Gold And Silver Price High
Gold And Silver Price High
ಮಾರುಕಟ್ಟೆಯಲ್ಲಿ ಇಂದು ಚಿನ್ನ ಮತ್ತು ಬೆಳ್ಳಿ ಬೆಲೆಗಳಲ್ಲಿ ಭಾರೀ ಏರಿಕೆ ಕಂಡುಬಂದಿದೆ. ಅಕ್ಟೋಬರ್ 6, 2025 ಸೋಮವಾರದ ದಿನ ಚಿನ್ನದ ಬೆಲೆ ಗ್ರಾಮ್ಗೆ ನೇರವಾಗಿ ₹125 ರೂ ಏರಿಕೆಯಾಗಿದ್ದರೆ, ಬೆಳ್ಳಿ ಬೆಲೆ ಕೂಡ ₹1 ರೂ ಹೆಚ್ಚಾಗಿದೆ. ಇದರಿಂದಾಗಿ ಆಭರಣ ಚಿನ್ನದ ಬೆಲೆ ₹11,070 ರೂ ತಲುಪಿದ್ದು, ಅಪರಂಜಿ ಚಿನ್ನದ ಬೆಲೆ ₹12,077 ರೂಗಳಷ್ಟಾಗಿದೆ. ಬೆಂಗಳೂರಿನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ ₹1,10,700 ರೂ ಆಗಿದ್ದು, ಬೆಳ್ಳಿ ಬೆಲೆ 100 ಗ್ರಾಂಗೆ ₹15,600 ರೂ ಮಟ್ಟದಲ್ಲಿದೆ.
ಭಾರತದ ಪ್ರಮುಖ ನಗರಗಳಲ್ಲಿ ಇಂದಿನ ಚಿನ್ನದ ದರ
ಭಾರತದ ಪ್ರಮುಖ ನಗರಗಳಲ್ಲಿ ಬೆಲೆಗಳಲ್ಲಿ ಅಲ್ಪ ವ್ಯತ್ಯಾಸ ಮಾತ್ರ ಕಂಡುಬಂದಿದೆ. ಬೆಂಗಳೂರು, ಮುಂಬೈ, ಚೆನ್ನೈ, ಕೋಲ್ಕತಾ ಹಾಗೂ ಕೇರಳದಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ ಗ್ರಾಮ್ಗೆ ₹11,070 ರೂಗಳಷ್ಟಿದೆ. ದೆಹಲಿ, ಜೈಪುರ್ ಮತ್ತು ಲಕ್ನೋಗಳಲ್ಲಿ ಮಾತ್ರ ಸ್ವಲ್ಪ ಹೆಚ್ಚು, ಅಂದರೆ ₹11,085 ರೂಗಳಷ್ಟು ಇದೆ. ಬೆಳ್ಳಿಯ ಬೆಲೆ 1 ಗ್ರಾಂಗೆ ಸರಾಸರಿ ₹156 ರೂ ಇದ್ದು, ಚೆನ್ನೈ ಮತ್ತು ಕೇರಳದಲ್ಲಿ ₹166 ರೂಗಳ ಮಟ್ಟ ತಲುಪಿದೆ.
ಇಂದಿನ ಬೆಳ್ಳಿಯ ದರ
24 ಕ್ಯಾರಟ್ ಚಿನ್ನದ ಬೆಲೆ 10 ಗ್ರಾಂಗೆ ₹1,20,770 ರೂ ಆಗಿದ್ದು, 18 ಕ್ಯಾರಟ್ ಚಿನ್ನದ ಬೆಲೆ 1 ಗ್ರಾಂಗೆ ₹9,058 ರೂ ಇದೆ. ಈ ಏರಿಕೆಯ ಹಿನ್ನೆಲೆ ಅಂತರಾಷ್ಟ್ರೀಯ ಮಾರುಕಟ್ಟೆಯ ಚಲನೆ ಹಾಗೂ ಅಮೆರಿಕಾದ ಬಡ್ಡಿದರ ನಿರ್ಣಯದ ಪರಿಣಾಮ ಎಂದು ತಜ್ಞರು ವಿಶ್ಲೇಷಿಸುತ್ತಿದ್ದಾರೆ.
ವಿದೇಶಗಳಲ್ಲಿ ಸಹ ಚಿನ್ನದ ಬೆಲೆ ಏರಿಕೆಯ ಧೋರಣೆ ಮುಂದುವರಿದಿದ್ದು, ದುಬೈನಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ ₹10,489 ರೂ, ಸಿಂಗಾಪುರದಲ್ಲಿ ₹10,744 ರೂ, ಮತ್ತು ಮಲೇಷ್ಯಾದಲ್ಲಿ ₹10,826 ರೂ ಆಗಿದೆ. ಇದೇ ವೇಳೆ ಕತಾರ್, ಓಮನ್ ಮತ್ತು ಕುವೇತ್ನಲ್ಲಿಯೂ ಚಿನ್ನದ ಬೆಲೆ ಕ್ರಮವಾಗಿ ₹10,555 ರೂ, ₹10,547 ರೂ ಮತ್ತು ₹10,277 ರೂ ಮಟ್ಟದಲ್ಲಿದೆ. http://GOLD AND SLIVER
ಒಟ್ಟಾರೆಯಾಗಿ, ಕಳೆದ ಕೆಲವು ದಿನಗಳಿಂದ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ನಿರಂತರ ಏರಿಕೆಯನ್ನು ದಾಖಲಿಸುತ್ತಿದ್ದು, ಹೂಡಿಕೆದಾರರು ಹಾಗೂ ಆಭರಣ ಖರೀದಿದಾರರು ಎಚ್ಚರಿಕೆಯಿಂದ ಮುನ್ನಡೆಸಿಕೊಳ್ಳುವಂತೆ ಆರ್ಥಿಕ ತಜ್ಞರು ಸಲಹೆ ನೀಡುತ್ತಿದ್ದಾರೆ.
About the Author
