ಕೇಂದ್ರ ಸರ್ಕಾರದ ಹೊಸ ಜಿಎಸ್ಟಿ ಪರಿಷ್ಕರಣೆ ಸೆಪ್ಟೆಂಬರ್ 22ರಿಂದ ಜಾರಿಗೆ ಬಂದಿದೆ. ಈ ಹೊಸ ತೆರಿಗೆ ಕಡಿತವು ಆಟೋಮೊಬೈಲ್ ಕ್ಷೇತ್ರಕ್ಕೆ ದೊಡ್ಡ ಉತ್ತೇಜನ ನೀಡಿದ್ದು, ಮೊದಲ ದಿನವೇ ದಾಖಲೆ ಮಟ್ಟದಲ್ಲಿ ಕಾರು ಮಾರಾಟ ಕಂಡುಬಂದಿದೆ. ಸಣ್ಣ ಕಾರುಗಳ ಮೇಲೆ ಜಿಎಸ್ಟಿ ದರವು 28% ರಿಂದ 18%ಕ್ಕೆ ಇಳಿಸಲಾಗಿದೆ. ಇದರಿಂದ 1200 ಸಿಸಿ ವರೆಗೆ ಎಂಜಿನ್ ಸಾಮರ್ಥ್ಯದ ಕಾರುಗಳ ಬೆಲೆ ₹40,000 ರಿಂದ ₹1.2 ಲಕ್ಷದವರೆಗೆ ಕುಸಿತ ಕಂಡುಬಂದಿದೆ.
ದೇಶದ ಅತಿ ಜನಪ್ರಿಯ ಕಾರು ತಯಾರಕ ಮಾರುತಿ ಸುಜುಕಿ, ನವೆಂಬರ್ ಮೊದಲ ದಿನ 25,000 ಯುನಿಟ್ಗಳನ್ನು ಮಾರಾಟ ಮಾಡಿದ್ದು, ದಿನದ ಅಂತ್ಯಕ್ಕೆ 30,000 ವಾಹನಗಳನ್ನು ಮಾರಾಟ ಮಾಡಿದೆ. Alto K10, Swift, Dzire, Brezza ಮಾದರಿಗಳ ಬೆಲೆ ಕಡಿತಗೊಂಡಿದ್ದು, ಶೋರೂಂಗಳಲ್ಲಿ ಗ್ರಾಹಕರ ಹೆಚ್ಚು ಜನಸ್ತೋಮವಾಗಿದೆ.
ಹುಂಡೈ ಕಂಪನಿ ಮೊದಲ ದಿನ 11,000 ವಾಹನಗಳ ಮಾರಾಟ ದಾಖಲಿಸಿದೆ. Creta, Venue ಮುಂತಾದ ಮಾದರಿಗಳ ಬೆಲೆ ಇಳಿಕೆ ಗ್ರಾಹಕರಿಗೆ ಉನ್ನತ ಮಟ್ಟದ ವಾಹನಗಳನ್ನು ಖರೀದಿಸಲು ಪ್ರೇರಣೆಯಾಗುತ್ತಿದೆ.ಕಾರ್ಸ್24 ಆನ್ಲೈನ್ ವೇದಿಕೆಯು ನವೆಂಬರ್ ಮೊದಲ ದಿನ 400% ಹೆಚ್ಚಳ ಕಂಡಿದೆ. ದೆಹಲಿ-ಎನ್ಸಿಆರ್, ಅಹಮದಾಬಾದ್, ಬೆಂಗಳೂರು, ಪುಣೆ ಮತ್ತು ಮುಂಬೈ ಮುಖ್ಯ ಹಾಟ್ ಸ್ಪಾಟ್ಗಳು.
ಸಿಯಾಮ್ ಮತ್ತು FADA ಅಭಿಪ್ರಾಯದಂತೆ, ಜಿಎಸ್ಟಿ ಕಡಿತವು ಗ್ರಾಹಕರ ಉತ್ಸಾಹವನ್ನು ಹೆಚ್ಚಿಸಿ, ಆಟೋಮೊಬೈಲ್ ವಲಯಕ್ಕೆ ಭರ್ಜರಿ ಉತ್ತೇಜನ ನೀಡಿದೆ. ಹೋಂಡಾ ಕಾರ್ಸ್, ಟಾಟಾ, ಕಿಯಾ, ಮಹಿಂದ್ರಾ ಸೇರಿದಂತೆ ಪ್ರಮುಖ ಕಂಪನಿಗಳು ಗ್ರಾಹಕರಿಗೆ ಲಾಭ ನೀಡುವಂತೆ ಬೆಲೆ ಕಡಿತ ಘೋಷಿಸಿದ್ದಾರೆ.ಈ ಜಿಎಸ್ಟಿ ಸುಧಾರಣೆ ಸಣ್ಣ ಕಾರುಗಳು, ಕಾಂಪ್ಯಾಕ್ಟ್ SUVಗಳು ಮತ್ತು ಎಲೆಕ್ಟ್ರಿಕ್ ವಾಹನಗಳಿಗೆ ವಿಶೇಷ ಪ್ರಯೋಜನ ನೀಡುತ್ತಿದೆ. ಹಬ್ಬದ ಋತುವಿನಲ್ಲಿ ಗ್ರಾಹಕರು ಉಳಿತಾಯ ಮಾಡುವ ಉತ್ತಮ ಅವಕಾಶವಿದೆ.
About the Author
