ದಿಢೀರ್ ಅಂದರೆ ತ್ವರಿತ! ಅಂದರೆ ಕಡಿಮೆ ಸಮಯದಲ್ಲಿ ಸಿದ್ಧವಾಗುವ ರುಚಿಕರವಾದ ರಸಂ ರೈಸ್. ಬಿಸಿ ಬಿಸಿ ಅನ್ನ, ತೊಗರಿ ಬೇಳೆ ಹಾಗೂ ಸಾಂಪ್ರದಾಯಿಕ ಮಸಾಲೆಯ ಸುವಾಸನೆಯೊಂದಿಗೆ ತಯಾರಾಗುವ ಈ ರೆಸಿಪಿ ಊಟಕ್ಕೆ ಸೊಗಸಾದ ರುಚಿಯನ್ನು ನೀಡುತ್ತದೆ.
ಬೇಕಾಗುವ ಪದಾರ್ಥಗಳು:
- ಅಕ್ಕಿ – ¾ ಬಟ್ಟಲು
- ತೊಗರಿ ಬೇಳೆ – ½ ಬಟ್ಟಲು
- ಮೆಣಸು – 1 ಚಮಚ
- ಜೀರಿಗೆ – 1 ಚಮಚ
- ಕರಿಬೇವು – ಸ್ವಲ್ಪ
- ಒಣ ಮೆಣಸಿನಕಾಯಿ – 3
- ಬೆಳ್ಳುಳ್ಳಿ – 6
- ಎಣ್ಣೆ – 3 ಚಮಚ
- ಸಾಸಿವೆ – ಸ್ವಲ್ಪ
- ಜಜ್ಜಿದ ಬೆಳ್ಳುಳ್ಳಿ – 3
- ಒಣ ಮೆಣಸಿನಕಾಯಿ – 2
- ಟೊಮ್ಯಾಟೊ – 2 ಅಥವಾ 3
- ಅರಿಶಿನ ಪುಡಿ – ½ ಚಮಚ
- ರಸಂ ಪುಡಿ – 2 ಚಮಚ
- ಹುಣಸೆ ರಸ – (ನಿಂಬೆ ಗಾತ್ರದ ಹುಣಸೆ + ¼ ಕಪ್ ನೀರು ಹಿಂಡಿ ತಯಾರಿಸಿದದು)
- ಉಪ್ಪು – ರುಚಿಗೆ ತಕ್ಕಷ್ಟು
- ಕೊತ್ತಂಬರಿ ಸೊಪ್ಪು – ಸ್ವಲ್ಪ
ಮಾಡುವ ವಿಧಾನ:
- ಮೊದಲು ಬೇಳೆ ಮತ್ತು ಅಕ್ಕಿಯನ್ನು ತೊಳೆದು 30 ನಿಮಿಷ ನೆನೆಯಲು ಬಿಡಿ.
- ನಂತರ ಮೆಣಸು, ಜೀರಿಗೆ, ಕರಿಬೇವು, ಮೆಣಸಿನಕಾಯಿ ಹಾಗೂ ಬೆಳ್ಳುಳ್ಳಿಯನ್ನು ಒರಳಿಗೆ ಹಾಕಿ ಜಜ್ಜಿಕೊಳ್ಳಿ.
- ಕುಕ್ಕರ್ನಲ್ಲಿ ಎಣ್ಣೆ ಬಿಸಿ ಮಾಡಿ, ಸಾಸಿವೆ, ಬೆಳ್ಳುಳ್ಳಿ, ಕರಿಬೇವು ಹಾಗೂ ಒಣ ಮೆಣಸಿನಕಾಯಿ ಹಾಕಿ ಹುರಿಯಿರಿ.
- ಟೊಮ್ಯಾಟೊ ಸೇರಿಸಿ ಮೆತ್ತಗಾಗುವವರೆಗೆ ಬೇಯಿಸಿ. ನಂತರ ಅರಿಶಿನ, ರಸಂ ಪುಡಿ ಮತ್ತು ಹುಣಸೆ ರಸ ಸೇರಿಸಿ ಚೆನ್ನಾಗಿ ಕಲಸಿ.
- ನೆನೆಸಿದ ಅಕ್ಕಿ ಮತ್ತು ಬೇಳೆ ಸೇರಿಸಿ. ಅದರ ಮೇಲೆ 5 ಪಟ್ಟು ನೀರು ಹಾಕಿ, ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
- ಕುಕ್ಕರ್ ಮುಚ್ಚಿ 4–5 ಸೀಟಿ ಬರುವವರೆಗೆ ಬೇಯಿಸಿ.
- ತಣ್ಣಗಾದ ನಂತರ ತೆರೆದು ಕೊತ್ತಂಬರಿ ಸೊಪ್ಪು ಹಾಕಿ.
🍲 ಬಿಸಿ ಬಿಸಿ, ರುಚಿಕರವಾದ ದಿಢೀರ್ ರಸಂ ರೈಸ್ ಸವಿಯಲು ಸಿದ್ಧ! 😋
About the Author
