Champions Trophy 2025 :

ಬಹುನಿರೀಕ್ಷಿತ 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಗೆ ಕ್ಷಣಗಣನೆ ಶುರುವಾಗಿದೆ. ಮಹತ್ವದ ಟೂರ್ನಿಗೆ ಎಲ್ಲಾ ರೀತಿಯ ತಯಾರಿ ನಡೆದಿದೆ. ಜತೆಗೆ ಚಾಂಪಿಯನ್ಸ್ ಟ್ರೋಫಿಗೆ ಬಲಿಷ್ಠ ತಂಡಗಳು ಪ್ರಕಟವಾಗುತ್ತಿವೆ.

ಈಗಾಗಲೇ ಇಂಗ್ಲೆಂಡ್​ ತಂಡ ಕೂಡ ಪ್ರಕಟ ಆಗಿದೆ. ಚಾಂಪಿಯನ್ಸ್‌ ಟ್ರೋಫಿಗೆ ಇಂಗ್ಲೆಂಡ್​ ಕ್ರಿಕೆಟ್​ ಮಂಡಳಿ 15 ಸದಸ್ಯರ ಬಲಿಷ್ಠ ತಂಡ ಪ್ರಕಟಿಸಿದೆ. ಇಂಗ್ಲೆಂಡ್​ ತಂಡವನ್ನು ಜೋಸ್ ಬಟ್ಲರ್‌ ಲೀಡ್​ ಮಾಡಲಿದ್ದಾರೆ. ನ್ಯೂಜಿಲೆಂಡ್‌ ಟೆಸ್ಟ್‌ ಸರಣಿಯ ವೇಳೆ ಸ್ನಾಯು ಸೆಳೆತಕ್ಕೆ ಒಳಗಾಗಿರೋ ಬೆನ್‌ ಸ್ಟೋಕ್ಸ್​ಗೆ ರೆಸ್ಟ್​ ನೀಡಲಾಗಿದೆ.

ಮಾರ್ಕ್ ವುಡ್ ಮತ್ತೆ ತಂಡಕ್ಕೆ ಕಮ್​ ಬ್ಯಾಕ್​ ಮಾಡಿದ್ದಾರೆ. ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದಲ್ಲಿ ಸ್ಥಾನ ಪಡೆದಿರೋ ಸ್ಟಾರ್ ವಿಕೆಟ್​ ಕೀಪರ್​​​ ಬ್ಯಾಟರ್​​ ಫಿಲ್​ ಸಾಲ್ಟ್​​ ಅವರಿಗೆ ಸ್ಥಾನ ನೀಡಲಾಗಿದೆ. ಇತ್ತೀಚೆಗೆ ಸೌದಿಯಲ್ಲಿ ನಡೆದ ಐಪಿಎಲ್ ಮೆಗಾ ಹರಾಜಿನಲ್ಲಿ ಫಿಲ್​ ಸಾಲ್ಟ್​ ಅವರನ್ನು ಆರ್​​ಸಿಬಿ ಭಾರೀ ಮೊತ್ತ ನೀಡಿ ಖರೀದಿ ಮಾಡಿದೆ. ಈಗ ಫಿಲ್​ ಸಾಲ್ಟ್​​ ಚಾಂಪಿಯನ್ಸ್​ ಟ್ರೋಫಿ ಆಡೋದು ಡೌಟ್​ ಎಂದು ತಿಳಿದು ಬಂದಿದೆ. ಇದಕ್ಕೆ ಕಾರಣ ಇವರು ಕ್ರಿಕೆಟ್​ ಪ್ರಾಕ್ಟೀಸ್​ ಮಾಡುವಾಗ ಇಂಜುರಿಗೆ ಒಳಗಾಗಿದ್ದಾರೆ ಎನ್ನುವ ಸುದ್ದಿ ಇದೆ.

2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​ ಆರಂಭಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ. ಹೇಗಾದ್ರೂ ಮಾಡಿ ಕಪ್ ಗೆಲ್ಲಲೇಬೇಕು​ ಎಂದು ಎಲ್ಲಾ ಐಪಿಎಲ್​ ತಂಡಗಳು ಭರ್ಜರಿ ತಯಾರಿ ಆರಂಭಿಸಿವೆ. ಈಗಾಗಲೇ ಮೆಗಾ ಟೂರ್ನಿಗೆ ಡೇಟ್​ ಅನೌನ್ಸ್​ ಆಗಿದ್ದು, ಸಂಪೂರ್ಣ ವೇಳಾಪಟ್ಟಿ ರಿಲೀಸ್​ ಆಗಬೇಕಿದೆ. ಇದರ ಮಧ್ಯೆ ಆರ್​​ಸಿಬಿಗೆ ಫಿಲ್​ ಸಾಲ್ಟ್​​ ಅಲಭ್ಯತೆ ತಲೆನೋವಾಗಿದೆ. ಇವರು ಐಪಿಎಲ್​ ಶುರು ಆಗೋವಷ್ಟರಲ್ಲಿ ಫಿಟ್​ ಆಗದಿದ್ರೆ ಫಿಲ್​ ಸಾಲ್ಟ್​ ಜಾಗಕ್ಕೆ ಮಯಾಂಕ್​ ಅಗರ್ವಾಲ್​ ಬರಬಹುದು. ಆರ್​​ಸಿಬಿಗೆ ಈಗ ಒಳ್ಳೆಯ ಓಪನರ್​ ಬೇಕಾಗಿರುವುದು ಮುಖ್ಯವಾಗಿದೆ.