Thalapathy Vijay: ದಳಪತಿ ವಿಜಯ್ ಮುಂಬರುವ ಆಕ್ಷನ್ ಥ್ರಿಲ್ಲರ್ (Action Thriller Movie) ಸಿನಿಮಾ ಜನ ನಾಯಗನ್ ಬಿಡುಗಡೆ ಪೂರ್ವವೇ ಎಲ್ಲಾ ದಾಖಲೆಗಳನ್ನು ಮುರಿಯುತ್ತಿದೆ.
Thalapathy Vijay: ತಮಿಳು ಚಿತ್ರರಂಗದ ಸೂಪರ್ಸ್ಟಾರ್ ತಲಪತಿ ವಿಜಯ್ ಅಭಿನಯದ ಹೊಸ ಸಿನಿಮಾ ‘ಜನ ನಾಯಗನ್ (Jananayagan)’ ಇದೀಗ ಬಿಡುಗಡೆಯಾಗುವ ಮೊದಲೇ ಎಲ್ಲ ದಾಖಲೆಗಳನ್ನು ಮುರಿಯುತ್ತಿದೆ.
ಹೆಚ್. ವಿನೋದ್ ನಿರ್ದೇಶನದ ‘ಜನ ನಾಯಗನ್’
ಹೆಚ್. ವಿನೋದ್ ನಿರ್ದೇಶನದಲ್ಲಿ ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಿಸುತ್ತಿರುವ ಈ ಆಕ್ಷನ್ ಥ್ರಿಲ್ಲರ್ ಸಿನಿಮಾ 2026ರ ಜನವರಿ 9ರಂದು, ಪೊಂಗಲ್ ಹಬ್ಬಕ್ಕೆ ತೆರೆಗೆ ಬರಲಿದೆ.
‘ಜನ ನಾಯಗನ್’ ಸುತ್ತ ಹೈಪ್ ಹೆಚ್ಚಳ – ಹೆಚ್ಚಿದ ಅಭಿಮಾನಿಗಳ ನಿರೀಕ್ಷೆ
ದಿ ಗ್ರೇಟೆಸ್ಟ್ ಆಫ್ ಆಲ್ ಟೈಮ್ (GOAT)’ ಚಿತ್ರದ ಯಶಸ್ಸಿನ ನಂತರ ವಿಜಯ್ ಅವರ ಅಭಿಮಾನಿಗಳಲ್ಲಿ ಈ ಚಿತ್ರ ಕುರಿತು ಅಪಾರ ನಿರೀಕ್ಷೆ ಮೂಡಿದೆ.
₹400 ಕೋಟಿಯ ಪೂರ್ವ ವ್ಯವಹಾರ! ಚಿತ್ರಕ್ಕೆ ಭರ್ಜರಿ ಪ್ರತಿಕ್ರಿಯೆ
ಚಿತ್ರವು ಅಮೆಜಾನ್ ಪ್ರೈಮ್ ವಿಡಿಯೋ ಜೊತೆ ₹110 ಕೋಟಿಯ ಡಿಜಿಟಲ್ ಹಕ್ಕುಗಳ ಒಪ್ಪಂದ, ಫಾರ್ಸ್ ಫಿಲ್ಮ್ಸ್ ಜೊತೆ ₹75 ಕೋಟಿಯ ವಿದೇಶಿ ವಿತರಣೆ, ಮತ್ತು ತಮಿಳುನಾಡು ಹಾಗೂ ಕೇರಳ ಹಕ್ಕುಗಳ ಮಾರಾಟದೊಂದಿಗೆ ಒಟ್ಟು ₹400 ಕೋಟಿಗೂ ಹೆಚ್ಚು ಪೂರ್ವ ವ್ಯವಹಾರ ದಾಖಲಿಸಿದೆ.
ಇದನ್ನೂ ಓದಿ: Thalapathy Vijay : ಕರೂರುರಿಗೆ ಭೇಟಿ ನೀಡಲಿರುವ ದಳಪತಿ ವಿಜಯ್
ಬಿಡುಗಡೆಯಾಗುವ ಮುನ್ನವೇ ಬ್ಲಾಕ್ಬಸ್ಟರ್ ದಾಖಲೆ!
ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ, ಬಾಬಿ ಡಿಯೋಲ್, ಮಮಿತಾ ಬೈಜು, ಗೌತಮ್ ವಾಸುದೇವ್ ಮೆನನ್, ಪ್ರಕಾಶ್ ರಾಜ್, ನರೈನ್ ಹಾಗೂ ಪ್ರಿಯಾಮಣಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
‘ತಲಪತಿ ಕಚ್ಚಾರಿ’ ಹಾಡು ವೈರಲ್ – ವಿಜಯ್ ಅಭಿಮಾನಿಗಳಲ್ಲಿ ಸಂಭ್ರಮ
ಶನಿವಾರ ಬಿಡುಗಡೆಯಾದ ಚಿತ್ರದ ಮೊದಲ ಹಾಡು ‘ತಲಪತಿ ಕಚ್ಚಾರಿ’ ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಹಾಡಿಗೆ ಅನಿರುದ್ಧ್ ರವಿಚಂದರ್ ಸಂಗೀತ ನೀಡಿದ್ದು, ವಿಜಯ್, ಅನಿರುದ್ಧ್ ಹಾಗೂ ಅರಿವು ಹಾಡಿದ್ದಾರೆ. ಹಾಡಿನ ಕೊನೆಯಲ್ಲಿ ವಿಜಯ್ ಹೇಳುವ “ಓಕೆ ಡಾ!” ಡೈಲಾಗ್ ಅಭಿಮಾನಿಗಳ ಹೃದಯ ಗೆದ್ದಿದೆ.
ವಿಜಯ್ ಮತ್ತೊಮ್ಮೆ ಬಾಕ್ಸ್ ಆಫೀಸ್ ಕಿಂಗ್!
‘ಜನ ನಾಯಗನ್’ ವಿಜಯ್ ಅವರ ವೃತ್ತಿಜೀವನದ ಮತ್ತೊಂದು ಮೈಲಿಗಲ್ಲು ಆಗುವ ನಿರೀಕ್ಷೆಯಿದೆ. ಚಿತ್ರತಂಡ ಈಗಾಗಲೇ ಹೊಸ ಪೋಸ್ಟರ್ ಮೂಲಕ ಅಮೆಜಾನ್ ಪ್ರೈಮ್ನ ಪೋಸ್ಟ್-ಥಿಯೇಟ್ರಿಕಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ದೃಢೀಕರಿಸಿದ್ದು, ಅಭಿಮಾನಿಗಳು ಚಿತ್ರ ಬಿಡುಗಡೆಗೆ ಕಾತರದಿಂದ ಕಾಯುತ್ತಿದ್ದಾರೆ.
MUST WATCH: THALAPATHY VIJAY | ದಳಪತಿ ವಿಜಯ್ ವಿರುದ್ಧ ಮುಸ್ಲಿಂರು ತಿರುಗಿಬಿದ್ದಿದ್ದು ಯಾಕೆ..?
About the Author
