IPL 2026 : ಪಾಟಿದಾರ್ ಕ್ಯಾಚ್ ಔಟ್ ವಿವಾದಕ್ಕೆ ಹೊಸ ತಿರುವು. ಸ್ಟಾರ್ಕ್ ಪ್ರಕರಣದಲ್ಲಿ ನಾಟ್ ಔಟ್, ಈಗ ಔಟ್ ಯಾಕೆ..?
IPL 2026 : ಗುಜರಾತ್ ಟೈಟನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪಂದ್ಯದಲ್ಲಿ ರಜತ್ ಪಾಟಿದಾರ್ ಅವರ ವಿವಾದಾತ್ಮಕ ಕ್ಯಾಚ್ ಈಗ ಚರ್ಚೆಯ ಕೇಂದ್ರಬಿಂದುವಾಗಿದೆ. ಬೌಂಡರಿ ಬಳಿ ಜೇಸನ್ ಹೋಲ್ಡರ್ ಹಿಡಿದ ಕ್ಯಾಚ್ನಲ್ಲಿ ಚೆಂಡು ನೆಲಕ್ಕೆ ತಗುಲಿದಂತೆ ಕಂಡರೂ ತೃತೀಯ ಅಂಪೈರ್ ಔಟ್ ತೀರ್ಪು ನೀಡಿದ್ದು ಅಭಿಮಾನಿಗಳಲ್ಲಿ ಗೊಂದಲ ಮೂಡಿಸಿದೆ.
ಇದೇ ರೀತಿಯ ಘಟನೆ 2023ರ ಆಶಸ್ ಸರಣಿಯಲ್ಲಿ ನಡೆದಿದ್ದು, ಅಲ್ಲಿ ಮಿಚೆಲ್ ಸ್ಟಾರ್ಕ್ ಅವರು ಬೆನ್ ಡಕೆಟ್ ಅವರ ಕ್ಯಾಚ್ ಹಿಡಿದಾಗ ‘ಸಂಪೂರ್ಣ ನಿಯಂತ್ರಣ’ ಇರಲಿಲ್ಲ ಎಂಬ ಕಾರಣಕ್ಕೆ ನಾಟ್ ಔಟ್ ನೀಡಲಾಗಿತ್ತು. ಆದರೆ ಪಾಟಿದಾರ್ ಪ್ರಕರಣದಲ್ಲಿ ಅಂಪೈರ್ ನಿಯಂತ್ರಣ ಇದೆ ಎಂದು ಪರಿಗಣಿಸಿ ಔಟ್ ತೀರ್ಪು ನೀಡಿದ್ದಾರೆ.
MUST READ : ಧುರಂಧರ್ ಚಿತ್ರತಂಡಕ್ಕೆ ಹೈಕೋರ್ಟ್ ಬಿಗ್ ರಿಲೀಫ್
ಕ್ರಿಕೆಟ್ ನಿಯಮಗಳನ್ನು ರೂಪಿಸುವ ಮೆರಿಲಿಬೋನ್ ಕ್ರಿಕೆಟ್ ಕ್ಲಬ್ ಪ್ರಕಾರ ನಿಯಮ 33.2.1 ಅನ್ವಯ, ಫೀಲ್ಡರ್ ಚೆಂಡಿನ ಮೇಲೆ ಸಂಪೂರ್ಣ ನಿಯಂತ್ರಣ ಹೊಂದಿದ್ದರೆ ನಂತರ ನೆಲಕ್ಕೆ ತಗುಲಿದರೂ ಅದು ಔಟ್ ಆಗುತ್ತದೆ.
ಈ ನಿಯಮದ ಅರ್ಥೈಸುವಿಕೆಯಲ್ಲಿನ ವ್ಯತ್ಯಾಸವೇ ಈ ವಿವಾದಕ್ಕೆ ಕಾರಣವಾಗಿದೆ. ಸ್ಟಾರ್ಕ್ ಪ್ರಕರಣದಲ್ಲಿ ನಿಯಂತ್ರಣ ಇಲ್ಲ ಎಂದು ಅಂಪೈರ್ ನಿರ್ಧರಿಸಿದರೆ, ಪಾಟಿದಾರ್ ಪ್ರಕರಣದಲ್ಲಿ ನಿಯಂತ್ರಣ ಇದೆ ಎಂದು ತೀರ್ಪು ನೀಡಲಾಗಿದೆ.
ಆದ್ದರಿಂದ, ಈ ರೀತಿಯ ಸಂದರ್ಭಗಳಲ್ಲಿ ಅಂತಿಮ ನಿರ್ಧಾರ ಅಂಪೈರ್ನ ಜಡ್ಜ್ಮೆಂಟ್ ಮೇಲೆ ಅವಲಂಬಿತವಾಗಿದ್ದು, ಒಂದೇ ರೀತಿಯ ಕ್ಯಾಚ್ಗೆ ವಿಭಿನ್ನ ತೀರ್ಪುಗಳು ಬರುತ್ತಿರುವುದು ಅಭಿಮಾನಿಗಳಲ್ಲಿ ಪ್ರಶ್ನೆಗಳನ್ನು ಹುಟ್ಟಿಸಿದೆ.
MUST WATCH : ಭಾರೀ ಮಳೆಗೆ ತಿಪಟೂರಿನಲ್ಲಿ ಬೆಳೆ ಹಾನಿ – ಬೆಳೆ ನಾಶವಾದ ಸ್ಥಳಕ್ಕೆ DC VISIT | TIPTUR NEWS |
About the Author
