Bengaluru: ಹಿರಿಯ ರಂಗ ಕಲಾವಿದ ಹಾಗೂ ಹಾಸ್ಯ ನಟ ರಾಜು ತಾಳಿಕೋಟೆ ಹೃದಯಾಘಾತದಿಂದ ನಿಧನ. ಉತ್ತರ ಕರ್ನಾಟಕದ ‘ಖಾಸ್ಗತೇಶ್ವರ’ ನಾಟಕ ಮಂಡಳಿಯ ಮಾಲಿಕರಾಗಿ ಕುಡುಕನ ಪಾತ್ರಗಳಲ್ಲಿ ಜನಪ್ರಿಯತೆ ಪಡೆದ ಕಲಾವಿದ.
Bengaluru : ನಟ ರಾಜು ತಾಳಿಕೋಟೆ ನಿಧನ ರಂಗಭೂಮಿ ಕಳೆದುಕೊಂಡ ಪ್ರತಿಭಾವಂತ ಕಲಾವಿದ
ಉತ್ತರ ಕರ್ನಾಟಕದ ಹಿರಿಯ ರಂಗ ಕಲಾವಿದ ಹಾಗೂ ಹಾಸ್ಯ ನಟ ರಾಜು ತಾಳಿಕೋಟೆ ಅವರು ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಅವರು ಕೇವಲ ರಂಗಭೂಮಿಯ ಕಲಾವಿದನಷ್ಟೇ ಅಲ್ಲ, ಜನಮನ ಗೆದ್ದ ನಟನಾಗಿದ್ದರು.
ಹೃದಯಾಘಾತದಿಂದ ಮಣಿಪಾಲ ಏಮ್ಸ್ನಲ್ಲಿ ನಿಧನ
ವಿಜಯಪುರ ಜಿಲ್ಲೆಯ ಸಿಂದಗಿ ತಾಲ್ಲೂಕಿನ ಚಿಕ್ಕಸಿಂದಗಿ ಮೂಲದ ರಾಜು ತಾಳಿಕೋಟೆ (Raj Taalikote) ಅವರು ನಿನ್ನೆ ಹೃದಯಾಘಾತದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ, ವೈದ್ಯರ ಪ್ರಯತ್ನ ಫಲಕಾರಿಯಾಗದೆ ಇಂದು (ಅಕ್ಟೋಬರ್ 13, 2025) ನಿಧನರಾದರು. ಅವರ ನಿಧನಕ್ಕೆ ಕನ್ನಡ ಚಿತ್ರರಂಗ ಹಾಗೂ ಉತ್ತರ ಕರ್ನಾಟಕದ ರಂಗಭೂಮಿ ಕಂಬನಿ ಮಿಡಿದಿದೆ.
‘ಖಾಸ್ಗತೇಶ್ವರ’ ನಾಟಕ ಮಂಡಳಿಯ ಮಾಲಿಕ
ರಾಜು ತಾಳಿಕೋಟೆಯವರ ಮೂಲ ಹೆಸರು ರಾಜೇಸಾಬ ಮಕ್ತುಮಸಾಬ ತಾಳಿಕೋಟಿ. ಅವರು ಉತ್ತರ ಕರ್ನಾಟಕದ ಪ್ರಸಿದ್ಧ ‘ಖಾಸ್ಗತೇಶ್ವರ’ ನಾಟಕ ಮಂಡಳಿಯ ಮಾಲಿಕರಾಗಿದ್ದರು. ಅನೇಕ ದಶಕಗಳ ಕಾಲ ಹಳ್ಳಿಯಿಂದ ಹಳ್ಳಿಗೆ ನಾಟಕ ಪ್ರದರ್ಶಿಸಿ ಜನಮನ ಗೆದ್ದಿದ್ದರು.
MUST READ : Bangalor : ಡಿಸ್ಚಾರ್ಜ್ ಅಗಿ ಮನೆಯಲ್ಲಿ ದೇವರ ಸ್ತೋತ್ರ ಪುಸ್ತಕ ಓದಿದ ದೇವೇಗೌಡ್ರು
ಕುಡುಕನ ಪಾತ್ರಗಳಿಂದ ಮನೆಮಾತು
ತಾಳಿಕೋಟೆಯವರ ಹಾಸ್ಯ ಮತ್ತು ಶೈಲಿ ಜನಮನ ಗೆದ್ದಿತ್ತು. ವಿಶೇಷವಾಗಿ, ಕುಡುಕನ ಪಾತ್ರಗಳು ಅವರ ಟ್ರೇಡ್ಮಾರ್ಕ್ ಆಗಿದ್ದವು.
‘ಕಲಿಯುಗದ ಕುಡುಕ’, ‘ಅಸಲಿ ಕುಡುಕ’, ಮತ್ತು ‘ಕುಡುಕರ ಸಾಮ್ರಾಜ್ಯ’ ನಾಟಕಗಳು ಜನಪ್ರಿಯತೆ ಪಡೆದಿದ್ದು, ಅವುಗಳ ಆಡಿಯೋ ಕ್ಯಾಸೆಟ್ಗಳು ಕೂಡ ಆ ಕಾಲದಲ್ಲಿ ಮನೆಮಾತಾಗಿದ್ದವು.
ಚಲನಚಿತ್ರ ರಂಗದಲ್ಲೂ ಯಶಸ್ಸು
ನಾಟಕದಿಂದ ಸಿನಿಮಾಕ್ಕೆ ಕಾಲಿಟ್ಟ ರಾಜು ತಾಳಿಕೋಟೆ, ಯೋಗರಾಜ್ ಭಟ್ ನಿರ್ದೇಶನದ ಮನಸಾರೆ (2009) ಚಿತ್ರದ ಮೂಲಕ ಜನಪ್ರಿಯತೆ ಪಡೆದರು. ನಂತರ ಪಂಚರಂಗಿ, ಮತ್ತೊಂದ್ ಮದುವೇನಾ..!, ಮತ್ತು ಮೈನಾ ಚಿತ್ರಗಳಲ್ಲಿ ತಮ್ಮದೇ ಆದ ಹಾಸ್ಯ ಶೈಲಿಯಿಂದ ಪ್ರೇಕ್ಷಕರ ಮೆಚ್ಚುಗೆ ಪಡೆದರು.
ಕಲಾರಂಗಕ್ಕೆ ಅಪಾರ ನಷ್ಟ
ರಾಜು ತಾಳಿಕೋಟೆಯವರ ನಿಧನದ ಸುದ್ದಿ ತಿಳಿದು ಕನ್ನಡ ಚಿತ್ರರಂಗ ಮತ್ತು ಅಭಿಮಾನಿಗಳು ಸಂತಾಪ ಸೂಚಿಸಿದ್ದಾರೆ. ಉತ್ತರ ಕರ್ನಾಟಕದ ಕಲಾರಂಗಕ್ಕೆ ಇದು ಭಾರೀ ನಷ್ಟವೆಂದು ಕಲಾವಿದರು ತಿಳಿಸಿದ್ದಾರೆ. ಅವರ ಅಂತಿಮ ವಿಧಿವಿಧಾನಗಳು ತಾಳಿಕೋಟಿ ನಗರದಲ್ಲಿ ನಡೆಯಲಿವೆ.
ತಿಂಗಳೊಳಗೆ ಇಬ್ಬರು ಕಲಾವಿದರ ಅಗಲಿಕೆ
ಇತ್ತೀಚೆಗೆ ಸೆಪ್ಟೆಂಬರ್ 29ರಂದು ಹಿರಿಯ ಕಲಾವಿದ ಯಶವಂತ ಸರದೇಶಪಾಂಡೆ ನಿಧನರಾಗಿದ್ದರೆ, ಈಗ ರಾಜು ತಾಳಿಕೋಟೆಯವರ ಅಗಲಿಕೆ ರಂಗಭೂಮಿಗೆ ಮತ್ತೊಂದು ಆಘಾತವಾಗಿದೆ.
About the Author
