ಬಾಯಲ್ಲಿಟ್ಟರೆ ಕರಗುವಂತಹ ಧಾರವಾಡ ಪೇಡ ಸುಲಭವಾಗಿ ಮನೆಯಲ್ಲೇ ಮಾಡಿ!!

ಧಾರವಾಡ ಪೇಡ ಉತ್ತರ ಕರ್ನಾಟಕದ ಧಾರವಾಡ ನಗರದಲ್ಲಿ ಪರಿಚಯಿಸಲ್ಪಟ್ಟ ರುಚಿಕರವಾದ ಸಿಹಿ ತಿಂಡಿ. ಧಾರವಾಡ ಪೇಡ ೧೭೫ ವರ್ಷಗಳ ಇತಿಹಾಸವನ್ನು ಹೊಂದಿದೆ. ಮತ್ತು ಜಿಐ (ಭೂವೈಜ್ಙಾನಿಕ ಗುರುತಿನ) ಟ್ಯಾಗ್ ಅನ್ನು ಪಡೆದಿದೆ. ಜಿಐ ಮುದ್ರೆ ಆಹಾರದ ಭೌಗೋಳಿಕ ಮೂಲವನ್ನು ಧೃಡೀಕರಿಸುತ್ತದೆ.

ಪನೀರ್, ಹಾಲು ಮತ್ತು ಸಕ್ಕರೆ , ಧಾರವಾಡ ಪೇಡ ಮಾಡಲು ಮುಖ್ಯ ಪದಾರ್ಥಗಳಾಗಿವೆ. ಧಾರವಾಡ ಪೇಡದಲ್ಲಿ ಬಳಸುವ ಹಾಲನ್ನು ಧಾರವಾಡದ ಎಮ್ಮೆಗಳಿಂದ ಸಂಗ್ರಹಿಸಲಾಗುತ್ತದೆ, ಧಾರವಾಡ ಪೇಡವು ತನ್ನ ವಿಶಿಷ್ಟ ರುಚಿಯನ್ನು ಈ ಎಮ್ಮೆ ಹಾಲಿನಿಂದ ಪಡೆಯುವುದರಿಂದ ಸಾಮಾನ್ಯ ಹಸುವಿನ ಹಾಲು ಬಳಸಿ ಧಾರವಾಡ ಪೇಡದ ರುಚಿಯನ್ನು ನಕಲು ಮಾಡಲು ಕಷ್ಟವಾಗುತ್ತದೆ.

ಧಾರವಾಡ ಪೇಡ ಮಾಡುವುದು ಹೇಗೆಂದರೆ ಪನೀರ್‌ಅನ್ನು ತುಂಡುಗಳಾಗಿ ಕತ್ತರಿಸಿ ಪ್ಯಾನ್‌ ನ ಮೇಲೆ ಮಧ್ಯಮ ಉರಿಯಲ್ಲಿ ಕಾಯಿಸಲಾಗುತ್ತದೆ. ನಂತರ ತುಪ್ಪ, ಸಕ್ಕರೆ ಮತ್ತು ಹಾಲಿನೊಂದಿಗೆ ಬೆರೆಸಿ ಕಂದು ಬಣ್ಣ ಬರುವವರೆಗೆ ಉರಿಯಲಾಗುತ್ತದೆ. ಈ ಮಿಶ್ರಣವನ್ನು ಬ್ಲೆಂಡರ್ ಬಳಸಿ ಸಣ್ಣ ತುಂಡುಗಳಾಗಿ ಪುಡಿಮಾಡಲಾಗುತ್ತದೆ. ಪುಡಿ ಮಾಡಿದ ಪನೀರ್, ಹಾಲು,ಸಕ್ಕರೆ ಮಿಶ್ರಣವನ್ನುಬಿಸಿ ಇರುವಾಗಲೇ ಸಿಲಿಂಡರ್‌ ಆಕಾರ ನೀಡಿ ಬಾಣಲೆಯಲ್ಲಿ ಬಿಸಿಮಾಡಲಾಗುತ್ತದೆ. ಪರಿಮಳಕ್ಕಾಗಿ ಏಲಕ್ಕಿ ಸೇರಿಸಬಹುದಾಗಿದೆ. ಹೀಗೆ ಸಿದ್ದವಾದ ಧಾರವಾಡ ಪೇಡವನ್ನು ಬಿಳಿ ಸಕ್ಕರೆ ಪುಡಿಯಲ್ಲಿ ಹೊರಳಾಡಿಸಿದರೆ ಧಾರವಾಡ ಪೇಡ ತಿನ್ನಲು ಸಿದ್ದ.

ಧಾರವಾಡ ಪೇಡವನ್ನು ಖರೀದಿಸಲು ಅತ್ಯುತ್ತಮ ಸ್ಥಳವೆಂದರೆ ಉತ್ತರ ಕರ್ನಾಟಕದ ಧಾರವಾಡ ನಗರ. ಧಾರವಾಡವು ಬೆಂಗಳೂರಿನಿಂದ ೪೪೦ ಕಿ.ಮೀ. ದೂರದಲ್ಲಿದೆ. ಹುಬ್ಬಳ್ಳಿ ಹತ್ತಿರದ ವಿಮಾನ ನಿಲ್ದಾಣವಾಗಿದೆ(೨೫ಕಿ.ಮೀ.). ಧಾರವಾಡ ಪೇಡ ಕರ್ನಾಟಕದ ಇತರ ಭಾಗಗಳಲ್ಲಿನ ಹಲವಾರು ಬೇಕರಿಗಳು ಮತ್ತು ಸಿಹಿ ತಿನಿಸು ಅಂಗಡಿಗಳಲ್ಲಿ ಸಹ ಲಭ್ಯವಿದೆ. ಪ್ರಮುಖ ನಗರಗಳಲ್ಲಿ ಧಾರವಾಡ ಮಿಶ್ರ ಪೇಡ ಅಂಗಡಿಗಳಿದ್ದು ನೀವು ಅಲ್ಲಿ ಸವಿಯಬಹುದು.