Yajamana 4K Re-release : ಕರ್ನಾಟಕ ರತ್ನ ಡಾ. ವಿಷ್ಣುವರ್ಧನ್ ಮತ್ತು ಪ್ರೇಮಾ ಅಭಿನಯದ ಸೂಪರ್ ಹಿಟ್ ಸಿನಿಮಾ ‘ಯಜಮಾನ’, ಈಗ 25 ವರ್ಷಗಳ ಬಳಿಕ ಆಧುನಿಕ ತಂತ್ರಜ್ಞಾನದ ಸ್ಪರ್ಶದೊಂದಿಗೆ ಮರುಬಿಡುಗಡೆಗೆ ಸಜ್ಜಾಗಿದೆ.
Yajamana 4K Re-release : ಕರ್ನಾಟಕ ರತ್ನ ಡಾ. ವಿಷ್ಣುವರ್ಧನ್ ಮತ್ತು ಪ್ರೇಮಾ ಅಭಿನಯದ ಸೂಪರ್ ಹಿಟ್ ಸಿನಿಮಾ ‘ಯಜಮಾನ’, ಈಗ 25 ವರ್ಷಗಳ ಬಳಿಕ ಆಧುನಿಕ ತಂತ್ರಜ್ಞಾನದ ಸ್ಪರ್ಶದೊಂದಿಗೆ ಮರುಬಿಡುಗಡೆಗೆ ಸಜ್ಜಾಗಿದೆ.
ಕಾಲಾಂತರದ ನಂತರವೂ ಈ ಚಿತ್ರಕ್ಕೆ ಅಭಿಮಾನಿಗಳ ಉತ್ಸಾಹ ಕಡಿಮೆಯಾಗದ ಕಾರಣ, ಚಿತ್ರತಂಡ ಅದ್ದೂರಿ ಮರುಬಿಡುಗಡೆಗೆ ಸಿದ್ಧತೆ ನಡೆಸಿದೆ.
4K ಡಿಜಿಟಲ್ ಪ್ರೊಜೆಕ್ಷನ್ ಹಾಗೂ 7.1 ಸೌಂಡ್ ಸಿಸ್ಟಮ್ ಅಪ್ಗ್ರೇಡ್
ಈ ಕ್ಲಾಸಿಕ್ ಸಿನಿಮಾವನ್ನು ಡಿಐ (Digital Intermediate) ಬಳಸಿ ಸಂಪೂರ್ಣವಾಗಿ ನವೀಕರಿಸಲಾಗಿದೆ.
ಮೊದಲಿಗೆ ಮೋನೊ ಟ್ರ್ಯಾಕ್ ಆಗಿದ್ದ ಚಿತ್ರ ಈಗ 5.1 ಮತ್ತು 7.1 ಡಿಜಿಟಲ್ ಸೌಂಡ್ ತಂತ್ರಜ್ಞಾನದಲ್ಲಿ ಸಿದ್ಧವಾಗಿದೆ.
ಚಿತ್ರವನ್ನು 4K ಡಿಜಿಟಲ್ ಪ್ರೊಜೆಕ್ಷನ್ಗೆ ತಯಾರಿಸಲಾಗಿದ್ದು, ಪ್ರೇಕ್ಷಕರು ಹೊಸ ದೃಶ್ಯಾನುಭವ ಪಡೆಯಲಿದ್ದಾರೆ.
ಮರುಬಿಡುಗಡೆಯ ಹಿನ್ನಲೆ
ಮೆಹರುನ್ನಿಸಾ ರೆಹಮಾನ್ ನಿರ್ಮಾಣ ಹಾಗೂ ಆರ್. ಶೇಷಾದ್ರಿ – ರಾಧಾ ಭಾರತಿ ನಿರ್ದೇಶನದ ಈ ಚಿತ್ರವನ್ನು, ವಿಷ್ಣುವರ್ಧನ್ ಅಭಿಮಾನಿಯಾದ ಎಸ್.ಡಿ. ಮುನಿಸ್ವಾಮಿ ರಾಜ್ಯಾದ್ಯಂತ ಮರುಬಿಡುಗಡೆ ಮಾಡುತ್ತಿದ್ದಾರೆ.
ಈ ಚಿತ್ರವು 2000ರಲ್ಲಿ ಬಿಡುಗಡೆಯಾಗಿ, ಪ್ರೇಕ್ಷಕರ ಮನ ಗೆದ್ದಿತ್ತು.
ಇದನ್ನು ನೋಡಿ : ಮುದ್ದಿನ ನಾಯಿ ಮರಿ ಹುಟ್ಟುಹಬ್ಬ ಆಚರಿಸಿದ Radhika Pandit & ಫ್ಯಾಮಿಲಿ…. Yash ಮಿಸ್ಸಿಂಗ್
ಯಜಮಾನ ಚಿತ್ರದ ಚರಿತ್ರೆ
ನಿರ್ಮಾಪಕ ರೆಹಮಾನ್ ಅವರ ಪ್ರಕಾರ, ‘ಯಜಮಾನ’ ಬಿಡುಗಡೆಗೊಂಡ ಬಳಿಕ:
- 130 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಶತದಿನೋತ್ಸವ,
- 40 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ 25 ವಾರ,
- ಹಾಗೂ 4 ಕಡೆಗಳಲ್ಲಿ 1 ವರ್ಷ ಯಶಸ್ವಿ ಪ್ರದರ್ಶನ ಕಂಡಿತ್ತು.
ಆ ಸಮಯದಲ್ಲಿ ರೂ. 35 ಕೋಟಿ ಕಲೆಕ್ಷನ್ ಮಾಡಿ ದಾಖಲೆಯು ಬರೆದಿತ್ತು.
ಹೊಸ ತಂತ್ರಜ್ಞಾನ, ಹೊಸ ಅನುಭವ
ಸಂಗೀತ ನಿರ್ದೇಶಕ ರಾಜೇಶ್ ರಾಮನಾಥ್ ಹೇಳಿದ್ದಾರೆ:
“ಈ ಚಿತ್ರಕ್ಕೆ ಆಧುನಿಕ ಸೌಂಡ್ ಎಫೆಕ್ಟ್ಗಳನ್ನು ಸೇರಿಸಲು ನುರಿತ ತಂತ್ರಜ್ಞರನ್ನು ಕರೆಸಿದ್ದೇವೆ. ಹೆಚ್ಚಿನ ಸಮಯ ಮತ್ತು ಹಣ ವ್ಯಯಿಸಿ, ಅತ್ಯುತ್ತಮ ಗುಣಮಟ್ಟದ ಪ್ರೊಡಕ್ಷನ್ ಮಾಡಲು ಪ್ರಯತ್ನಿಸಿದ್ದೇವೆ.”
ಮುನಿಸ್ವಾಮಿ ಅವರ ಮನವಿ
ವಿಷ್ಣುವರ್ಧನ್ ಅವರ ಮೇಲಿನ ಅಭಿಮಾನದಿಂದ, ಎಸ್.ಡಿ. ಮುನಿಸ್ವಾಮಿ ಈ ಚಿತ್ರವನ್ನು 4K ಮತ್ತು 7.1 ಸೌಂಡ್ನೊಂದಿಗೆ ಮರುಬಿಡುಗಡೆ ಮಾಡುತ್ತಿದ್ದಾರೆ.
ಅವರು ಹೇಳಿದ್ದಾರೆ:“ಈ ಚಿತ್ರವನ್ನು 150 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ಸಿದ್ಧತೆ ನಡೆದಿದೆ. ಪ್ರೇಕ್ಷಕರು ಚಿತ್ರಮಂದಿರಗಳಲ್ಲೇ ವೀಕ್ಷಿಸಿ, ವಿಷ್ಣುವರ್ಧನ್ ಅವರ ಶಾಶ್ವತ ಕೃತಿಗೆ ಗೌರವ ಸಲ್ಲಿಸಬೇಕು.”
ಇದನ್ನು ಓದಿ : ಖ್ಯಾತ ಖಳನಟ ಹರೀಶ್ ರಾಯ್ ನಿಧನ
About the Author
