ಚಳಿಗಾಲದ ಮಧ್ಯೆ Chicken, Mutton ದರಗಳಲ್ಲಿ ಭಾರಿ ಏರಿಕೆ. ಮಟನ್ ₹900–₹1,000, ಚಿಕನ್ ₹280–₹300, ಮೊಟ್ಟೆ ₹7–₹8. ಹೆಚ್ಚಿದ ಬೇಡಿಕೆ, ಕಡಿಮೆ ಸಪ್ಲೈ ಕಾರಣ. ಮಾರುಕಟ್ಟೆ ನವೀಕರಣ ಮತ್ತು ನಾನ್ವೆಜ್ ಬೆಲೆ ವಿವರಗಳು ಇಲ್ಲಿ.
ಚಳಿಗಾಲದ ಮಧ್ಯೆ Chicken, Mutton, ಪ್ರಿಯರಿಗೆ ಭಾರಿ ಆಘಾತ ಎದುರಾಗಿದೆ. ದಿನನಿತ್ಯದ ಅಗತ್ಯ ವಸ್ತುಗಳ ಬೆಲೆ ಏರಿಕೆಯ ನಡುವೆ, ಚಿಕನ್, ಮಟನ್, ಮೊಟ್ಟೆ ದರಗಳು ಗಗನಕ್ಕೇರಿದ್ದು, ಸಾಮಾನ್ಯ ಜನರ ಜೇಬಿಗೆ ಭಾರೀ ಹೊಡೆತ ನೀಡಿವೆ.
ಅಪರೂಪಕ್ಕೆ ನಾನ್ವೆಜ್ ಊಟ ಮಾಡುವವರಿಗೂ ಈಗ ಬೆಲೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.
ಮಟನ್ ದರ ಸಾವಿರದ ಗಡಿ ದಾಟುವ ಹಂತದಲ್ಲಿ
ಪ್ರಸ್ತುತ ಮಾರುಕಟ್ಟೆಯಲ್ಲಿ ಒಂದು ಕೆಜಿ ಮಟನ್ಗೆ ₹900ರಿಂದ ₹1,000 ವರೆಗೆ ದರ ವಸೂಲಾಗುತ್ತಿದೆ. ಕೆಲ ವಾರಗಳ ಹಿಂದಿನ ಹೋಲಿಕೆಯಲ್ಲಿ ಇದು ಗಣನೀಯ ಏರಿಕೆಯಾಗಿದೆ.
ಚಿಕನ್, ಮೊಟ್ಟೆಗೂ ಬೆಲೆ ಬಿಸಿ
ಮಟನ್ ಮಾತ್ರವಲ್ಲ, ಚಿಕನ್ ಮತ್ತು ಮೊಟ್ಟೆ ದರದಲ್ಲೂ ಭಾರೀ ಹೆಚ್ಚಳ ಕಂಡುಬಂದಿದೆ. ವಿಶೇಷವಾಗಿ ಚಳಿಗಾಲದಲ್ಲಿ ಬೇಡಿಕೆ ಹೆಚ್ಚಾಗಿರುವುದರಿಂದ ದರ ಏರಿಕೆ ಮತ್ತಷ್ಟು ತೀವ್ರವಾಗಿದೆ.
ಈಗಿನ ಮತ್ತು ಹಿಂದಿನ ದರಗಳ ಹೋಲಿಕೆ
- ಮಟನ್ ದರ:
ಹಿಂದಿನದು – ಕೆ.ಜಿಗೆ ₹650–750
ಇತ್ತೀಚಿನದು – ಕೆ.ಜಿಗೆ ₹900–1,000 - ಚಿಕನ್ ದರ:
ಹಿಂದಿನದು – ಕೆ.ಜಿಗೆ ₹250
ಇತ್ತೀಚಿನದು – ಕೆ.ಜಿಗೆ ₹280–300 - ಮೊಟ್ಟೆ ದರ:
ಹಿಂದಿನದು – ಒಂದು ಮೊಟ್ಟೆಗೆ ₹5.50
ಇತ್ತೀಚಿನದು – ಒಂದು ಮೊಟ್ಟೆಗೆ ₹7 ರಿಂದ ₹8
ನಾನ್ವೆಜ್ ದರ ಏರಿಕೆಗೆ ಕಾರಣವೇನು?
ಮೊದಲು, ಚಳಿಗಾಲದಲ್ಲಿ ನಾನ್ವೆಜ್ ಸೇವಿಸುವವರ ಸಂಖ್ಯೆ ಹೆಚ್ಚಾಗುತ್ತದೆ. ಜೊತೆಗೆ ಕಾಲ್ ಸೂಪ್, ಬಿರಿಯಾನಿ ಸೇರಿದಂತೆ ಮಾಂಸಾಹಾರಗಳ ಬಳಕೆ ಹೆಚ್ಚಿರುವುದು ಬೇಡಿಕೆಯನ್ನು ಹೆಚ್ಚಿಸಿದೆ. ಆದರೆ ಅದಕ್ಕೆ ತಕ್ಕಷ್ಟು ಸಪ್ಲೈ ಲಭ್ಯವಿಲ್ಲ.
ಇನ್ನೊಂದೆಡೆ, ಈ ಕಾಲದಲ್ಲಿ ಮೇಕೆ ಮತ್ತು ಕುರಿಗಳ ಬೆಳವಣಿಗೆ ಕಡಿಮೆಯಾಗುವುದು,
ಪ್ರಾಣಿಗಳಲ್ಲಿ ರೋಗ ಹರಡುವ ಸಾಧ್ಯತೆ ಹೆಚ್ಚಿರುವುದು ಹಾಗೂ ಮಾರಾಟ ಪ್ರಮಾಣ ಇಳಿಕೆಯಾಗಿರುವುದರಿಂದ ಮಾರುಕಟ್ಟೆಗೆ ಮಾಂಸದ ಸರಬರಾಜು ಕುಸಿದಿದೆ. ಇದರ ಪರಿಣಾಮವಾಗಿ ದರಗಳು ಮತ್ತಷ್ಟು ಏರಿಕೆಯಾಗಿವೆ.
ಮುಂದಿನ ದಿನಗಳಲ್ಲಿ ಸಪ್ಲೈ ಸ್ಥಿತಿ ಸುಧಾರಿಸದಿದ್ದರೆ, ನಾನ್ವೆಜ್ ದರ ಇನ್ನಷ್ಟು ಏರಿಕೆಯಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಇದರಿಂದ ಮಾಂಸಪ್ರಿಯರು ತಾತ್ಕಾಲಿಕವಾಗಿ ವೆಜ್ ಆಹಾರಕ್ಕೆ ಮೊರೆ ಹೋಗುವ ಸ್ಥಿತಿ ನಿರ್ಮಾಣವಾಗುತ್ತಿದೆ.
About the Author
