KITCHEN: ಎಲ್ಲರು ಇಷ್ಟ ಪಡುವಂತಹ ಚಂಪಾಕಲಿಯನ್ನು ಮನೆಯಲ್ಲೇ ಸಿಂಪಲ್‌ ಆಗಿ ಮಾಡಿಕೊಳ್ಳಿ

ಸಿಹಿಯಾದ ಚಂಪಾಕಲಿ ಸ್ವೀಟ್ ಯಾವ ರೀತಿ ತಯಾರಿಸುವುದು ಎಂಬುದನ್ನು ತಿಳಿಯೋಣ.

ಬೇಕಾಗುವ ಸಾಮಗ್ರಿಗಳು:
ಹಾಲು – 1 ಲೀಟರ್
ನಿಂಬೆ ಹಣ್ಣು – ಅರ್ಧ
ಮೈದಾ ಹಿಟ್ಟು – 1 ಚಮಚ
ಸಕ್ಕರೆ – 1 ಕಪ್
ನೀರು – ಒಂದೂವರೆ ಕಪ್
ಸ್ವೀಟ್ ಖೋವ – ಸ್ವಲ್ಪ
ಚರಿ ಹಣ್ಣು – ಸ್ವಲ್ಪ
ಹಾಲಿನ ಪುಡಿ – ಸ್ವಲ್ಪ
ಏಲಕ್ಕಿ ಪುಡಿ – ಸ್ವಲ್ಪ
ಕೇಸರಿ – ಸ್ವಲ್ಪ

ಮಾಡುವ ವಿಧಾನ:

ಒಂದು ಲೀಟರ್ ಹಾಲನ್ನು ಚೆನ್ನಾಗಿ ಕಾಯಿಸಿ.ಅದಕ್ಕೆ ಅರ್ಧ ನಿಂಬೆ ಹಣ್ಣಿನ ರಸವನ್ನು ಸ್ವಲ್ಪ ಸ್ವಲ್ಪ ಹಾಕುತ್ತ ಹಾಲಿಗೆ ಕೈಯಾಡಿಸಿ. ಹಾಲು ಒಡೆಯುವವರೆಗೆ ಈ ರೀತಿ ಮಾಡಿ. ನೀರನ್ನು ಬೇರ್ಪಡಿಸಿ. ಕಾಟನ್ಬಟ್ಟೆಯಲ್ಲಿ ಸೋಸುವ ಮೂಲಕನೀರನ್ನು ಸಂಪೂರ್ಣವಾಗಿ ಬೇರ್ಪಡಿಸಿ.  ನಂತರ  ಒಂದು ಪಾತ್ರೆಯಲ್ಲಿ ನೀರನ್ನು ಬೇರ್ಪಿಸಿದ ಹಾಲಿನ ಪನೀರ್  ಮತ್ತು ಮೈದಾ ಹಿಟ್ಟನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ.

ನಂತರ ಸ್ವಲ್ಪ ನೀರು ಸೇರಿಸಿ ಮತ್ತು ಹಿಟ್ಟನ್ನು ಬೆರೆಸಿಕೊಳ್ಳಿ.ಬಳಿಕ ಹಿಟ್ಟನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಕೈಗಳ ಸಹಾಯದಿಂದಉಂಡೆ ಮಾಡಿಕೊಳ್ಳಿ.ಈಗ ಒಂದು ಬಾಣಲೆಯಲ್ಲಿ 4 ಕಪ್ ನೀರು ಮತ್ತು ಸಕ್ಕರೆಯನ್ನು ಒಟ್ಟಿಗೆ ಹಾಕಿ ಮತ್ತು ಕಡಿಮೆ  ಸುಮಾರು 10 ನಿಮಿಷಗಳ ಕಾಲ ಕುದಿಯಲು ಬಿಡಿ. ನಿಧಾನವಾಗಿ ಅದರ ಸಕ್ಕರೆ ಪಾಕ ಸಿದ್ಧವಾಗುತ್ತದೆ.

ನಿಧಾನವಾಗಿ ಉಂಡೆ ಮಾಡಿದ ಚಂಪಾಕಲಿಯನ್ನು ಸಕ್ಕರೆ ಪಾಕಕ್ಕೆ ಹಾಕಿ ಮತ್ತು 12 ರಿಂದ 15 ನಿಮಿಷಗಳ ಕಾಲ ಕಡಿಮೆ  ಉರಿಯಲ್ಲಿ ಬೇಯಲು ಬಿಡಿ. ಇದರ ನಂತರ,ಬೇಯಿಸಿದ ಚಂಪಾಕಲಿಯನ್ನು  ಪ್ಲೇಟ್‌ನಲ್ಲಿ ತೆಗೆದುಕೊಂಡು ಅದನ್ನು ತಣ್ಣಗಾಗಲು ಬಿಡಿ. ಬಳಿಕ ಹಿಸುಕಿದ ಖೋಯಾ, ಸಕ್ಕರೆ, ಹಾಲಿನ ಪುಡಿ, ಏಲಕ್ಕಿ ಪುಡಿ, ಮತ್ತು ಕೇಸರಿ ಹಾಲನ್ನು ಒಟ್ಟಿಗೆ  ಪ್ಯಾನ್‌ನಲ್ಲಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. 

ತಣ್ಣಗಾದ ಚಂಪಾಕಲಿಯ ಮಧ್ಯದಲ್ಲಿ ಚಾಕುವಿನಿಂದ ಕಟ್ ಮಾಡಿ, ನಂತರ ರೆಡಿ ಮಾಡಿದ ಮಿಶ್ರಣವನ್ನು ತುಂಬಿಸಿ. ನಂತರ ತಯಾರಾದ ಎಲ್ಲಾ ಚಂಪಾಕಲಿಯನ್ನು ಚರಿಯಿಂದ ಅಲಂಕರಿಸಿ. ಸಿಂಪಲ್‌ ಆದ ಟೇಸ್ಟಿಯಾದ ಚಂಪಾಕಲಿ ರೆಡಿ.