CHARMADI GHAT : ಚಾರ್ಮಾಡಿ ಘಾಟಿಯಲ್ಲಿ ಭಾರೀ ಗಾಳಿ| ಮಳೆಗೆ ಮರ ಉರುಳಿ ರಸ್ತೆಗೆ ಅಡ್ಡಿ

RAIN EFFECT : ದಕ್ಷಿಣ ಕನ್ನಡ ಜಿಲ್ಲೆಯ ಚಾರ್ಮಾಡಿ ಘಾಟಿಯಲ್ಲಿ [CHARMADI GHAT] ಇಂದು ಸಂಭವಿಸಿದ ಭಾರೀ ಗಾಳಿ-ಮಳೆಗೆ ರಸ್ತೆಮಧ್ಯೆ ಬೃಹತ್ ಗಾತ್ರದ ಮರವೊಂದು ಉರುಳಿ ಬಿದ್ದ ಪರಿಣಾಮ, ವಾಹನ ಸಂಚಾರ ಸಂಪೂರ್ಣವಾಗಿ ಸ್ಥಗಿತಗೊಂಡ ಅಘಾತಕಾರಿ ಘಟನೆ ನಡೆದಿದೆ. ಸುಮಾರು ಒಂದು ಗಂಟೆಕ್ಕೂ ಹೆಚ್ಚು ಕಾಲ ನೂರಾರು ವಾಹನಗಳು ರಸ್ತೆಯ ಎರಡೂ ಬದಿಯಲ್ಲಿ ಸ್ಥಗಿತವಾಗಿ ನಿಂತಿದ್ದವು.

ಇನ್ನು ಮಾಹಿತಿಯ ಪ್ರಕಾರ, ಮರ ಉರುಳಿದ ಘಟನೆಯು ಮಧ್ಯಾಹ್ನದ ಹೊತ್ತಿನಲ್ಲಿ ಸಂಭವಿಸಿದ್ದು, ಚಾಲಕರು ಹಾಗೂ ಪ್ರಯಾಣಿಕರು ಹಲವು ತಾಸುಗಳ ಕಾಲ ಸಮಸ್ಯೆ ಅನುಭವಿಸಿದರು. ಹೆದ್ದಾರಿ ಎರಡೂ ಬದಿಗಳಲ್ಲಿ ಸಾಲುಗಟ್ಟಿದ ವಾಹನಗಳು ಕಾಣಿಸಿದ್ದು, ರಸ್ತೆ ತಡೆದ ಪರಿಣಾಮ ವಿಳಂಬಗಳ ಮೂಲಕ ಸಾರ್ವಜನಿಕರು ಸಂಕಷ್ಟಕ್ಕೀಡಾಗಿದ್ದರು.

ಇನ್ನು ಘಟನೆಯ ಮಾಹಿತಿ ಸ್ಥಳೀಯರಿಗೂ, ಅರಣ್ಯ ಇಲಾಖೆ ಹಾಗೂ ಸ್ಥಳೀಯ ಆಡಳಿತಕ್ಕೂ ತಕ್ಷಣವೇ ತಿಳಿಸಲಾಗಿದೆ. ಪ್ರಾಮುಖ್ಯವಾಗಿ ಅರಣ್ಯ ಇಲಾಖೆಯ ಸಿಬ್ಬಂದಿ ಹಾಗೂ ಗ್ರಾಮಸ್ಥರು ಸೇರಿ ಕಠಿಣ ಪ್ರಯತ್ನದ ಬಳಿಕ ಮರವನ್ನು ತೆರವುಗೊಳಿಸಿ, ವಾಹನ ಸಂಚಾರ ಪುನಃ ಪ್ರಾರಂಭಿಸಲು ಅವಕಾಶ ಮಾಡಿಕೊಟ್ಟರು. ಘಟನೆಯ ಸ್ಥಳದಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸದಿದ್ದರೂ, ಮರ ಉರುಳಿದ ಸಂದರ್ಭದಲ್ಲಿ ಕೆಲ ವಾಹನ ಸವಾರರು ಆತಂಕಕ್ಕೆ ಒಳಗಾದ ದೃಶ್ಯಗಳು ಕಂಡು ಬಂದಿವೆ.