Chikkaballapura Fraud Case : ವಿಚ್ಛೇದಿತ ಮಹಿಳೆಯರಿಗೆ ವಂಚನೆ ಆರೋಪಿ ಗಿರೀಶ್ ಆತ್ಮಹತ್ಯೆ: ದೂರು ಭಯದಿಂದ ಹೆದರಿ ಪ್ರಾಣ ಕಳೆದುಕೊಂಡ್ನಾ?
Chikkaballapura Fraud Case: ಗಿರೀಶ್ ನೇಣಿಗೆ ಶರಣಾದ ಹಿನ್ನೆಲೆ
ವಿಚ್ಛೇದಿತ ಮಹಿಳೆಯರನ್ನು ಮರುಮದುವೆಯಾಗುವುದಾಗಿ ವಂಚನೆ ಮಾಡುತ್ತಿದ್ದ ಆರೋಪ ಎದುರಿಸುತ್ತಿದ್ದ ಸಿ.ಎಂ. ಗಿರೀಶ್ (ಅka ಸಾಯಿ ಸುದೀಪ್) ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ದೊಡ್ಡ ಸಂಚಲನ ಮೂಡಿಸಿದೆ. ಫೇಸ್ಬುಕ್ ಮೂಲಕ ಮಹಿಳೆಯರ ಪರಿಚಯ ಪಡೆದು, ಹಣ ಮತ್ತು ಲೈಂಗಿಕ ಶೋಷಣೆ ಮಾಡಿದ ಪ್ರಕರಣಗಳಲ್ಲಿ ಈತನ ವಿರುದ್ಧ ಹಲವು ದೂರುಗಳು ದಾಖಲಾಗಿದ್ದವು.
ದೂರು ದಾಖಲಾಗುತ್ತಿದ್ದಂತೆಯೇ ಆತ್ಮಹತ್ಯೆ ಶಂಕೆ
ಚಿಕ್ಕಬಳ್ಳಾಪುರ ಮಹಿಳಾ ಠಾಣೆಯಲ್ಲಿ ಕಳೆದ ರಾತ್ರಿ ನಾಲ್ವರು ಸಂತ್ರಸ್ತೆಯರು ವಂಚನೆ ಕುರಿತು ದೂರು ನೀಡಿದ್ದರು.
ದೂರು ದಾಖಲಾಗುತ್ತಿದ್ದಂತೆಯೇ ಭಯದಿಂದ ಗಿರೀಶ್ ತನ್ನ ಕನ್ನಂಪಲ್ಲಿ ಮನೆಯಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರಬಹುದೇ ಎಂಬ ಶಂಕೆ ಮೂಡಿದೆ.
ಅಲ್ಲದೆ, ಕೆಲವು ತಿಂಗಳ ಹಿಂದೆಯೇ ಆತ ಆತ್ಮಹತ್ಯೆಗೆ ಯತ್ನಿಸಿ ಚಿಕಿತ್ಸೆ ಪಡೆದಿದ್ದ ಮಾಹಿತಿ ಹೊರಬಂದಿದೆ.
Facebook ಮೂಲಕ ಟಾರ್ಗೆಟ್: ವಿಚ್ಛೇದಿತ ಮಹಿಳೆಯರೇ ಗುರಿ
ಗಿರೀಶ್ ವಿಚ್ಛೇದಿತ, ಒಬ್ಬಂಟಿ ಮಹಿಳೆಯರನ್ನೇ ಗುರಿ ಮಾಡಿಕೊಂಡಿದ್ದಾನೆ ಎಂಬುದು ತನಿಖೆಯಲ್ಲಿ ಬಹಿರಂಗವಾಗಿದೆ.
ಅವನು ಬಳಸಿದ್ದ ತಂತ್ರಗಳು:
- ಫೇಸ್ಬುಕ್ ಮೂಲಕ ಸ್ನೇಹ
- “ಮರುಮದುವೆ” ಭರವಸೆ ನೀಡಿ ನಂಬಿಕೆ ಗಳಿಕೆ
- ಲೈಂಗಿಕ ದೌರ್ಜನ್ಯ ಮತ್ತು ದುರ್ಬಳಕೆ
- ವಿಡಿಯೋ / ಆಡಿಯೋ ದಾಖಲಿಸಿ ಬೆದರಿಕೆ
- ಹಣ, ಚಿನ್ನ, ಉಡುಗೆ, ಆಭರಣಗಳ ಕಬಳಿಕೆ
ಹಲವು ಜಿಲ್ಲೆಗಳ ಮಹಿಳೆಯರಿಂದ ದೂರಿಗಳು
5ಕ್ಕೂ ಹೆಚ್ಚು ಮಹಿಳೆಯರು ಗಿರೀಶ್ ವಿರುದ್ಧ ವಂಚನೆ ಮತ್ತು ಕಿರುಕುಳ ಆರೋಪಿಸಿದ್ದಾರೆ.
ಆರೋಪಗಳು ದಾಖಲಾಗಿರುವ ಪ್ರದೇಶಗಳು:
- ನಂದಗುದಿ
- ಬೆಂಗಳೂರು
- ಚಿಕ್ಕಬಳ್ಳಾಪುರ
- ಬಂಗಾರಪೇಟೆ
ಗಿರೀಶ್ ವಿರುದ್ಧದ ಗಂಭೀರ ಆರೋಪಗಳು
ಸಂತ್ರಸ್ತೆಯರ ಹೇಳಿಕೆ ಪ್ರಕಾರ ಗಿರೀಶ್ ವಿರುದ್ಧ ಇವು ಪ್ರಮುಖ ಆರೋಪಗಳು:
25 ಲಕ್ಷ ರೂ. ವಂಚನೆ – ಬೆಂಗಳೂರು ಮಹಿಳೆ -ಮರುಮದುವೆಯಾಗುವುದಾಗಿ ನಂಬಿಸಿ ಬೆಂಗಳೂರಿನ ಮಹಿಳೆಯಿಂದ 25 ಲಕ್ಷ ರೂ. ಪಡೆಯಲಾಗಿದೆ.5 ಲಕ್ಷ ರೂ. ವಂಚನೆ – ಸರ್ಕಾರಿ ನೌಕರ ಮಹಿಳೆ -ಚಿಕ್ಕಬಳ್ಳಾಪುರ ಮೂಲದ ಸರ್ಕಾರಿ ಉದ್ಯೋಗಿ ಮಹಿಳೆಯಿಂದ ಹಣ ಕಿತ್ತುಕೊಂಡದ್ದು ದೂರುಗಳಲ್ಲಿ ಉಲ್ಲೇಖವಾಗಿದೆ.
40 ಗ್ರಾಂ ಚಿನ್ನ – K.R. Puram ಪ್ರಕರಣ – ಮಾಂಗಲ್ಯ ಚೈನ್, ಕಿವಿಯೋಲೆ ಸೇರಿದಂತೆ 40 ಗ್ರಾಂ ಚಿನ್ನವನ್ನು ತೆಗೆದುಕೊಂಡು ಮೋಸ ಮಾಡಿರುವ ಆರೋಪ . ನಂದಗುದಿ–ಹೋಸಕೋಟೆ ಪ್ರಕರಣ – ಶ್ರೀಮಂತ ಯುವತಿಯನ್ನು ಮದುವೆಯಾಗಿ, ನಂತರ ಹಣಪೂರೈಕೆಗಾಗಿ ಪೀಡನೆ ಮಾಡಿದ ಆರೋಪ.ಬಂಗಾರಪೇಟೆ ಆಂಟಿ ಕಿರುಕುಳ ಪ್ರಕರಣ – ಬುಟ್ಟಿಗೆ ಹಾಕಿ ಕಿರುಕುಳ ನೀಡಿದ್ದ ಪ್ರಕರಣವೂ ದಾಖಲಾಗಿದೆ.
ಸಾಮಾಜಿಕ ಕಾರ್ಯಕರ್ತರ ಮಧ್ಯಸ್ಥಿಕೆ
ಸಮಾಜಿಕ ಕಾರ್ಯಕರ್ತ ಕೃಷ್ಣಮೂರ್ತಿ ಅವರ ಮುಂದಾಳತ್ವದಲ್ಲಿ
ಸಂತ್ರಸ್ತೆಯರು ಚಿಂತಾಮಣಿ ನಗರ ಠಾಣೆಗೆ ದೂರು ಸಲ್ಲಿಸಿದ್ದು, ಇದರ ನಂತರ ಪ್ರಕರಣ ಮತ್ತಷ್ಟು ಗಂಭೀರ ತಿರುವು ಪಡೆದುಕೊಂಡಿದೆ.
ತನಿಖೆ ಮುಂದುವರಿಕೆ
ಪೊಲೀಸ್ ಇಲಾಖೆ:ಆತ್ಮಹತ್ಯೆಗೆ ನಿಜವಾದ ಕಾರಣವೇನು? , ದೂರುಗಳ ಭಯವೇ ಪ್ರಮುಖ ಕಾರಣವೇ? , ಇನ್ನೂ ಹೆಚ್ಚಿನ ಮಹಿಳೆಯರು ಗಿರೀಶ್ ಬಲಿಯಾಗಿದ್ದಾರೆಯೇ? ಎಂಬ ವಿಷಯಗಳ ಬಗ್ಗೆ ತನಿಖೆ ನಡೆಸುತ್ತಿದೆ.
About the Author
