Health Tips : ಈ ಲಕ್ಷಣಗಳು ಕಂಡುಬಂದರೆ ಥೈರಾಯ್ಡ್‌ ಇರಬಹುದು ...!

Health Tips :

ದೇಹದಲ್ಲಿ ಈ ಭಾಗದಲ್ಲಿ ಪದೇ ಪದೇ ನೋವುಗಳು ಕಂಡು ಬರುತ್ತಿದ್ರೆ, ಅದು ಥೈರಾಯ್ಡ್‌  ಸಂಬಂಧಿತ ಲಕ್ಷಣಗಳಾಗಿರಬಹುದು. ಅದನ್ನ ಖಚಿತಪಡಿಸಿಕೊಳ್ಳೋದಕ್ಕೆ ಥೈರಾಯ್ಡ್‌ ಪರೀಕ್ಷೆ ಮಾಡಿಸಿಕೊಳ್ಳೋದು ಆರೋಗ್ಯಕ್ಕೆ ಉತ್ತಮವಾಗಿರುತ್ತೇ. ಇತ್ತೀಚಿನ ದಿನಗಳಲ್ಲಿ ಅನಾರೋಗ್ಯಕರ ಆಹಾರ ಪದ್ದತಿ ಮತ್ತು ಕೆಟ್ಟ ಜೀವನಶೈಲಿಯೇ ಅನಾರೋಗ್ಯಕ್ಕೆ ಕಾರಣವಾಗಿದ್ದು ಆರೋಗ್ಯ ಸಮಸ್ಯೆಗಳನ್ನ ಎದುರಿಸಬೇಕಾಗುತ್ತೇ.

ನಿಮ್ಮ ದೇಹದಲ್ಲಿ ಥೈರಾಯ್ಡ್‌ ಸಮಸ್ಯೆ ಇದ್ರೆ ದೇಹದ ಹಲವು ಭಾಗಗಳಲ್ಲಿ ನಾನಾ ರೀತಿಯ ನೋವುಗಳು ಕಾಣಿಸಿಕೊಳ್ಳುತ್ತೇ. ಹಾರ್ಮೋನ್‌ ಮಟ್ಟ ಹೆಚ್ಚಾಗುವುದರಿಂದ ದೇಹದಲ್ಲಿ ನೋವು ಅಸ್ವಸ್ಥತೆ ಸಮಸ್ಯೆಗಳು ಉಂಟಾಗುತ್ತವೆ. ಥೈರಾಯ್ಡ್‌ ಸಮಸ್ಯೆ ಹೆಚ್ಚಾದರೆ ಗಂಟಲಿನಲ್ಲಿ ಊತ ನೋವು ಇರುತ್ತದೆ. ಇದು ಕ್ರಮೇಣ ಕುತ್ತಿಗೆಯ ಭಾಗಗಳ ಮೇಲೂ ಪರಿಣಾಮ ಬೀರುತ್ತದೆ. ಥೈರಾಯ್ಡ್ ಗ್ರಂಥಿಯು ಗಂಟಲಿನ ಮಧ್ಯದಲ್ಲಿದೆ.

ಥೈರಾಯ್ಡ್ ಹಾರ್ಮೋನ್ ಅಸಮತೋಲನದಿಂದಾಗಿ, ದೇಹದಲ್ಲಿ ದ್ರವದ ಪ್ರಮಾಣ ಹೆಚ್ಚಾಗಲು ಪ್ರಾರಂಭಿಸುತ್ತದೆ, ಇದು ಕಣಕಾಲುಗಳಲ್ಲಿ ಊತ ಮತ್ತೇ ನೋವನ್ನು ಉಂಟು ಮಾಡುತ್ತದೆ. ಥೈರಾಯ್ಡ್ ಹಾರ್ಮೋನ್ ಅಸಮತೋಲನಗೊಂಡಾಗ, ದೇಹದ ಶಕ್ತಿಯ ಮೇಲೆ ಪರಿಣಾಮ ಬೀರುತ್ತದೆ, ಇದರಿಂದಾಗಿ ರೋಗಿಯ ಸ್ನಾಯುಗಳು ದುರ್ಬಲಗೊಳ್ಳಬಹುದು. ಅಂತಹ ಪರಿಸ್ಥಿತಿಯಲ್ಲಿ, ರೋಗಿಗಳು ಬೆನ್ನು ಮತ್ತು ಭುಜದ ಪ್ರದೇಶದಲ್ಲಿ ನೋವು ಅನುಭವಿಸಬಹುದು. ಥೈರಾಯ್ಡ್ ಕಾಯಿಲೆಗಳು ಮತ್ತು ಫ್ರೋಜನ್ ಶೋಲ್ಡರ್ ನಡುವೆ ಸಂಬಂಧವಿದೆ. ಫ್ರೋಜನ್ ಶೋಲ್ಡರ್ ಭುಜದ ನೋವು ಮತ್ತು ಭುಜದ ಕೀಲುಗಳ ಚಲನಶೀಲತೆಯಲ್ಲಿ ಇಳಿಕೆಯಿಂದ ಉಂಟಾಗುತ್ತದೆ.

ಹೈಪೋಥೈರಾಯ್ಡಿಸಂನಿಂದ ಬಳಲುತ್ತಿರುವ ರೋಗಿಗಳ ದೇಹದಲ್ಲಿ ರಕ್ತ ಪರಿಚಲನೆ ನಿಧಾನವಾಗುತ್ತದೆ. ಇದರಿಂದಾಗಿ ತಲೆನೋವು ಮತ್ತು ಮೈಗ್ರೇನ್ ಸಮಸ್ಯೆ ಹೆಚ್ಚಾಗಬಹುದು. ಇವು ಹೈಪರ್ ಥೈರಾಯ್ಡಿಸಮ್ ಮತ್ತು ಹೈಪೋಥೈರಾಯ್ಡಿಸಮ್ ಎರಡರ ಲಕ್ಷಣವಾಗಿರಬಹುದು. ಆದರೆ ಇದರ ನಿಖರವಾದ ಕಾರ್ಯವಿಧಾನಗಳನ್ನು ಸಂಪೂರ್ಣವಾಗಿ ಅರ್ಥಮಾಡಿ ಕೊಳ್ಳಲಾಗಿಲ್ಲ. ಥೈರಾಯ್ಡ್ ಹಾರ್ಮೋನ್ ಅಸಮತೋಲನವು ಮೆದುಳಿನ ರಸಾಯನಶಾಸ್ತ್ರದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ತಲೆನೋವನ್ನು ಉಂಟುಮಾಡಬಹುದು.

ಥೈರಾಯ್ಡ್ ಹಾರ್ಮೋನ್ ಅಡಚಣೆಯಿಂದಾಗಿ, ನಿಮ್ಮ ಸ್ನಾಯುಗಳು ಮತ್ತು ಕೀಲುಗಳಲ್ಲಿ ನೋವು ಮತ್ತು ಬಿಗಿತವನ್ನು ಅನುಭವಿಸಬಹುದು. ನೋವು ಮುಖ್ಯವಾಗಿ ಕಾಲುಗಳು, ಕೈಗಳು, ಭುಜಗಳು ಮತ್ತು ಮೊಣಕಾಲುಗಳಲ್ಲಿ ಕಾಣಿಸಿಕೊಳ್ಳಬಹುದು.

ದೇಹದ ಈ ಭಾಗಗಳಲ್ಲಿ ನಿಮಗೆ ನಿರಂತರ ನೋವು ಅನಿಸುತ್ತಿದ್ದರೆ,  ಥೈರಾಯ್ಡ್ ಪರೀಕ್ಷೆಯನ್ನು ತಕ್ಷಣವೇ ಪರೀಕ್ಷಿಸಿಕೊಳ್ಳೋದು ಒಳ್ಳೇಯದು.