Mysuru Dasara Drone Show : ವಿಶ್ವವಿಖ್ಯಾತ ಮೈಸೂರು ದಸರಾ ಮಹೋತ್ಸವದ ಈ ಬಾರಿಗೆ ಅತ್ಯಾಕರ್ಷಕ ತಂತ್ರಜ್ಞಾನದೊಂದಿಗೆ ಮೂಡಿದೆ. ಬನ್ನಿಮಂಟಪದ ಪಂಜಿನ ಕವಾಯತು ಮೈದಾನದಲ್ಲಿ ಭಾನುವಾರ ಸಂಜೆ ಆಯೋಜಿಸಲಾದ ಡ್ರೋನ್ ಪ್ರದರ್ಶನ ದಸರಾ ಮಹೋತ್ಸವಕ್ಕೆ ಹೊಸ ಮೆರುಗು ನೀಡಿದ್ದು, ಪ್ರೇಕ್ಷಕರಿಗೆ ರೋಮಾಂಚನಕರ ಅನುಭವ ನೀಡಿತು.
ಈ ಬಾರಿಯ ವಿಶೇಷವೆಂದರೆ 3,000 ಡ್ರೋನ್ಗಳ (Drone) ಮೂಲಕ ಆಕರ್ಷಕ ಚಿತ್ತಾರ ಪ್ರದರ್ಶನ. 2,983 ಡ್ರೋನ್ಗಳನ್ನು ಬಳಸಿಕೊಂಡು ರಾಷ್ಟ್ರೀಯ ಪ್ರಾಣಿ ಹುಲಿಯ ಬೃಹದಾಕಾರದ ಕಲಾಕೃತಿಯನ್ನು ಬಾನಂಗಳದಲ್ಲಿ ಸೃಷ್ಟಿಸಲಾಯಿತು. ಈ ಮೂಲಕ ಗಿನ್ನಿಸ್ (Guinness World Record) ವಿಶ್ವದಾಖಲೆ ನಿರ್ಮಿಸುವಲ್ಲಿ ಯಶಸ್ವಿಯಾಗಿದೆ.
ಈ ಹೊಸ ದಾಖಲೆ ಮುಂಚಿನ 1,985 ಡ್ರೋನ್ಗಳ ಬಳಕೆಯ ಹಳೆ ದಾಖಲೆಯನ್ನು ಮುರಿದಿದೆ. ಕಳೆದ ವರ್ಷ 1,500 ಡ್ರೋನ್ಗಳು ಭಾಗವಹಿಸಿದ್ದರೆ, ಈ ಬಾರಿಯ ಪ್ರದರ್ಶನದಲ್ಲಿ 3,000 ಡ್ರೋನ್ಗಳು ಹಾರಾಡಿದವು. ಡ್ರೋನ್ಗಳು ಬಾನಂಗಳದಲ್ಲಿ ಬಣ್ಣಬಣ್ಣದ ಬೆಳಕುಗಳಿಂದ ಚಾಮುಂಡೇಶ್ವರಿ ದೇವಿ, ಹುಲಿ, ಕರ್ನಾಟಕ ನಕ್ಷೆ, ಮೈಸೂರು ಅರಮನೆ ಮುಂತಾದ ಚಿತ್ರಗಳನ್ನು ಮೂಡಿಸಿತು. ಏಕಕಾಲದಲ್ಲಿ ಬಾನೆತ್ತರ ಹಾರಿದ ಡ್ರೋನ್ಗಳು ಬಣ್ಣಬಣ್ಣದ ದೀಪಗಳಿಂದ ಮಿನುಗುತ್ತಾ ಆಕರ್ಷಕ ಕಲಾಕೃತಿಗಳನ್ನು ಸೃಷ್ಟಿಸಿದವು.
About the Author
