ಮಾಂಗಲ್ಯಧಾರಣೆಯಾದ ಕೂಡಲೇ ಪರೀಕ್ಷಾ ಕೇಂದ್ರಕ್ಕೆ ಬಂದು ಎಕ್ಸಾಂ ಬರೆದ ನವವಧುಗಳು

ಮೈಸೂರು - ಚಾಮರಾಜನಗರ : ಮಾತು ತಪ್ಪದೆ, ಬದ್ಧತೆಯನ್ನು ಪೂರೈಸುವ ಸಂಕಲ್ಪವನ್ನು ಎತ್ತಿಹಿಡಿದ ಎರಡು ನವವಧೆಯರು ತಾಳಿ ಕಟ್ಟಿದ ಕ್ಷಣದಿಂದಲೇ ಅಚ್ಚರಿ ಮೂಡಿಸುವ ಧೈರ್ಯವಂತಿಕೆಯಿಂದ ನೇರವಾಗಿ ಪರೀಕ್ಷಾ ಕೇಂದ್ರ ಸೇರಿದ್ದಾರೆ. ವಿದ್ಯಾಭ್ಯಾಸ ಮತ್ತು ಭವಿಷ್ಯದ ಮಹತ್ವವನ್ನು ಅರಿತ ಈ ಯುವತಿಯರು ಇನ್ನಿತರರಿಗೆ ಪ್ರೇರಣೆಯಾಗಿದ್ದಾರೆ.

ಮೈಸೂರು ಜಿಲ್ಲೆ ನಂಜನಗೂಡು ತಾಲೂಕಿನ ಸಿಂಧುವಳ್ಳಿ ಗ್ರಾಮದ ಯೋಗೇಶ್ ಅವರೊಂದಿಗೆ ಕೊಳ್ಳೇಗಾಲದ ಆರ್. ಸಂಗೀತ ಅವರ ವಿವಾಹ ಇಂದು ಬೆಳಿಗ್ಗೆ ನಡೆಯಿತು. ಮಂಗಳಸೂತ್ರ ಧರಿಸಿದ ಕೆಲವೇ ನಿಮಿಷಗಳಲ್ಲಿ ಸಂಗೀತಾ ಮದುವೆ ಉಡುಪಿನಲ್ಲಿಯೇ ಪರೀಕ್ಷಾ ಕೇಂದ್ರ  ಹೋಗಿ ಪರೀಕ್ಷೆ ಬರೆಯುವ ದೃಷ್ಟಾಂತಮಯ ಹೆಜ್ಜೆ ಇಟ್ಟಿದ್ದಾರೆ.

ಇನ್ನು ಇದೇ ರೀತಿಯಲ್ಲಿ, ಹಾಸನದ ಗುಡ್ಡೇನಹಳ್ಳಿ ದಿನೇಶ್ ಜೊತೆ ವಿವಾಹವಾದ ಕವನ ಕೂಡ ಮದುವೆ ಮುಗಿದ ನಂತರ ತಕ್ಷಣವೇ ಹಾಸನದ ಪ್ರೈಡ್ ಪದವಿ ಕಾಲೇಜಿಗೆ ತೆರಳಿ, ಅಂತಿಮ ಬಿಕಾಂ ವರ್ಷದ ಕೊನೆಯ ಪರೀಕ್ಷೆಗೆ ಹಾಜರಾಗಿದ್ದಾರೆ. ಕುಟುಂಬದ ಬೆಂಬಲ, ವಿಶೇಷವಾಗಿ ತಂದೆ ಕುಮಾರ್ ಮತ್ತು ತಾಯಿ ಅನಸೂಯ, ಜೊತೆಗೆ ಅಣ್ಣ ಕಾರ್ತಿಕ್ ಅವರ ಸಹಾಯದಿಂದ, ಕವನ ತಮ್ಮ ವಿದ್ಯಾಭ್ಯಾಸದ ಗುರಿಯನ್ನು ಮರೆಯದೆ ಬದ್ಧತೆಯಿಂದ ಪರೀಕ್ಷೆ ಬರೆದಿದ್ದಾರೆ. ಪರೀಕ್ಷೆ ಮುಗಿಸಿ, ಕವನ ಮರುಕಳ್ಯಾಣ ಮಂಟಪಕ್ಕೆ ಆರತಕ್ಷತೆಗಾಗಿ ಹಾಜರಾದರು — ಇದು "ವಿದ್ಯೆ ಮತ್ತು ಸಂಸ್ಕೃತಿಯ ಸಂಯೋಜನೆ" ಎಂಬುದಕ್ಕೆ ಜೀವಂತ ಉದಾಹರಣೆ.

ಇನ್ನು ಈ ದಿಟ್ಟ ಹೆಜ್ಜೆಗಳನ್ನು ತಾಳಿದ ನವವಧೆಯರಿಬ್ಬರು ಯುವತಿಗಳಲ್ಲಿ ವಿದ್ಯೆಯ ಪ್ರತಿಯೊಂದು ಹಂತವೂ ಎಷ್ಟು ಮುಖ್ಯ ಎಂಬ ಬೋಧನೆಯನ್ನು ನೀಡಿದ್ದು, ಎಲ್ಲರ ಮೆಚ್ಚುಗೆಗೂ ಪಾತ್ರರಾಗಿದ್ದಾರೆ. ಜೀವನದ ಹೊಸ ಅಧ್ಯಾಯಕ್ಕೆ ಕಾಲಿಡುವಾಗ ಸಹ, ಕಲಿಕೆಗೆ ತೊಡಗುವ ಬದ್ಧತೆ ಮೆಚ್ಚುಗೆಗೊಳಿಸಬೇಕಾದದ್ದು.