Bengaluru Tunnel Road Controversy : ನಗರದ ಸಂಚಾರ ದಟ್ಟಣೆ ನಿಯಂತ್ರಿಸುವ ಉದ್ದೇಶದಿಂದ ಸಿದ್ದರಾಮಯ್ಯ ಸರ್ಕಾರ ಹೆಬ್ಬಾಳದಿಂದ ಸಿಲ್ಕ್ಬೋರ್ಡ್ವರೆಗೆ ಟನಲ್ ರಸ್ತೆ (Tunnel Road Project) ನಿರ್ಮಾಣಕ್ಕೆ ಮುಂದಾಗಿದೆ.
Bengaluru Tunnel Road Controversy : ನಗರದ ಸಂಚಾರ ದಟ್ಟಣೆ ನಿಯಂತ್ರಿಸುವ ಉದ್ದೇಶದಿಂದ ಸಿದ್ದರಾಮಯ್ಯ ಸರ್ಕಾರ ಹೆಬ್ಬಾಳದಿಂದ ಸಿಲ್ಕ್ಬೋರ್ಡ್ವರೆಗೆ ಟನಲ್ ರಸ್ತೆ (Tunnel Road Project) ನಿರ್ಮಾಣಕ್ಕೆ ಮುಂದಾಗಿದೆ.
ಆದರೆ ಈ ಯೋಜನೆಗೆ ವಿರೋಧ ವ್ಯಕ್ತವಾಗಿದ್ದು, ಬಿಜೆಪಿ ನಾಯಕರು ಮತ್ತು ತಾಂತ್ರಿಕ ವಲಯದಿಂದಲೂ ಆಕ್ಷೇಪಣೆಗಳು ವ್ಯಕ್ತವಾಗಿವೆ.
ಟನಲ್ ರಸ್ತೆ ವಿವಾದ ರಾಜಕೀಯ ತಿರುವು ಪಡೆದಿದೆ
ಟನಲ್ ರೋಡ್ ವಿಚಾರದಲ್ಲಿ ಈಗ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಮತ್ತು ಬಿಜೆಪಿ ಸಂಸದ ತೇಜಸ್ವಿ ಸೂರ್ಯ ನಡುವೆ ಮಾತಿನ ಸಮರ ಆರಂಭವಾಗಿದೆ. ತೇಜಸ್ವಿ ಸೂರ್ಯ ನೀಡಿದ ಪ್ರಸ್ತಾವನೆಯನ್ನು ಡಿಕೆಶಿ ತಿರಸ್ಕರಿಸಿದ ನಂತರ, ಇಬ್ಬರ ನಡುವೆ ವಿವಾದ ಮತ್ತಷ್ಟು ಉಗ್ರಗೊಂಡಿದೆ.
ತೇಜಸ್ವಿ ಸೂರ್ಯ ಡಿಕೆಶಿಗೆ ಟೆಕ್ನಿಕಲ್ ಸವಾಲು
ಮಾಧ್ಯಮಗಳೊಂದಿಗೆ ಮಾತನಾಡಿದ ತೇಜಸ್ವಿ ಸೂರ್ಯ, “ಡಿಕೆ ಶಿವಕುಮಾರ್ ಟೆಕ್ನಿಕಲ್ ವಿಚಾರಗಳ ಬಗ್ಗೆ ಮಾತನಾಡುವುದಿಲ್ಲ, ಬದಲಿಗೆ ವೈಯಕ್ತಿಕ ದಾಳಿ ಮಾಡುತ್ತಿದ್ದಾರೆ,” ಎಂದು ಆರೋಪಿಸಿದರು.
ಅವರು ಪ್ರಶ್ನಿಸಿದರು —
- “ಟನಲ್ ರಸ್ತೆಯಲ್ಲಿ ಎರಡು ಹಾಗೂ ಮೂರು ಚಕ್ರದ ವಾಹನಗಳಿಗೆ ಅವಕಾಶ ಇಲ್ಲ, ಇದು ಯಾವ ರೀತಿ ನ್ಯಾಯ?”
- “ಮಧ್ಯಮ ವರ್ಗದವರು ಟ್ಯಾಕ್ಸ್ ಕಟ್ಟುತ್ತಿಲ್ಲವಾ?”
- “ಶ್ರೀಮಂತರಿಗಷ್ಟೇ ಟನಲ್ ರಸ್ತೆ ಸಿಗಬೇಕಾ?”
ಅದೇ ರೀತಿ, ಯೆಲ್ಲೋ ಲೈನ್ನಿಂದಲೇ 37% ಟ್ರಾಫಿಕ್ ಕಡಿಮೆ ಆಗಿದೆ ಎಂದು ನೀವೇ ಹೇಳುತ್ತಿದ್ದೀರಿ, ಹೀಗಿರುತ್ತಾ ಟನಲ್ ಯೋಜನೆಗೆ ಬೆಂಬಲ ಯಾಕೆ ಎಂದು ತೇಜಸ್ವಿ ಪ್ರಶ್ನಿಸಿದರು.
ಖರ್ಚಿನ ಕುರಿತು ಕಟು ಟೀಕೆ
ತೇಜಸ್ವಿ ಸೂರ್ಯ ಮುಂದುವರಿದು, “ಅಟಲ್ ಟನಲ್ ನಿರ್ಮಾಣಕ್ಕೆ ಕೇವಲ 9 ಕಿಮೀಗೆ ₹3,200 ಕೋಟಿ ರೂ. ಖರ್ಚಾಯಿತು. ಆದರೆ ಬೆಂಗಳೂರಿನಲ್ಲಿ ಪರ್ವತವಿಲ್ಲದ ಜಾಗದಲ್ಲಿ 1 ಕಿಮೀಗೆ ₹1,050 ಕೋಟಿ ರೂ. ವೆಚ್ಚ ಮಾಡುವುದು ನ್ಯಾಯವೇ?” ಎಂದು ಕೇಳಿದರು.
“ಇಲ್ಲಿ ಯಾರ ವೈಯಕ್ತಿಕ ಟೀಕೆ ಇಲ್ಲ, ಆದರೆ ಜನರ ಹಣ ವ್ಯರ್ಥ ಮಾಡಬಾರದು,” ಎಂದರು.
ಕಾರು ವಿವಾದಕ್ಕೂ ದಾಖಲೆ ಬಿಡುಗಡೆ
ಇದೇ ವೇಳೆ ಡಿಕೆ ಶಿವಕುಮಾರ್ ಅವರು ಸಂಸದ ತೇಜಸ್ವಿ ಸೂರ್ಯ ಮದುವೆಗೆ ಹೊಸ ಕಾರು ಕೇಳಿದ್ದಾರೆ ಎಂದು ಹೇಳಿದ್ದರು. ಇದಕ್ಕೆ ಪ್ರತಿಯಾಗಿ ತೇಜಸ್ವಿ ಸೂರ್ಯ ಅವರು ತಮ್ಮ ಅರ್ಜಿಯ ದಾಖಲೆಗಳನ್ನು ಸಾರ್ವಜನಿಕವಾಗಿ ಬಿಡುಗಡೆ ಮಾಡಿದ್ದಾರೆ.
“ನಾನು ಮದುವೆಗೆ ಕಾರು ಕೇಳಿಲ್ಲ, ಹಳೆಯ ಕಾರು 1 ಲಕ್ಷ ಕಿಮೀ ಸಂಚರಿಸಿದೆ, ಆದ್ದರಿಂದ ಹೊಸದು ಕೇಳಿದ್ದೆ,” ಎಂದು ತೇಜಸ್ವಿ ಸ್ಪಷ್ಟಪಡಿಸಿದರು.
ಟನಲ್ ಯೋಜನೆಗೆ ತಾಂತ್ರಿಕ, ರಾಜಕೀಯ ವಿರೋಧ
ಟನಲ್ ಯೋಜನೆಯಿಂದ ಬೆಂಗಳೂರಿನ ಟ್ರಾಫಿಕ್ ಸಮಸ್ಯೆ ನಿಜವಾಗಿಯೂ ನಿವಾರಣೆಯಾಗುತ್ತದೆಯೇ ಎಂಬುದು ಈಗ ಪ್ರಮುಖ ಪ್ರಶ್ನೆಯಾಗಿದೆ. ತೇಜಸ್ವಿ ಸೂರ್ಯ ಅವರು ಈ ಯೋಜನೆಯ ಮೇಲೆ ಸಮಿತಿ ರಚನೆ ಮಾಡಿ, ಸಾರ್ವಜನಿಕವಾಗಿ ಚರ್ಚೆ ನಡೆಸಬೇಕೆಂದು ಆಗ್ರಹಿಸಿದ್ದಾರೆ.
About the Author
