ಶಿರಾ:

ಶಿರಾ ತಾಲೂಕು ಪಂಚಾಯತ್ ‌ಆಡಳಿತ ಇಂದು ನಗರದ ತಾಲೂಕು ಪಂಚಾಯತ್ ಕಚೇರಿ ಆವರಣದಲ್ಲಿ ಆರ್‌ ಡಿಪಿಆರ್ ಕ್ರೀಡಾಕೂಟವನ್ನು ಆಯೋಜಿಸಲಾಗಿತ್ತು, ರಾಜ್ಯ ಸರ್ಕಾರದ ದೆಹಲಿ ವಿಶೇಷ ಪ್ರತಿನಿಧಿ ಶಾಸಕ ಟಿ.ಬಿ.ಜಯಚಂದ್ರ ರವರು ಕಾರ್ಯಕ್ರಮಕ್ಕೆ ಚಾಲನೆಯನ್ನು ನೀಡಿದರು.

ನಿತ್ಯ ಕೆಲಸದಲ್ಲಿ  ಬ್ಯುಸಿಯಾಗಿರುತ್ತಿದ್ದ ಜಿಲ್ಲೆಯ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್  ಇಲಾಖೆಯ ಆರ್‌ಡಿಪಿಆರ್ ನೌಕರರ ಒತ್ತಡ ನಿವಾರಣೆ ಮತ್ತು ಹೊಸ ಚೈತನ್ಯ, ಹಾಗೂ ನೌಕರರಲ್ಲಿ ಹೊಸ ಹುರುಪನ್ನು ತುಂಬಲು ತಾಲೂಕು ಪಂಚಾಯಿತಿ ಹೊಸ ಹೆಜ್ಜೆ ಇಟ್ಟಿದೆ, ಇಲಾಖೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರು ಮಾನಸಿಕ ಸ್ಥಿಮಿತ ಕಾಯ್ದುಕೊಳ್ಳುವುದರ ಜತೆಗೆ ತಮ್ಮಲ್ಲಿರುವ ವಿವಿಧ ರೀತಿಯ ಕ್ರೀಡೆ ಮತ್ತು ಸಾಂಸ್ಕೃತಿಕ ಪ್ರತಿಭೆಗಳ ಅನಾವರಣಕ್ಕೆ ಈ ಕ್ರೀಡಾಕೂಟ ಸಾಕ್ಷಿಯಾಯಿತು.

ಆರ್‌ಡಿಪಿಆರ್ ಇಲಾಖೆಯ ಪುರುಷ ಮತ್ತು ಮಹಿಳೆಯರಿಗೆ ಅಥ್ಲೆಟಿಕ್ಸ್, ಹಗ್ಗಜಗ್ಗಾಟ ಸ್ಪರ್ಧೆಗಳನ್ನು ಆಯೋಜಿಸಿದ್ದರೆ,  ಪುರುಷರಿಗಾಗಿ ಕ್ರಿಕೆಟ್, ಕಬಡ್ಡಿ, ವಾಲಿಬಾಲ್ ಪಂದ್ಯಗಳನ್ನ ಏರ್ಪಡಿಸಲಾಗಿತ್ತು. ಇನ್ನು ಮಹಿಳೆಯರಿಗಾಗಿ ಥ್ರೋಬಾಲ್ ಏರ್ಪಡಿಸಲಾಗಿತ್ತು. ಕ್ರೀಡೆಯಲ್ಲಿ ಭಾಗವಹಿಸಿ ಗೆದ್ದವರಿಗೆ ಪ್ರಥಮ ಮತ್ತು ದ್ವಿತೀಯ ಸ್ಥಾನ ವಿಜೇತರಿಗೆ ಶಾಸಕ ಟಿ.ಬಿ. ಜಯಚಂದ್ರರವರು ಪ್ರಶಂಸನಾ ಪತ್ರ, ಟ್ರೋಫಿಗಳನ್ನು ನೀಡಿದರು.