ದೇಶ : ಭಾರತದ ಹುಲಿಗಳ ಸಂರಕ್ಷಕ ವಾಲ್ಮೀಕ್ ಥಾಪರ್ ನಿಧನ

ದೇಶ : ಭಾರತದ ವನ್ಯಜೀವಿ ಸಂರಕ್ಷಣಾ ಹೋರಾಟದ ಹಿರಿಮೆಯ ಭಾಗವಾಗಿದ್ದ ‘ಟೈಗರ್ ಮ್ಯಾನ್’ ವಾಲ್ಮೀಕ್ ಥಾಪರ್ ಅವರ ನಿಧನದ ಸುದ್ದಿ ಎಲ್ಲರನ್ನೂ ಶೋಕದಲ್ಲಿ ಮುಳುಗಿಸಿದೆ.  ದಿಲ್ಲಿಯ ತಮ್ಮ ನಿವಾಸದಲ್ಲಿ ಶನಿವಾರ ಬೆಳಿಗ್ಗೆ ಅವರು ಕೊನೆಯುಸಿರೆಳೆದಿದ್ದಾರೆ. ಕ್ಯಾನ್ಸರ್‌ ವಿರುದ್ಧ ಕಳೆದ ಕೆಲವು ತಿಂಗಳಿಂದ ಹೋರಾಟ ನಡೆಸುತ್ತಿದ್ದ ವಾಲ್ಮೀಕ್ ಥಾಪರ್ ಅವರಿಗೆ 73 ವರ್ಷ ವಯಸ್ಸಾಗಿತ್ತು. ನಿನ್ನೆ ಬೆಳಿಗ್ಗೆ ದಿಲ್ಲಿಯ ಕೌಟಿಲ್ಯ ಮಾರ್ಗದಲ್ಲಿರುವ ತಮ್ಮ ನಿವಾಸದಲ್ಲಿ ಅವರು ವಿಧಿವಶರಾದರು. ಅಂತ್ಯಕ್ರಿಯೆ ಇಂದು ಮಧ್ಯಾಹ್ನ 3:30ಕ್ಕೆ ಲೊಧಿ ವಿದ್ಯುತ್ ಚಿತಾಗಾರದಲ್ಲಿ ನಡೆಯಲಿದೆ.

ಅವರ ಪಿತೃ ರೊಮೇಶ್ ಥಾಪರ್ ಖ್ಯಾತ ಪತ್ರಕರ್ತರಾಗಿದ್ದರೆ, ತಾಯಿ ಪಕ್ಷದಿಂದ ಇತಿಹಾಸಕಾರ್ತಿ ರೊಮಿಲಾ ಥಾಪರ್ ಅವರ ಚಿಕ್ಕಮ್ಮ. ಅವರ ಸಂಬಂಧಿ ಕರಣ್ ಥಾಪರ್ ಕೂಡಾ ಪ್ರಸಿದ್ಧ ಪತ್ರಕರ್ತ. ವಾಲ್ಮೀಕ್ ಥಾಪರ್ ರಂಗಭೂಮಿ ಕಲಾವಿದೆ ಹಾಗೂ ನಟ ಶಶಿ ಕಪೂರ್ ಅವರ ಪುತ್ರಿ ಸಂಜನಾ ಕಪೂರ್ ಅವರನ್ನು ವಿವಾಹವಾಗಿದ್ದು, ಅವರಿಗೆ ಒಬ್ಬ ಪುತ್ರನಿದ್ದಾನೆ. ಒಟ್ಟು ನಾಲ್ಕು ದಶಕಗಳ ಕಾಲ ವನ್ಯಜೀವಿ ಸಂರಕ್ಷಣೆಗೆ ನಿಸ್ವಾರ್ಥ ಸೇವೆ ಸಲ್ಲಿಸಿದ ಥಾಪರ್, ಹುಲಿಗಳ ರಕ್ಷಣೆಗಾಗಿ ದೇಶಾದ್ಯಂತ ಕಣ್ಣುಕುಂಬಳಾಗಿ ದುಡಿದಿದ್ದರು.

1988ರಲ್ಲಿ ರಣತಂಬೋರ್ ಪ್ರತಿಷ್ಠಾನವನ್ನು ಸಹ ಸ್ಥಾಪಿಸಿ, ಸಮುದಾಯ ಆಧಾರಿತ ಸಂರಕ್ಷಣೆಯ ಪರಿಕಲ್ಪನೆಯನ್ನು ಮುಂದಿಟ್ಟರು. ವನ್ಯಜೀವಿ ಕಳ್ಳಸಾರಿಗೆ ವಿರೋಧಿಸಿ, ಕಾನೂನು ಬಲಿಷ್ಠಗೊಳಿಸುವ ಬಗ್ಗೆ ಅವಿರತವಾಗಿ ಮಾತನಾಡುತ್ತಿದ್ದರು. ಹುಲಿಗಳ ನೈಸರ್ಗಿಕ ವಾಸಸ್ಥಳಗಳಲ್ಲಿ ಮಾನವನ ಹಸ್ತಕ್ಷೇಪ ಕಡಿಮೆ ಮಾಡಬೇಕು ಎಂಬ ಅಭಿಪ್ರಾಯವನ್ನು ಹಲವು ವೇದಿಕೆಗಳಲ್ಲಿ ಪುನಃ ಪುನಃ ವ್ಯಕ್ತಪಡಿಸಿದ್ದರು.