BBK : ಕಳೆದೊಂದು ವಾರದಿಂದ ಅಶ್ವಿನಿ ಗೌಡ ಬಿಗ್ಬಾಸ್ ಮನೆಯಲ್ಲಿ ಸೈಲೆಂಟ್ ಆಗುವ ಪ್ರಯತ್ನದಲ್ಲಿದ್ದರೆ ಅವರ ಸ್ಥಾನವನ್ನು ರಿಷಾ ಹಾಗೂ ದ್ರುವಂತ್ ತೆಗೆದುಕೊಂಡಿರುವಂತೆ ಕಾಣಿಸ್ತಿದೆ.
ಕಳೆದೊಂದು ವಾರದಿಂದ ಅಶ್ವಿನಿ ಗೌಡ ಬಿಗ್ಬಾಸ್ (BIGG BOSS) ಮನೆಯಲ್ಲಿ ಸೈಲೆಂಟ್ ಆಗುವ ಪ್ರಯತ್ನದಲ್ಲಿದ್ದರೆ ಅವರ ಸ್ಥಾನವನ್ನು ರಿಷಾ ಹಾಗೂ ದ್ರುವಂತ್ ತೆಗೆದುಕೊಂಡಿರುವಂತೆ ಕಾಣಿಸ್ತಿದೆ. ಗಿಲ್ಲಿ ಹಾಗೂ ರಕ್ಷಿತಾರೊಂದಿಗೆ ಜಗಳಕ್ಕೆ ನಿಂತಿದ್ದ ದ್ರುವಂತ್ ಈಗ ರಾಶಿಕಾರನ್ನೂ ಎದುರು ಹಾಕಿಕೊಂಡಿದ್ದಾರೆ.
ದ್ರುವಂತ್ – ಹೊಸ ವಿವಾದದ ಕೇಂದ್ರಬಿಂದು
ಇತ್ತೀಚೆಗೆ ಗಿಲ್ಲಿ ಹಾಗೂ ರಕ್ಷಿತಾರೊಂದಿಗೆ ಜಗಳ ನಡೆಸಿದ ದ್ರುವಂತ್, ಈಗ ರಾಶಿಕಾ ವಿರುದ್ಧ ನೇರ ಮುಖಾಮುಖಿಯಾಗಿ ನಿಂತಿದ್ದಾರೆ. ಅವರ ಬಾಯಿಂದ ಹೊರಬಂದ ಮಾತುಗಳು ಈಗ ಅವರಿಗೇ ಮುಳುವಾಗಿವೆ.
ಕಾವ್ಯ ಜೊತೆ ಮಾಡಿದ ಮಾತು – ದ್ರುವಂತ್ಗೆ ಹಿಂಬಾಲಿಸಿದ ವಿವಾದ
ದ್ರುವಂತ್, ಕಾವ್ಯ ಜೊತೆ ಮಾತನಾಡುವ ವೇಳೆ “ರಾಶಿಕಾ ಮೊದಲು ಅಭಿಷೇಕ್ ಹತ್ರ ಹೋದ್ರು ವರ್ಕ್ ಆಗ್ಲಿಲ್ಲ, ನನ್ನ ಹತ್ರ ಬಂದ್ರು ವರ್ಕ್ ಆಗ್ಲಿಲ್ಲ, ಈಗ ಸೂರಜ್ ಹತ್ರ ಹೋಗಿದ್ದಾರೆ” ಎಂದು ಹೇಳಿದ್ದರು. ಈ ಮಾತು ಈಗ ಬಿಗ್ಬಾಸ್ ಮನೆಯಲ್ಲಿ ಚರ್ಚೆಯ ವಿಷಯವಾಗಿದೆ.
ಇದನ್ನು ಓದಿ : Bengaluru : ಹೆಂಡತಿಯಿಂದ ಕಿರುಕುಳ ಆರೋಪ – ಬ್ಯಾಂಕ್ ಉದ್ಯೋಗಿ ಸೂಸೈಡ್
ರಾಶಿಕಾ ನೇರ ಪ್ರಶ್ನೆ – ದ್ರುವಂತ್ ಸಮರ್ಥನೆ
ಈ ವಿಚಾರ ಕೇಳಿ ರಾಶಿಕಾ ನೇರವಾಗಿ ದ್ರುವಂತ್ ಅವರನ್ನು ಪ್ರಶ್ನೆ ಮಾಡಿದ್ದಾರೆ. ದ್ರುವಂತ್ ತಾವು ತಪ್ಪೇನೂ ಹೇಳಿಲ್ಲ ಎಂದು ಸಮರ್ಥಿಸಿಕೊಂಡು, “ನನಗೆ ಹೆಣ್ಣು ಮಕ್ಕಳ ಜೊತೆ ಮಾತನಾಡಿ ಏನೂ ಆಗಬೇಕಾಗಿಲ್ಲ” ಎಂದು ಹೇಳಿದ್ದಾರೆ.
ಕಾವ್ಯ ನೀಡಿದ ಕಟು ಉತ್ತರ
ಇದಕ್ಕೆ ಸರಿಯಾಗೇ ಉತ್ತರಿಸಿರುವ ಕಾವ್ಯ ನಿಮಗೆ ಹೆಣ್ಣು ಮಕ್ಕಳೊಂದಿಗೆ ಮಾತನಾಡಲು ಇಷ್ಟ ಇಲ್ಲ ಎಂದಲ್ಲ. ಇಲ್ಲಿರುವ ಯಾವ ಹೆಣ್ಣು ಮಕ್ಕಳಿಗೂ ನಿಮ್ಮೊಂದಿಗೆ ಮಾತನಾಡಲು ಇಷ್ಟ ಇಲ್ಲ ಎಂದು ಹೇಳಿದ್ದಾರೆ.
ದ್ರುವಂತ್ನ ಸ್ಟ್ರಾಟಜಿ ವಿಫಲವಾಗುತ್ತಿದೆಯೇ?
ದ್ರುವಂತ್ ಕಳೆದ ಕೆಲವು ದಿನಗಳಿಂದ ಮನೆಯಲ್ಲಿ ಎಲ್ಲರ ಬಗ್ಗೆ ಎಲ್ಲರ ಮುಂದೆ ಮಾತನಾಡುವ ತಂತ್ರವನ್ನು ಅನುಸರಿಸುತ್ತಿದ್ದಾರೆ. ಆದರೆ ಈ ಬಾರಿ ಅವರ ಸ್ಟ್ರಾಟಜಿ ಅವರಿಗೇ ವಿರುದ್ಧವಾಗಿ ತಿರುಗಿದಂತಾಗಿದೆ.
ಇದನ್ನು ನೋಡಿ : ಬಾಂಗ್ಲಾದೇಶ್ ತಂಡದ ಮಾಜಿ ನಾಯಕನಿಗೆ ಹೃದಯಾಘಾತ!
About the Author
