BBK S12 : ನನ್ನನ್ನು ರೇಗಿಸಬೇಡ, ಅದು ನನಗೆ ಇಷ್ಟ ಆಗಲ್ಲ – ಫಿನಾಲೆ ಹೊಸ್ತಿಲಲ್ಲಿ ಗಿಲ್ಲಿಗೆ ಕಾವ್ಯ ಶೈವ ಖಡಕ್ ವಾರ್ನಿಂಗ್..
BBK S12 ಫಿನಾಲೆ ಹತ್ತಿರವಾಗುತ್ತಿದ್ದಂತೆ ಬಿಗ್ ಬಾಸ್ ಮನೆಯಲ್ಲಿ ಬಿರುಕು
ಬಿಗ್ ಬಾಸ್ ಕನ್ನಡ ಸೀಸನ್ 12 ಫಿನಾಲೆಗೆ ಹತ್ತಿರವಾಗುತ್ತಿದ್ದಂತೆ ಮನೆಯೊಳಗೆ ಅನಿರೀಕ್ಷಿತ ತಿರುವುಗಳು ನಡೆಯುತ್ತಿವೆ. ‘ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ್’ ಸಂಚಿಕೆಯಲ್ಲಿ ಕಾವ್ಯ ಶೈವ ಅವರು ಗಿಲ್ಲಿ ನಟನ ವಿರುದ್ಧ ನೇರವಾಗಿ ಸಿಡಿದೇಳಿದ್ದು, ವೀಕ್ಷಕರಲ್ಲಿ ಭಾರಿ ಕುತೂಹಲ ಮೂಡಿಸಿದೆ.
ಸುದೀಪ್ ಎದುರೇ ಕಾವ್ಯ ಶೈವ ಸಿಡಿದೆದ್ದು
ಇತ್ತೀಚೆಗೆ ಬಿಡುಗಡೆಯಾದ ಪ್ರೋಮೋದಲ್ಲಿ,
“ನನ್ನನ್ನು ರೇಗಿಸಬೇಡ, ಅದು ನನಗೆ ಇಷ್ಟ ಆಗಲ್ಲ”
ಎಂದು ಕಾವ್ಯ ಶೈವ ಅವರು ಸುದೀಪ್ ಎದುರೇ ಗಿಲ್ಲಿಗೆ ಖಡಕ್ ಎಚ್ಚರಿಕೆ ನೀಡಿರುವುದು ಶಾಕಿಂಗ್ ಆಗಿದೆ. ಈ ಮಾತು ಬಿಗ್ ಬಾಸ್ ಮನೆಯಲ್ಲಿ ದೊಡ್ಡ ಚರ್ಚೆಗೆ ಕಾರಣವಾಗಿದೆ.
ಸೂಪರ್ ಸಂಡೇ ಪ್ರೋಮೋಗಳು ಹೆಚ್ಚಿಸಿದ ಕುತೂಹಲ
ಬಿಗ್ ಬಾಸ್ ಕನ್ನಡ ಸೀಸನ್ 12ರ ಕೊನೆಯ ‘ಸೂಪರ್ ಸಂಡೇ’ ಸಂಚಿಕೆಗೆ ಸಂಬಂಧಿಸಿದಂತೆ ಕಲರ್ಸ್ ಕನ್ನಡ ವಾಹಿನಿ ಬಿಡುಗಡೆ ಮಾಡುತ್ತಿರುವ ಪ್ರೋಮೋಗಳು ಈಗಾಗಲೇ ವೀಕ್ಷಕರ ಗಮನ ಸೆಳೆಯುತ್ತಿವೆ.
ಮೊದಲ ಪ್ರೋಮೋದಲ್ಲಿ, ಲಿಂಬು, ವ್ಯಾಕ್ಸ್ ಸೇರಿದಂತೆ ತೊಂದರೆ ಕೊಟ್ಟ ಸ್ಪರ್ಧಿಗಳಿಗೆ ಅದೇ ವಸ್ತುಗಳನ್ನು ಹಂಚಬೇಕು ಎಂದು ಬಿಗ್ ಬಾಸ್ ಸೂಚನೆ ನೀಡಿರುವುದು ಮನರಂಜನೀಯವಾಗಿತ್ತು.
ಹಳೆಯ ನೆನಪುಗಳಿಗೆ ಮರಳಿದ ಸ್ಪರ್ಧಿಗಳು
ಫಿನಾಲೆ ಸಮೀಪದಲ್ಲಿರುವ ಹಿನ್ನೆಲೆ ಸುದೀಪ್ ಅವರು ಸ್ಪರ್ಧಿಗಳಿಗೆ,
“ಈ ಜರ್ನಿಯಲ್ಲಿ ನೀವು ಯಾವ ದಿನಕ್ಕೆ ವಾಪಸ್ ಹೋಗಲು ಇಚ್ಛಿಸುತ್ತೀರಿ?”
ಎಂದು ಪ್ರಶ್ನಿಸಿದರು.
- ರಕ್ಷಿತಾ ಶೆಟ್ಟಿ:
“ನಾನು ಮೊದಲ ದಿನಕ್ಕೆ ವಾಪಸ್ ಹೋಗುತ್ತೇನೆ. ನಾನು ನನಗೋಸ್ಕರ ಮಾತನಾಡಬೇಕಿತ್ತು” ಎಂದು ಭಾವುಕರಾಗಿ ಹೇಳಿದರು. - ಅಶ್ವಿನಿ ಗೌಡ:
“ನನ್ನ ಮತ್ತು ರಕ್ಷಿತಾ ನಡುವೆ ನಡೆದ ವಿಚಾರಗಳಿಗೆ ಕ್ಷಮೆ ಕೇಳುತ್ತೇನೆ” ಎಂದು ವೇದಿಕೆಯಲ್ಲಿ ಕ್ಷಮೆಯಾಚಿಸಿದರು.
ಕಾವ್ಯ ಶೈವ ಕೊಟ್ಟ ಶಾಕಿಂಗ್ ಟ್ವಿಸ್ಟ್
ನಂತರ ಮಾತನಾಡಿದ ಕಾವ್ಯ ಶೈವ, ತಮ್ಮ ಮನದಾಳದ ನೋವನ್ನು ಬಹಿರಂಗಪಡಿಸಿದರು.
“ನನಗೆ ರೇಗಿಸುವುದಕ್ಕೆ ನಾನು ಅವಕಾಶ ನೀಡಿದೆ. ಅದನ್ನು ನಾನು ಆರಂಭದಲ್ಲೇ ನಿಲ್ಲಿಸಬೇಕಿತ್ತು” ಎಂದು ಕಠಿಣವಾಗಿ ಹೇಳಿದರು.
ಅಲ್ಲದೆ,
“ಗಿಲ್ಲಿ, ಈ ಥರ ನನ್ನನ್ನು ರೇಗಿಸಬೇಡ. ಅದು ನನಗೆ ಇಷ್ಟ ಆಗಲ್ಲ”
ಎಂದು ನೇರವಾಗಿ ಗಿಲ್ಲಿಯ ಮುಖಕ್ಕೆ ಹೇಳಿದಂತೆ ಮಾತನಾಡಿದರು. ಈ ಮಾತಿನೊಂದಿಗೆ ಪ್ರೋಮೋ ಮುಕ್ತಾಯವಾಗಿದ್ದು, ವೀಕ್ಷಕರಲ್ಲಿ ಭಾರೀ ನಿರೀಕ್ಷೆ ಹುಟ್ಟಿಸಿದೆ.
ಗಿಲ್ಲಿಯ ಪ್ರತಿಕ್ರಿಯೆ ಏನು?
ಈಗ ಎಲ್ಲರ ಗಮನ ಗಿಲ್ಲಿ ಮೇಲೆಯೇ ಇದೆ.
- ಗಿಲ್ಲಿ ಏನು ಪ್ರತಿಕ್ರಿಯೆ ನೀಡುತ್ತಾರೆ?
- ಕಾವ್ಯ ಶೈವ ಮಾತಿಗೆ ಯಾವ ರೀತಿಯ ಕೌಂಟರ್ ಕೊಡುತ್ತಾರೆ?
ಎಂಬುದು ಇಂದಿನ ಸಂಚಿಕೆಯಲ್ಲಿ ತಿಳಿಯಲಿದೆ.
About the Author
