ಫೆಬ್ರವರಿ 13–15ರವರೆಗೆ ನಡೆಯುವ Hampi ಉತ್ಸವದಲ್ಲಿ ಮೊದಲ ಬಾರಿಗೆ 1,000 ಡ್ರೋನ್ಗಳ ಭವ್ಯ ಶೋ, ಹೆಲಿಕಾಪ್ಟರ್ ಸವಾರಿ ಸೇರಿದಂತೆ ವಿಶೇಷ ಕಾರ್ಯಕ್ರಮಗಳು…
ಐತಿಹಾಸಿಕ Hampi ಯಲ್ಲಿ ನಾಳೆಯಿಂದ ಆರಂಭವಾಗಲಿರುವ ವಿಶ್ವಪ್ರಸಿದ್ಧ ಹಂಪಿ ಉತ್ಸವ ಈ ಬಾರಿ ಪರಂಪರೆ ಮತ್ತು ಆಧುನಿಕ ತಂತ್ರಜ್ಞಾನದ ಮಿಶ್ರಣಕ್ಕೆ ಸಾಕ್ಷಿಯಾಗಲಿದೆ. ವಿಶೇಷವಾಗಿ, ಮೊದಲ ಬಾರಿಗೆ ನಡೆಯಲಿರುವ ಭವ್ಯ ಡ್ರೋನ್ ಪ್ರದರ್ಶನ ಆಕಾಶವನ್ನು ಡಿಜಿಟಲ್ ಕ್ಯಾನ್ವಾಸ್ ಆಗಿ ರೂಪಿಸಲಿದೆ.
ಫೆಬ್ರವರಿ 13 ರಿಂದ 15ರವರೆಗೆ ನಡೆಯಲಿರುವ ಉತ್ಸವದಲ್ಲಿ ಭಾರತ ಸೇರಿದಂತೆ ವಿದೇಶಗಳಿಂದಲೂ ಲಕ್ಷಾಂತರ ಪ್ರವಾಸಿಗರು ಆಗಮಿಸುವ ನಿರೀಕ್ಷೆ ಇದೆ. ಐತಿಹಾಸಿಕ ನಗರ ಹಂಪಿ ಮೂರು ದಿನಗಳ ಕಾಲ ಸಂಭ್ರಮದ ವಾತಾವರಣದಲ್ಲಿ ಮುಳುಗಲಿದೆ.
1,000 ಡ್ರೋನ್ಗಳ ಹೈಟೆಕ್ ವೈಮಾನಿಕ ಪ್ರದರ್ಶನ
ಈ ವರ್ಷದ ಪ್ರಮುಖ ಆಕರ್ಷಣೆ ಎಂದರೆ ಸುಮಾರು 1,000 ಡ್ರೋನ್ಗಳ ಅದ್ಭುತ ವೈಮಾನಿಕ ಪ್ರದರ್ಶನ. ಗಾಯತ್ರಿ ಪೀಠ ವೇದಿಕೆಯ ಬಳಿ ನಡೆಯಲಿರುವ ಈ ಶೋದಲ್ಲಿ ವಿಜಯನಗರ ಸಾಮ್ರಾಜ್ಯದ ಉದಯ, ಸುವರ್ಣ ಯುಗ ಹಾಗೂ ಯುದ್ಧ–ರಾಜತಾಂತ್ರಿಕತೆಯ ಪ್ರಮುಖ ಕ್ಷಣಗಳನ್ನು ದೃಶ್ಯರೂಪದಲ್ಲಿ ಪ್ರದರ್ಶಿಸಲಾಗುತ್ತದೆ.
ಇದನ್ನೂ ಓದಿ : ಜನ್ಮ ಕೊಟ್ಟ ತಂದೆ ತಾಯಿಯನ್ನೇ ಕೊಂದ ಪಾಪಿ ಮಗ.!
ಹಂಪಿಯ ಪ್ರಸಿದ್ಧ ಸ್ಮಾರಕಗಳ ಡಿಜಿಟಲ್ ರೂಪ
ಡ್ರೋನ್ ಪ್ರದರ್ಶನದಲ್ಲಿ ಹಂಪಿಯ ಪ್ರಮುಖ ಸ್ಮಾರಕಗಳು ಕಾಣಿಸಿಕೊಳ್ಳಲಿವೆ:
ಕಲ್ಲಿನ ರಥ , ವಿರೂಪಾಕ್ಷ ದೇವಾಲಯ ಗೋಪುರ , ಉಗ್ರ ನರಸಿಂಹ ಪ್ರತಿಮೆ , ಕಡ್ಲೇಕಾಳು ಗಣೇಶ & ಸಾಸಿವೇಕಾಳು ಗಣೇಶ , ಕಮಲ ಮಹಲ್ & ರಾಣಿಯ ಸ್ನಾನಗೃಹ , ಮಹಾನವಮಿ ದಿಬ್ಬ , ವಿಜಯ ವಿಠಲ ದೇವಾಲಯ.
ಉತ್ಸವದ ವೇಳೆ ಹಗಲಿನಲ್ಲಿ ಹೆಲಿಕಾಪ್ಟರ್ ಸವಾರಿಗಳೂ ಇರಲಿವೆ. ಈ ವರ್ಷ 10 ಲಕ್ಷಕ್ಕೂ ಹೆಚ್ಚು ಪ್ರವಾಸಿಗರು ಆಗಮಿಸುವ ನಿರೀಕ್ಷೆಯಿದೆ ಎಂದು ವಿಜಯನಗರ ಜಿಲ್ಲಾ ಉಸ್ತುವಾರಿ ಸಚಿವ ಜಮೀರ್ ಅಹ್ಮದ್ ಖಾನ್ ತಿಳಿಸಿದ್ದಾರೆ. ಕಾರ್ಯಕ್ರಮ ಯಶಸ್ವಿಗೊಳಿಸಲು ಜಿಲ್ಲಾ ಮಟ್ಟದ ಅಧಿಕಾರಿಗಳು ಸಜ್ಜಾಗಿದ್ದಾರೆ.
About the Author
