ದಾಳಿಂಬೆ, ಹಣ್ಣುಗಳ ಸ್ವರ್ಗ ಅಂತಲೇ ಅದನ್ನು ಕರೆಯುತ್ತಾರೆ. ಚೆಲುವೆಯರ ನಗೆಗೆ ಆ ದಾಳಿಂಬೆ ಹಣ್ಣಿನ ಕಾಳುಗಳನ್ನು ಹೋಲಿಸುತ್ತಾರೆ. ದಾಳಿಂಬೆ ಹಣ್ಣು, ಸೇಬುವಿನ ಹಾಗೆಯೇ ಎಲ್ಲರಿಗೂ ಪ್ರಿಯವಾದ ಹಣ್ಣು. ಈ ಹಣ್ಣು ಆರೋಗ್ಯ ದೃಷ್ಟಿಯಿಂದಲೂ ಕೂಡ ಅಷ್ಟೇ ಮಹತ್ವ ಪಡೆದುಕೊಂಡಿದೆ. ಈ ಹಣ್ಣಿನೊಳಗಡೆ ಅಡಗಿರುವ ಒಂದೊಂದು ಕೆಂಪು ಮುತ್ತುಗಳು ಆರೋಗ್ಯಕ್ಕೆ ಹಲವು ಕೊಡುಗೆಗಳನ್ನು ನೀಡುತ್ತವೆ. ಇದನ್ನು ಬೆರಿಽ ಹಣ್ಣಿನ ಜೊತೆ ಕೂಡ ಹೋಲಿಕೆ ಮಾಡುತ್ತಾರೆ. ಪ್ರೀತಿಯಿಂದ ತಿನ್ನುವ ಈ ಬೀಜಗಳನ್ನು ಪಾಕಶಾಲೆಯಲ್ಲಿ ಅನೇಕ ಖಾದ್ಯಗಳ ತಯಾರಿಕೆಗೆ ಬಳಸುತ್ತಾರೆ.ಪ್ರತಿದಿನ ಒಂದು ಬಟ್ಟಲು ದಾಳಿಂಬೆಯನ್ನು ತಿನ್ನುವುದರಿಂದ ರೋಗಗಳ ವಿರುದ್ಧ ಹೋರಾಡಲು ದೇಹದ ರಕ್ಷಣೆಯನ್ನು ಸುಧಾರಿಸುತ್ತದೆ ಮತ್ತು ನಿಮ್ಮನ್ನು ಸದೃಢವಾಗಿ ಇರಿಸುತ್ತದೆ.
ಪ್ರತಿದಿನ ದಾಳಿಂಬೆ ತಿನ್ನುವುದರಿಂದ ಸಿಗುವ ಪ್ರಯೋಜನಗಳು
*ರಕ್ತದೊತ್ತಡ ನಿರ್ವಹಣೆ
ಏರಿಳಿತದ ರಕ್ತದೊತ್ತಡ ಮತ್ತು ಅಧಿಕ ರಕ್ತದೊತ್ತಡವನ್ನು ನೀವು ಎದುರಿಸುತ್ತಿದ್ದರೆ, ದಾಳಿಂಬೆ ಈ ಸಮಸ್ಯೆ ಪರಿಹರಿಸಲು ಸಹಾಯ ಮಾಡುತ್ತದೆ. ದಾಳಿಂಬೆ ರಸವು ಸಂಕೋಚನದ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆಗಳು ತಿಳಿಸುತ್ತವೆ. ಹೀಗಾಗಿ ರಕ್ತದೊತ್ತಡ ಇರುವವರಿಗೆ ಇದು ಉತ್ತಮ ಆಹಾರವಾಗಿದೆ.
*ಸೋಂಕಿನ ವಿರುದ್ಧ ಹೋರಾಡುತ್ತದೆ
ಇಮ್ಯುನಿಟಿ ಪವರ್‌ ಕಡಿಮೆ ಇದ್ರೆ ಇಲ್ಲಾ ಈಗಷ್ಟೇ ರೋಗದಿಂದ ಚೇತರಿಸಿಕೊಳ್ಳುತ್ತಿದ್ದೇನೆ ಎನ್ನುವವರು ದಾಳಿಂಬೆ ಸೇವಿಸಲು ಮರೆಯಬೇಡಿ. ಇದು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಆ್ಯಂಟಿಫಂಗಲ್ ಗುಣಲಕ್ಷಣಗಳನ್ನು ಹೊಂದಿದ್ದು, ಸೋಂಕನ್ನು ನಿವಾರಿಸುತ್ತದೆ.
*ವ್ಯಾಯಾಮ ಮಾಡುವವರಿಗೆ ಮತ್ತಷ್ಟು ಶಕ್ತಿ
ನಿತ್ಯ ಒಂದು ಬಟ್ಟಲು ದಾಳಿಂಬೆ ಹಣ್ಣಿನ ಕಾಳುಗಳನ್ನು ತಿನ್ನವುದರಿಂದ ಅನೇಕ ಲಾಭಗಳಲ್ಲಿ ಮತ್ತೊಂದು ಲಾಭ ಎಂದರೆ, ನಿತ್ಯ ಕಸರತ್ತು ಮಾಡುವವರಿಗೆ ಇದು ಬಹಳ ಸಹಾಯಕಾರಿ. ಈ ಹಣ್ಣು ತಿನ್ನುವುದರಿಂದ ದೇಹದಲ್ಲಿ ರಕ್ತ ಪೂರೈಕೆ ಸರಳವಾಗುತ್ತದೆ. ವ್ಯಾಯಾಮ ಮಾಡುವವರ ಸ್ನಾಯುಗಳಿಗೆ ಹೆಚ್ಚು ಹೆಚ್ಚು ರಕ್ತ ಪೂರೈಸುವಲ್ಲಿ ಈ ಹಣ್ಣು ಸಹಾಯಕಾರಿ ಹೀಗಾಗಿ ಈ ಹಣ್ಣನ್ನು ಹೆಚ್ಚು ಹೆಚ್ಚು ಜಿಮ್ಗೆ ಹೋಗುವವರು ಸೇವಿಸುವುದು ಒಳ್ಳೆಯದು. ಈ ಹಣ್ಣಿನಲ್ಲಿ ಪೌಷ್ಠಿಕಾಂಶದ ಜೊತೆಗೆ ವಿಟಮಿನ್ ಸಿ ಮತ್ತು ಆ್ಯಂಟಿಆಕ್ಸಿಡೆಂಟ್ಸ್ಗಳು ಇವೆ. ಇವು ನಿಮ್ಮ ಸ್ನಾಯುಗಳನ್ನು ಮತ್ತಷ್ಟು ಬಲಿಷ್ಠಗೊಳಿಸುವಲ್ಲಿ ಸಹಾಯಕಾರಿ.
*ಕ್ಯಾನ್ಸರ್ ತಡೆಗಟ್ಟವುದು
ದಾಳಿಂಬೆ ಹಣ್ಣಿನಲ್ಲಿ ಪಾಲಿಫೆನಿಲ್ಸ್ ಎನ್ನುವ ಅಂಶವಿದೆ ಇದರಿಂದ ದೇಹದಲ್ಲಿ ಆ್ಯಂಟಿಆಕ್ಸಿಡಂಟ್, ಆ್ಯಂಟಿ ಇನ್ಫ್ಲೆಮೆಟರಿ ಆ್ಯಂಟಿ ಕಾರ್ಗಿನಾಜಿಕ್ನಂತಹ ಪರಿಣಾಮ ಬೀರುತ್ತದೆ. ಇವು ಲಂಗ್ಸ್ ಕ್ಯಾನ್ಸರ್ನಂತಹ ಕಾಯಿಲೆಗಳು ಬರದಂತೆ ತಡೆಗಟ್ಟುತ್ತವೆ. ಬ್ರೀಸ್ಟ್ ಕ್ಯಾನ್ಸರ್ಗಳ ವಿರುದ್ಧ ಕೆಮೊ ಪ್ರಿವೆಂಟ್ ಪ್ರಾಪರ್ಟಿಸ್ಗಳನ್ನು ಇವು ಬೆಳೆಸುತ್ತವೆ.
ಸುದ್ದಿ 
All Categories
