IPL 2026 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಕಳಪೆ ಫೀಲ್ಡಿಂಗ್ನಿಂದ ಸಂಕಷ್ಟ ಎದುರಿಸುತ್ತಿದೆ. 5 ಪಂದ್ಯಗಳಲ್ಲಿ 8 ಕ್ಯಾಚ್ಗಳನ್ನು ಕೈಬಿಟ್ಟ ಸಿಎಸ್ಕೆ ಈಗ ಅಂಕಪಟ್ಟಿಯಲ್ಲಿ 8ನೇ ಸ್ಥಾನದಲ್ಲಿದೆ.
IPL 2026 : ಐಪಿಎಲ್ 2026ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (CSK) ತಂಡವು ಕೆಲವು ಪಂದ್ಯಗಳಲ್ಲಿ ಗೆಲುವು ಸಾಧಿಸಿದರೂ, ತಂಡದ ಕಳಪೆ ಫೀಲ್ಡಿಂಗ್ ಈಗ ದೊಡ್ಡ ಚಿಂತೆಗೆ ಕಾರಣವಾಗಿದೆ. ಐದು ಪಂದ್ಯಗಳಲ್ಲಿ ಕೇವಲ ಎರಡು ಗೆಲುವು ಸಾಧಿಸಿರುವ ಸಿಎಸ್ಕೆ, ಉಳಿದ ಮೂರು ಪಂದ್ಯಗಳಲ್ಲಿ ಸೋಲು ಕಂಡಿದೆ.
ಮುಖ್ಯವಾಗಿ, ಈ ಸೋಲಿಗೆ ಪ್ರಮುಖ ಕಾರಣವಾಗಿ ಫೀಲ್ಡಿಂಗ್ ದೋಷಗಳು ಗುರುತಿಸಲಾಗಿದೆ.
‘ಕ್ಯಾಚಸ್ ವಿನ್ ಮ್ಯಾಚಸ್’ ಮಾತು ಈ ಬಾರಿ ಮರೀಚಿಕೆ
ಕ್ರಿಕೆಟ್ನಲ್ಲಿ ಸಾಮಾನ್ಯವಾಗಿ “Catches Win Matches” ಎಂಬ ಮಾತು ಕೇಳಿಬರುತ್ತದೆ. ಆದರೆ ಈ ಬಾರಿ ಐಪಿಎಲ್ನಲ್ಲಿ ಸಿಎಸ್ಕೆ ತಂಡದ ಪಾಲಿಗೆ ಈ ಮಾತು ನಿಜವಾಗಿಲ್ಲ.
ಒಮ್ಮೆ ಚುರುಕಾದ ಫೀಲ್ಡಿಂಗ್ಗೆ ಹೆಸರಾಗಿದ್ದ ಧೋನಿ ಪಡೆಯ ತಂಡ, ಈಗ ಸುಲಭ ಕ್ಯಾಚ್ಗಳನ್ನು ಕೈಬಿಡುವ ಮೂಲಕ ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿದೆ.
ಅಂಕಿ-ಅಂಶಗಳೇ ಚಿಂತೆಗೆ ಕಾರಣ
ಪ್ರಸಕ್ತ ಸೀಸನ್ನಲ್ಲಿ ಇದುವರೆಗೆ ಸಿಎಸ್ಕೆ ಆಟಗಾರರು ಒಟ್ಟು 8 ಕ್ಯಾಚ್ಗಳನ್ನು ಕೈಬಿಟ್ಟಿದ್ದಾರೆ.
ಇದರಿಂದಾಗಿ, ಅತಿ ಹೆಚ್ಚು ಕ್ಯಾಚ್ಗಳನ್ನು ಬಿಟ್ಟ ತಂಡಗಳ ಪಟ್ಟಿಯಲ್ಲಿ ಸನ್ ರೈಸರ್ಸ್ ಹೈದರಾಬಾದ್ (SRH) ತಂಡದೊಂದಿಗೆ ಸಿಎಸ್ಕೆ ಜಂಟಿಯಾಗಿ ಅಗ್ರಸ್ಥಾನದಲ್ಲಿದೆ.
ಅಷ್ಟೇ ಅಲ್ಲದೆ, ಕೇವಲ 68% ಕ್ಯಾಚಿಂಗ್ ದಕ್ಷತೆ ಹೊಂದಿರುವ ಸಿಎಸ್ಕೆ, ಈ ಬಾರಿಯ ಐಪಿಎಲ್ನಲ್ಲಿ ಅತ್ಯಂತ ಕಳಪೆ ಫೀಲ್ಡಿಂಗ್ ಪ್ರದರ್ಶನ ನೀಡುತ್ತಿರುವ ತಂಡಗಳಲ್ಲಿ ಒಂದಾಗಿದೆ
ಪ್ರಮುಖ ಆಟಗಾರರಿಂದಲೇ ತಪ್ಪು
ಮಂಗಳವಾರ ನಡೆದ ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ವಿರುದ್ಧದ ಪಂದ್ಯದಲ್ಲಿ ತಂಡದ ನಾಯಕ ರುತುರಾಜ್ ಗಾಯಕ್ವಾಡ್ ಅವರು ಸುನಿಲ್ ನರೈನ್ ನೀಡಿದ ಸುಲಭ ಕ್ಯಾಚ್ ಕೈಬಿಟ್ಟಿದ್ದರು.
ಇವರ ಜೊತೆಗೆ ಯುವ ಆಟಗಾರರಾದ ಡೆವಾಲ್ಡ್ ಬ್ರೆವಿಸ್ ಮತ್ತು ಸರ್ಫರಾಝ್ ಖಾನ್ ಕೂಡ ಫೀಲ್ಡಿಂಗ್ನಲ್ಲಿ ಎಡವುತ್ತಿರುವುದು ಗಮನಾರ್ಹವಾಗಿದೆ.
ಪಂದ್ಯಗಳ ಫಲಿತಾಂಶದ ಮೇಲೆ ನೇರ ಪರಿಣಾಮ
ಕಳೆದ ಐದು ಪಂದ್ಯಗಳಲ್ಲಿ ಸಿಎಸ್ಕೆ ಆಟಗಾರರು 8 ಕ್ಯಾಚ್ಗಳನ್ನು ಕೈಬಿಟ್ಟಿರುವುದು ಪಂದ್ಯಗಳ ಫಲಿತಾಂಶದ ಮೇಲೆ ನೇರ ಪರಿಣಾಮ ಬೀರಿದೆ.
ಪ್ರತಿ ಪಂದ್ಯದಲ್ಲೂ, ಕ್ಯಾಚ್ಗಳನ್ನು ಬಿಡುವುದರಿಂದ ಎದುರಾಳಿಗಳಿಗೆ ಜೀವದಾನ ಸಿಗುತ್ತಿದ್ದು, ಇದರಿಂದ ಬೌಲರ್ಗಳ ಆತ್ಮವಿಶ್ವಾಸವೂ ಕುಸಿಯುತ್ತಿದೆ.
RCB ಮತ್ತು RR ತಂಡಗಳ ಫೀಲ್ಡಿಂಗ್ ಮಾದರಿ
ಇದಕ್ಕೆ ವಿರುದ್ಧವಾಗಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮತ್ತು ರಾಜಸ್ಥಾನ್ ರಾಯಲ್ಸ್ (RR) ತಂಡಗಳು ಈ ಸೀಸನ್ನಲ್ಲಿ ಅತ್ಯುತ್ತಮ ಫೀಲ್ಡಿಂಗ್ ಪ್ರದರ್ಶನ ನೀಡುತ್ತಿವೆ.
ವಿಶೇಷವಾಗಿ, ಈ ಎರಡು ತಂಡಗಳೇ ಈಗ ಐಪಿಎಲ್ ಅಂಕ ಪಟ್ಟಿಯಲ್ಲಿ ಮೊದಲ ಎರಡು ಸ್ಥಾನಗಳನ್ನು ಅಲಂಕರಿಸಿರುವುದು ಗಮನಾರ್ಹವಾಗಿದೆ.
ಅಂಕಪಟ್ಟಿಯಲ್ಲಿ 8ನೇ ಸ್ಥಾನಕ್ಕೆ ಕುಸಿದ ಸಿಎಸ್ಕೆ
ಸತತ ಫೀಲ್ಡಿಂಗ್ ದೋಷಗಳ ಪರಿಣಾಮವಾಗಿ, ಸಿಎಸ್ಕೆ ತಂಡವು ಐದು ಪಂದ್ಯಗಳಲ್ಲಿ ಮೂರರಲ್ಲಿ ಸೋತು ಇದೀಗ ಅಂಕಪಟ್ಟಿಯಲ್ಲಿ 8ನೇ ಸ್ಥಾನಕ್ಕೆ ಕುಸಿದಿದೆ.
ಟೂರ್ನಿಯು ಈಗ ಮೊದಲಾರ್ಧದ ಅಂತಿಮ ಹಂತಕ್ಕೆ ಬಂದಿರುವುದರಿಂದ, ಮುಂದಿನ ಪಂದ್ಯಗಳು ಅತ್ಯಂತ ನಿರ್ಣಾಯಕವಾಗಲಿವೆ.
About the Author
