Bangalore ರಾಮಮೂರ್ತಿ ನಗರದಲ್ಲಿ (Ramamurthy Nagar) ನಡೆದಿದ್ದ ಬೆಂಕಿ ಅವಘಡದಲ್ಲಿ ಮಹಿಳಾ ಟೆಕ್ಕಿ ಉಸಿರುಗಟ್ಟಿ ಸಾವನ್ನಪ್ಪಿದ್ದ ಪ್ರಕರಣಕ್ಕೆ ಇದೀಗ ಮಹತ್ವದ ತಿರುವು ಸಿಕ್ಕಿದೆ.
Bangalore : ಆರಂಭದಲ್ಲಿ ಅಪಘಾತ ಎಂದು ದಾಖಲಿಸಲಾಗಿದ್ದ ಈ ಪ್ರಕರಣ, ಶರ್ಮಿಳಾ ಮೊಬೈಲ್ ಫೋನ್ ನೀಡಿದ ಸುಳಿವಿನಿಂದ ಕೊಲೆ ಪ್ರಕರಣ ಎಂದು ಬಹಿರಂಗವಾಗಿದೆ.
ಮೂಲತಃ ಮಂಗಳೂರಿನವರಾದ ಶರ್ಮಿಳಾ, ಸುಮಾರು ಒಂದು ವರ್ಷದ ಹಿಂದೆ ಬೆಂಗಳೂರಿಗೆ ಬಂದು ಅಕ್ಸೆಂಚರ್ ಸಾಫ್ಟ್ವೇರ್ ಕಂಪನಿಯಲ್ಲಿ ಎಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು. ಅವರು ರಾಮಮೂರ್ತಿ ನಗರದಲ್ಲಿರುವ ಅಪಾರ್ಟ್ಮೆಂಟ್ನಲ್ಲಿ ವಾಸವಿದ್ದರು..
ಮೊದಲು UDR, ಬಳಿಕ ಕೊಲೆ ಪ್ರಕರಣ
ಘಟನೆ ಬಳಿಕ ರಾಮಮೂರ್ತಿ ನಗರ ಪೊಲೀಸ್ ಠಾಣೆಯಲ್ಲಿ UDR (ಅಸ್ವಾಭಾವಿಕ ಸಾವು) ಪ್ರಕರಣ ದಾಖಲಾಗಿತ್ತು. ಆರಂಭದಲ್ಲಿ ಪೊಲೀಸರಿಗೆ ಕೊಲೆ ಎಂಬ ಅನುಮಾನವೇ ಇರಲಿಲ್ಲ.
ಆದರೆ, ಶರ್ಮಿಳಾ ಮೃತಪಟ್ಟ ಮೂರು ದಿನಗಳ ಬಳಿಕ ಅವರ ಮೊಬೈಲ್ ಫೋನ್ ಆನ್ ಆಗಿದ್ದು, ಪೊಲೀಸರಲ್ಲಿ ಅನುಮಾನ ಹುಟ್ಟಿಸಿದೆ.
ಮೊಬೈಲ್ ಟವರ್ ಲೊಕೇಷನ್ ನೀಡಿದ ದೊಡ್ಡ ಸುಳಿವು
ಶರ್ಮಿಳಾ ಮೊಬೈಲ್ ಆನ್ ಆಗುತ್ತಿದ್ದಂತೆ ಪೊಲೀಸರು ಟವರ್ ಲೊಕೇಷನ್ ಪರಿಶೀಲನೆ ನಡೆಸಿದರು. ಅಚ್ಚರಿಯ ಸಂಗತಿ ಎಂದರೆ, ಲೊಕೇಷನ್ ಶರ್ಮಿಳಾ ವಾಸವಿದ್ದ ಫ್ಲಾಟ್ನ ಪಕ್ಕದ ಮನೆಯನ್ನೇ ತೋರಿಸಿತು.
ಈ ಸುಳಿವಿನ ಆಧಾರದಲ್ಲಿ ಪೊಲೀಸರು ತಕ್ಷಣ ಆರೋಪಿ ಕರ್ನಲ್ ಕುರಯ್ನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದರು. ವಿಚಾರಣೆ ವೇಳೆ ಆತ ಕೊಲೆಯ ಸತ್ಯವನ್ನು ಒಪ್ಪಿಕೊಂಡಿದ್ದಾನೆ.
ಜನವರಿ 3ರ ರಾತ್ರಿ ಈ ಘಟನೆ ನಡೆದಿದ್ದು, ಎರಡು ದಿನಗಳ ಬಳಿಕ ಜನವರಿ 5ರಂದು ಪ್ರಕರಣ ಬೆಳಕಿಗೆ ಬಂದಿದೆ. ರಾತ್ರಿ ಸುಮಾರು 10.30ರ ವೇಳೆಗೆ ಶರ್ಮಿಳಾ ವಾಸಿಸುತ್ತಿದ್ದ ರೂಮ್ನಲ್ಲಿ ಬೆಂಕಿ ಹೊತ್ತಿಕೊಂಡು ಹೊಗೆ ಆವರಿಸಿತ್ತು.
ಇದನ್ನು ಗಮನಿಸಿದ ಮನೆ ಮಾಲೀಕ ವಿಜಯೇಂದ್ರ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಸ್ಥಳಕ್ಕೆ ಬಂದ ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ.
ಆರೋಪಿ ಕೇರಳ ಮೂಲದ 18 ವರ್ಷದ ಕರ್ನಲ್ ಕುರಯ್, ವಿಜ್ಞಾನ ವಿದ್ಯಾರ್ಥಿ. ಶರ್ಮಿಳಾ ಮತ್ತು ಆರೋಪಿ ಅಕ್ಕಪಕ್ಕದ ಮನೆಯವರು.
ಶರ್ಮಿಳಾಗಿಂತ ಆರೋಪಿ 16 ವರ್ಷ ಚಿಕ್ಕವನು.
ಶರ್ಮಿಳಾ ಸಾಮಾನ್ಯವಾಗಿ ನಗುಮುಖದಿಂದ ಮಾತನಾಡುತ್ತಿದ್ದುದನ್ನೇ ಪ್ರೀತಿ ಎಂದು ತಪ್ಪಾಗಿ ಅರ್ಥ ಮಾಡಿಕೊಂಡ ಆರೋಪಿ, ಆಕೆಯ ಮೇಲೆ ಏಕಪಕ್ಷೀಯ ಪ್ರೀತಿ ಬೆಳೆಸಿಕೊಂಡಿದ್ದ.
ಟೆರೇಸ್ ಮೂಲಕ ಎಂಟ್ರಿ – ಭೀಕರ ಕೊಲೆ
ಘಟನೆಯ ದಿನ ರಾತ್ರಿ, ಆರೋಪಿ ಟೆರೇಸ್ ಮೂಲಕ ಶರ್ಮಿಳಾ ಫ್ಲಾಟ್ಗೆ ನುಗ್ಗಿದ್ದಾನೆ. ಒಳಗೆ ಪ್ರವೇಶಿಸಿದ ಕೂಡಲೇ ಅನುಚಿತ ವರ್ತನೆ ತೋರಿದ್ದಾನೆ.
ಗಾಬರಿಗೊಂಡ ಶರ್ಮಿಳಾ ಆತನನ್ನು ತಳ್ಳಿ ಕಿರುಚಿದಾಗ, ಕೋಪಗೊಂಡ ಆರೋಪಿ ಹಲ್ಲೆ ನಡೆಸಿ, ತಲೆದಿಂಬಿನಿಂದ ಉಸಿರುಗಟ್ಟಿಸಿ ಕೊಲೆ ಮಾಡಿದ್ದಾನೆ.
ಸಾಕ್ಷ್ಯ ಉಳಿಯಬಾರದೆಂಬ ಉದ್ದೇಶದಿಂದ ಆರೋಪಿ ಕೊಲೆಗೆ ಬಳಸಿದ ದಿಂಬು, ಬೆಡ್ಶೀಟ್ ಸೇರಿದಂತೆ ಎಲ್ಲ ವಸ್ತುಗಳನ್ನು ರೂಮ್ನಲ್ಲೇ ಹಾಕಿ ಬೆಂಕಿ ಹಚ್ಚಿದ್ದಾನೆ. ಬಳಿಕ ಶರ್ಮಿಳಾ ಪ್ರಕರಣದಿಂದ ತಪ್ಪಿಸಿಕೊಳ್ಳಬಹುದು ಎಂದುಕೊಂಡು ಸ್ಥಳದಿಂದ ಪರಾರಿಯಾಗಿದ್ದಾನೆ.
ಎಲ್ಲವನ್ನೂ ರೂಮ್ನಲ್ಲೇ ಹಾಕಿ ಬೆಂಕಿ ಹಚ್ಚಿದ್ದಾನೆ. ಬಳಿಕ ಶರ್ಮಿಳಾ ಮೊಬೈಲ್ ತೆಗೆದುಕೊಂಡು, “ನಾನು ಸಿಕ್ಕಿಬೀಳಲ್ಲ” ಎಂದುಕೊಂಡು ಪರಾರಿಯಾಗಿದ್ದ.
ಮೂರು ದಿನಗಳ ಬಳಿಕ ಮಾಡಿದ ತಪ್ಪೇ ಬಂಧನಕ್ಕೆ ಕಾರಣ
ಘಟನೆಯ ಬಳಿಕ ಆರೋಪಿ ಯಾವುದೇ ಅನುಮಾನ ಮೂಡದಂತೆ ವರ್ತಿಸಿದ್ದ. ಸಿಸಿಟಿವಿ ಹಾಗೂ ಕಾಲ್ ಡೀಟೇಲ್ ಪರಿಶೀಲನೆಯಲ್ಲೂ ಮೊದಲಿಗೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ.
ಆದರೆ, ಮೂರು ದಿನಗಳ ಬಳಿಕ ಶರ್ಮಿಳಾ ಫೋನ್ಗೆ ತನ್ನ ಸಿಮ್ ಹಾಕಿ ಆನ್ ಮಾಡಿದ್ದೇ ದೊಡ್ಡ ತಪ್ಪಾಗಿದೆ.
ಮೊಬೈಲ್ ಲೊಕೇಷನ್ ಟ್ರೇಸ್ ಮಾಡಿದ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.
ಈ ಪ್ರಕರಣವು ಬೆಂಗಳೂರು ಟೆಕ್ಕಿ ಕೊಲೆ ಪ್ರಕರಣಗಳಲ್ಲಿ ಮತ್ತೊಂದು ಗಂಭೀರ ಘಟನೆಯಾಗಿ ಹೊರಹೊಮ್ಮಿದ್ದು, ಪೊಲೀಸರು ಮುಂದಿನ ತನಿಖೆ ಮುಂದುವರಿಸಿದ್ದಾರೆ.
About the Author
