ.
ಜೆರ್ಸಿ ಮೇಲಿನ ‘7’ ಕೇವಲ ಒಂದು ಸಂಖ್ಯೆಯಲ್ಲ. ಅದು ಧೋನಿ ಕಟ್ಟಿದ ಯಶಸ್ಸಿನ ಸಾಮ್ರಾಜ್ಯದ ಸಂಕೇತ. ನಾಯಕತ್ವ, ಮಿಂಚಿನ ಕೀಪಿಂಗ್ ಮತ್ತು ಅಸಾಧಾರಣ ಫಿನಿಷಿಂಗ್.
ಇವೆಲ್ಲದರ ಮೂಲಕ ಮಹೇಂದ್ರ ಸಿಂಗ್ ಧೋನಿ ವಿಶ್ವ ಕ್ರಿಕೆಟ್ನಲ್ಲಿ ಅಳಿಸಲಾಗದ ಅಧ್ಯಾಯ ಬರೆದಿದ್ದಾರೆ.
ಇದನ್ನು ನೋಡಿ : ಹಲವು ಜಿಲ್ಲೆಗಳಲ್ಲಿ ಕೈಕೊಟ್ಟ ಮಳೆರಾಯ – ಶಾಸಕರ ಹಣದಿಂದ ಮೋಡ ಬಿತ್ತನೆ ಕಾರ್ಯ
About the Author
