ಸಿನಿಮಾ : ಹಿಂದಿ ಚಿತ್ರರಂಗದ ಖ್ಯಾತ ಗಾಯಕ ಸೋನು ನಿಗಮ್ ಅವರಿಗೆ ಈಗ ಮತ್ತೊಂದು ಆಘಾತಕಾರಿ ಘಟನೆ ಸಂಭವಿಸಿದೆ. ಕನ್ನಡಿಗರ ಬಗ್ಗೆ ಮಾಡಿದ ವಿವಾದಾತ್ಮಕ ಹೇಳಿಕೆಯಿಂದಾದ ಟೀಕೆಗಳು ಮಾಸುವ ಮುನ್ನವೇ, ಮುಂಬೈನಲ್ಲಿ ನಡೆದ ಕಾರು ಡಿಕ್ಕಿಯಿಂದಾಗಿ ಅವರು ಕ್ಷಣಾರ್ಧದಲ್ಲಿ ಅಪಾಯದಿಂದ ಪಾರಾಗಿದ್ದಾರೆ.
ಮುಂಬೈನ ತಿಮೂರ್ನಗರದ ಬಳಿ ತಮ್ಮ ಸ್ನೇಹಿತರನ್ನು ಭೇಟಿ ಮಾಡಲು ಹೊರಟಿದ್ದ ಸೋನು ನಿಗಮ್ ಅವರಿಗೆ ಈ ಅಪಘಾತ ಸಂಭವಿಸಿದೆ. ಬೀದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ, ವೇಗವಾಗಿ ಬಂದ ಕಾರೊಂದು ಅವರನ್ನು ಡಿಕ್ಕಿ ಹೊಡೆದಿದೆ. ಆದರೆ ಬಾಡಿಗಾರ್ಡಿನ ಚುರುಕು ಕಾರ್ಯ ಚಟುವಟಿಕೆಯಿಂದಾಗಿ ಸೋನು ಪಕ್ಕಕ್ಕೆ ಸರಿದು ದೊಡ್ಡ ಅಪಾಯದಿಂದ ಪಾರಾಗಿದ್ದಾರೆ. ಈ ಘಟನೆ ಸಂಬಂಧಿತ ವಿಡಿಯೋಗಳು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.
ಈ ಮಧ್ಯೆ, "ಕನ್ನಡಿಗರ ಶಾಪವೇ ಈ ಸ್ಥಿತಿಗೆ ಕಾರಣ?" ಎಂಬ ಚರ್ಚೆಗಳು ಕೂಡ ಆರಂಭವಾಗಿವೆ. ಏಕೆಂದರೆ, ಬೆಂಗಳೂರಿನಲ್ಲಿ ನಡೆದ ಸಂಗೀತ ಕಾರ್ಯಕ್ರಮವೊಂದರಲ್ಲಿ "ಕನ್ನಡ ಹಾಡು ಕೇಳಿದಕ್ಕೆ ಪೆಹಲ್ಗಾಮ್ ದಾಳಿ ಆಯಿತು" ಎಂಬ ಹೇಳಿಕೆಯಿಂದಾಗಿ ಅವರು ಭಾರೀ ವಿರೋಧದ ಸುಳಿಗೆ ಸಿಲುಕಿದ್ದರು. ಈ ಹೇಳಿಕೆಯಿಂದ ಕನ್ನಡಿಗರಲ್ಲಿ ಆಕ್ರೋಶ ಮೂಡಿದ್ದು, ಬೆಂಗಳೂರು ಆವಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ಅವರ ವಿರುದ್ಧ ಮಾನಹಾನಿ ಮೊಕದ್ದಮೆ ಕೂಡ ದಾಖಲಾಗಿದೆ.
ಸೋನು ನಿಗಮ್ ಈ ಕೇಸ್ ರದ್ದುಪಡಿಸಲು ಹೈಕೋರ್ಟ್ ಮೆಟ್ಟಿಲೇರಿದ್ದು, ಈ ಕುರಿತು ಈಗ ವಿಚಾರಣೆ ನಡೆಯುತ್ತಿದೆ. ಇತ್ತ ಬೆಂಗಳೂರು ಪೊಲೀಸರು ಮುಂಬೈಗೆ ಹೋಗಿ ತನಿಖೆ ನಡೆಸಲು ತಯಾರಿ ನಡೆಸುತ್ತಿದ್ದಾರೆ ಎನ್ನಲಾಗಿದೆ.
ಈ ಹಿಂದೆ ಕನ್ನಡಿಗರ ಪ್ರೀತಿಗೆ ಪಾತ್ರರಾದ ಸೋನು ನಿಗಮ್, ಈಗ ಇದೇ ಕನ್ನಡಿಗರ ಕೋಪಕ್ಕೆ ಗುರಿಯಾಗಿದ್ದಾರೆ. "ಕನ್ನಡ ನನಗೆ ಅತ್ಯಂತ ಪ್ರಿಯ" ಎಂದು ಅನೇಕ ವೇದಿಕೆಗಳಲ್ಲಿ ಮಾತನಾಡುವ ಅವರು, ಇತ್ತೀಚಿನ ವಿವಾದಾತ್ಮಕ ಹೇಳಿಕೆಯಿಂದ ತಮ್ಮದೇನು ಹಳೆಯ ಬಾಂಧವ್ಯವನ್ನೇ ಕಳೆದುಕೊಂಡಂತಾಗಿದೆ.
ಇದೀಗ ನಡೆದ ಅಪಘಾತವನ್ನು ಕೆಲವರು "ಕೇವಲ ಯಾದೃಚ್ಛಿಕ ಘಟನೆ" ಎಂದು ಕಂಡರೂ, ಕೆಲವು ನೆಟ್ಟಿಗರು "ಇದು ಕನ್ನಡಿಗರ ಶಾಪದ ಫಲ" ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಸುದ್ದಿ 
All Categories
