ಹಾವೇರಿ : ಹಾವೇರಿಯಲ್ಲಿ ಟ್ರಂಪ್ ಹೆಸರಿನಲ್ಲಿ ಕೋಟ್ಯಂತರ ರೂ. ವಂಚನೆ

ಹಾವೇರಿ : ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೆಸರನ್ನು ಬಳಸಿಕೊಂಡು ಸೈಬರ್ ಕಳ್ಳರು ಕೋಟ್ಯಂತರ ರೂಪಾಯಿಗಳ ವಂಚನೆ ನಡೆಸಿರುವ ಘಟನೆ ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಬೆಳಕಿಗೆ ಬಂದಿದೆ. ಈ ವಂಚನೆಗೆ ಶಿಕಾರಾದವರಲ್ಲಿ ಹಾವೇರಿ ಜಿಲ್ಲೆಯ 15ಕ್ಕೂ ಅಧಿಕ ನಾಗರಿಕರು ಸೇರಿದ್ದಾರೆ. ಬೆಂಗಳೂರು, ಮಂಗಳೂರು, ತುಮಕೂರು, ಹುಬ್ಬಳ್ಳಿ, ಧಾರವಾಡ, ಶಿವಮೊಗ್ಗ ಸೇರಿದಂತೆ ಹಲವೆಡೆ ಸೈಬರ್ ಕಳ್ಳರು ತಮ್ಮ ಕೈಚಳಕ ತೋರಿಸಿದ್ದು, ಸಾಮಾಜಿಕ ಜಾಲತಾಣಗಳ ಮೂಲಕ ಜನರನ್ನು ಬಲೆಗೆ ಎಳೆದಿದ್ದಾರೆ.

ಸೈಬರ್ ವಂಚಕರು ಟ್ರಂಪ್ ಚಿತ್ರವೊಂದನ್ನು ಬಳಸಿಕೊಂಡು 'ಚುರುಕಾಗಿ ಹಣ ಗಳಿಸುವ ಅವಕಾಶ' ಎಂಬ ಜಾಹೀರಾತನ್ನು ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಮೊದಲಾದ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿಬಿಟ್ಟಿದ್ದರು. ಜಾಹೀರಾತಿನಲ್ಲಿ ನೀಡಿದ್ದ ಲಿಂಕ್ ಅಥವಾ ನಂಬರಿಗೆ ಕರೆ ಮಾಡಿದರೆ, ವಿಶೇಷ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಸುವ ಮೂಲಕ ಹಣ ಹೂಡಿಕೆಯ ಆಮಿಷವನ್ನು ಒಡ್ಡಲಾಯಿತು.

ಆದ್ಯದಲ್ಲಿ "ಟ್ರಂಪ್ ಪ್ಲಾನ್" ಎಂದು ಹೆಸರಿಸಿದ್ದ ಈ ಯೋಜನೆಯಲ್ಲಿ ದುಪ್ಪಟ್ಟು ಹಣ ಮತ್ತು ಬಡ್ಡಿ ಹಣ ನೀಡುತ್ತೇವೆ ಎಂದು ಜನರನ್ನು ನಂಬಿಸಿದರು. ಕೆಲವರು ಮೊದಲ ಹಂತದಲ್ಲಿ ಸ್ವಲ್ಪ ಹಣ ಹಾಕಿದ ಮೇಲೆ ಎರಡು ಪಟ್ಟು ಹಣ ಪಡೆದರೂ, ಇದು ನಿಜ ಎನ್ನುವ ಭಾವನೆ ಬೆಳೆದಿತು. ಬಳಿಕ ಹೆಚ್ಚಿನ ಲಾಭದ ಆಸೆ ತೀವ್ರವಾಗಿ, ಜನರು ಲಕ್ಷಾಂತರ ರೂಪಾಯಿ ಹೂಡಿಕೆ ಮಾಡಲಾರಂಭಿಸಿದರು. ಆದರೆ ನಿರೀಕ್ಷೆಯ ವಿರುದ್ಧವಾಗಿ ಆ್ಯಪ್‌ನ್ನು ಸೈಬರ್ ಗ್ಯಾಂಗ್ ಲಾಕ್ ಮಾಡಿದ್ದು, ಎಲ್ಲ ಸಂಪರ್ಕಗಳು ತಡೆಗಟ್ಟಲಾಗಿದೆ. ಇದರಿಂದಾಗಿ ವಂಚನೆ ನಡೆದಿರುವುದು ಸ್ಪಷ್ಟವಾಗಿದೆ.

ವ್ಯಾಪಾರಸ್ಥರು, ವಕೀಲರು, ವಿದ್ಯಾರ್ಥಿಗಳು, ಸರ್ಕಾರಿ ನೌಕರರು ಸೇರಿದಂತೆ ಹಲವರಿಗೆ ಸೈಬರ್ ವಂಚಕರು ವಂಚಿಸಿದ್ದಾರೆ. ಕೆಲವು ದೂರು ಕೊಡಲು ಕೂಡ ಹಿಂದೇಟು ಹಾಕಿದ್ದಾರೆ..ಸೈಬರ್ ಕ್ರೈಂ ಪೊಲೀಸರ ಪ್ರಕಾರ, ಈ ರೀತಿಯ ಜಾಲತಾಣ ಜಾಹೀರಾತುಗಳು ಬಹುಶಃ ವಿದೇಶದಲ್ಲಿಯೇ ನಿರ್ವಹಿತವಾಗುತ್ತಿದ್ದು, ಸಾರ್ವಜನಿಕರು ಯಾವುದೇ ಹಣಕಾಸು ಆಫರ್‌ಗಳ ಮೇಲೆ ತಕ್ಷಣವಾಗಿ ನಂಬಿಕೆ ಇಡಬಾರದು ಎಂದು ಎಚ್ಚರಿಸಿದ್ದಾರೆ.