Bengaluru Air Quality : ಬೆಂಗಳೂರಿನ ವಾಯು ಗುಣಮಟ್ಟ ಸೂಚ್ಯಂಕದ ಪ್ರಕಾರ ಇಂದಿನ ಗಾಳಿಯ ಗುಣಮಟ್ಟ 175 ಇದೆ.
Bengaluru Air Quality : ರಾಜಧಾನಿ ಬೆಂಗಳೂರಿನಲ್ಲಿ ಇಂದಿನ ವಾಯು ಗುಣಮಟ್ಟ ಸೂಚ್ಯಂಕ (AQI) 175ಕ್ಕೆ ದಾಖಲಾಗಿದ್ದು, ನಗರದಲ್ಲಿ ಅನಾರೋಗ್ಯಕರ ಮಟ್ಟದ ಗಾಳಿಯ ಗುಣಮಟ್ಟ ಮುಂದುವರಿದಿದೆ. ಇಂದಿನ ದಿನ PM2.5 ಪ್ರಮಾಣ 82 ಹಾಗೂ PM10 ಪ್ರಮಾಣ 108 ಆಗಿದ್ದು, ನಗರದೆಲ್ಲೆಡೆ ಕಳಪೆ ವಾಯು ಗುಣಮಟ್ಟ ಕಂಡುಬರುತ್ತಿದೆ.
ಆರೋಗ್ಯಕ್ಕೆ ಹಾನಿಕಾರಕ
ಕಳೆದ ಕೆಲವು ದಿನಗಳಿಗೆ ಹೋಲಿಸಿದರೆ ಸ್ವಲ್ಪ ಮಟ್ಟಿನ ಸುಧಾರಣೆ ಕಂಡುಬಂದಿದ್ದರೂ, ವಿಶ್ವ ಆರೋಗ್ಯ ಸಂಸ್ಥೆ (WHO) ನಿಗದಿಪಡಿಸಿರುವ ಮಾನದಂಡಗಳ ಪ್ರಕಾರ ಈ ಮಟ್ಟದ ವಾಯು ಗುಣಮಟ್ಟ ಮಾನವನ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.
ಅತ್ಯಂತ ಕಳಪೆ ಗಾಳಿಯುಳ್ಳ ಪ್ರದೇಶ
ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಕಲ್ಯಾಣ ನಗರ ಪ್ರದೇಶದಲ್ಲಿ AQI ಮಟ್ಟವು ನಿರಂತರವಾಗಿ 170ರ ಗಡಿಯನ್ನು ದಾಟುತ್ತಿದ್ದು, ಇದು ನಗರದಲ್ಲಿನ ಅತ್ಯಂತ ಕಳಪೆ ಗಾಳಿಯುಳ್ಳ ಪ್ರದೇಶಗಳ ಪೈಕಿ ಒಂದಾಗಿ ಗುರುತಿಸಲಾಗಿದೆ. ಸಿಲ್ಕ್ ಬೋರ್ಡ್ ಜಂಕ್ಷನ್ನಲ್ಲಿ ವಾಹನ ದಟ್ಟಣೆ ಹೆಚ್ಚಿರುವುದರಿಂದ ನೈಟ್ರೋಜನ್ ಡೈಆಕ್ಸೈಡ್ ಹಾಗೂ ಧೂಳಿನ ಕಣಗಳ ಪ್ರಮಾಣ ಹೆಚ್ಚಾಗಿ ದಾಖಲಾಗುತ್ತಿದೆ.
ಇದನ್ನು ಓದಿ : ಬಿಗ್ ಬಾಸ್ ಮನೆಯಿಂದ ಸ್ಪಂದನಾ ಔಟ್
ಹೊರಗೆ ಹೋಗುವಾಗ ಮಾಸ್ಕ್ ಧರಿಸುವುದು ಉತ್ತಮ
ಈ ವರ್ಷ ಮುಂದಿನ ದಿನಗಳಲ್ಲಿ ವಾಯು ಗುಣಮಟ್ಟ ಇನ್ನೂ ಹದಗೆಡುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಕೆ ನೀಡಿದ್ದು, ಸಾರ್ವಜನಿಕರು ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸಲಹೆ ನೀಡಿದ್ದಾರೆ. ವಿಶೇಷವಾಗಿ ಹೊರಗೆ ಹೋಗುವಾಗ ಮಾಸ್ಕ್ ಧರಿಸುವುದು, ಬೆಳಗ್ಗೆ ಮತ್ತು ಸಂಜೆ ಸಮಯದಲ್ಲಿ ಅನಗತ್ಯ ಓಡಾಟವನ್ನು ತಪ್ಪಿಸುವಂತೆ ಸೂಚಿಸಲಾಗಿದೆ.
ರಾಜ್ಯದ ಇತರ ನಗರಗಳ ಇಂದಿನ ವಾಯು ಗುಣಮಟ್ಟ (AQI)
- ಬೆಂಗಳೂರು – 175
- ಮಂಗಳೂರು – 170
- ಮೈಸೂರು – 151
- ಬೆಳಗಾವಿ – 168
- ಕಲಬುರ್ಗಿ – 90
- ಶಿವಮೊಗ್ಗ – 178
- ಬಳ್ಳಾರಿ – 189
- ಹುಬ್ಬಳ್ಳಿ – 159
- ಉಡುಪಿ – 166
- ವಿಜಯಪುರ – 99
ವಾಯು ಗುಣಮಟ್ಟದ ವರ್ಗೀಕರಣ
- ಉತ್ತಮ – 0–50
- ಮಧ್ಯಮ – 51–100
- ಕಳಪೆ – 101–150
- ಅನಾರೋಗ್ಯಕರ – 151–200
- ಗಂಭೀರ – 201–300
- ಅಪಾಯಕಾರಿ – 301–500+
ಇದನ್ನು ನೋಡಿ : ಅಕ್ರಮ ಕಾಂಪೌಂಡ್ ನಿರ್ಮಾಣ ಆರೋಪ YASH ತಾಯಿಗೆ ಕೋರ್ಟ್ ನಿಂದ ಶಾಕ್
About the Author
