VEERENDRA PUPPY : ಅಕ್ರಮ ಆನ್ಲೈನ್ ಹಾಗೂ ಆಫ್ಲೈನ್ ಬೆಟ್ಟಿಂಗ್ ಪ್ರಕರಣದಲ್ಲಿ ಬಂಧಿತರಾಗಿರುವ ಕೆ.ಸಿ. ವೀರೇಂದ್ರ ಪಪ್ಪಿ ವಿರುದ್ಧ ED ಅಧಿಕಾರಿಗಳ ಶೋಧ ಕಾರ್ಯ ಮತ್ತೆ ಚುರುಕುಗೊಂಡಿದೆ.
ಅಕ್ರಮ ಆನ್ಲೈನ್ ಹಾಗೂ ಆಫ್ಲೈನ್ ಬೆಟ್ಟಿಂಗ್ ಪ್ರಕರಣದಲ್ಲಿ ಬಂಧಿತರಾಗಿರುವ ಕಾಂಗ್ರೆಸ್ ಶಾಸಕ ಕೆ.ಸಿ. ವೀರೇಂದ್ರ ಪಪ್ಪಿ ವಿರುದ್ಧ ಇನ್ಫೋರ್ಸ್ಮೆಂಟ್ ಡಿರೆಕ್ಟೊರೆಟ್ (ED) ಅಧಿಕಾರಿಗಳ ಶೋಧ ಕಾರ್ಯ ಇಂದು (ಅ.9) ಮತ್ತೆ ಚುರುಕುಗೊಂಡಿದೆ.
ಚಳ್ಳಕೆರೆಯಲ್ಲಿ ಇಡಿ ಶೋಧ: ಬ್ಯಾಂಕ್ ಮೇಲೆ ಫೋಕಸ್
ಇಡಿ ತಂಡ ಚಳ್ಳಕೆರೆಯ ಫೆಡರಲ್ ಬ್ಯಾಂಕ್ನಲ್ಲಿ ಶೋಧ ನಡೆಸಿದ್ದು, ಅಲ್ಲದೆ ಪಟ್ಟಣದ ಇನ್ನಿತರ ಸ್ಥಳಗಳಲ್ಲಿಯೂ ತೀವ್ರ ತನಿಖೆ ನಡೆಸಿದೆ. ಶಾಸಕರ ಹಣಕಾಸು ವ್ಯವಹಾರಗಳಿಗೆ ಸಂಬಂಧಿಸಿದ ದಾಖಲೆಗಳನ್ನು ಪರಿಶೀಲಿಸುವಲ್ಲಿ ಇಡಿ ತೊಡಗಿದೆ.
2,000 ಕೋಟಿ ರೂ. ಲಾಭದ ಬೆಟ್ಟಿಂಗ್ ಚಟುವಟಿಕೆ ಬಹಿರಂಗ
ಆನ್ಲೈನ್ ಬೆಟ್ಟಿಂಗ್ ಮೂಲಕ ಅಲ್ಪಾವಧಿಯಲ್ಲಿ ಸುಮಾರು 2,000 ಕೋಟಿ ರೂ. ಲಾಭ ಗಳಿಸಿದ್ದಾರೆ ಎಂಬ ಮಾಹಿತಿ ಇಡಿ ತನಿಖೆಯ ವೇಳೆ ಬಹಿರಂಗವಾಗಿದ್ದು, ಇಡಿಗೆ ದಾಳಿ ಜೋರುಗೊಳಿಸಲು ಕಾರಣವಾಯಿತು.
ಇದನ್ನು ನೋಡಿ : ಶಾಸಕ ವೀರೇಂದ್ರ ಪಪ್ಪಿಗೆ ED ಶಾಕ್ ದಾಳಿ ವೇಳೆ ಮನೆಯಲ್ಲಿ ಏನೇನು ಸಿಕ್ತು?
ಮೂಲ ದಾಳಿ ಆಗಸ್ಟ್ 29ರಂದು: ಗೋವಾ, ಸಿಕ್ಕಿಂ, ಬೆಂಗಳೂರು ಸೇರಿ ಶೋಧ
ಅಗಸ್ಟ್ 29ರಂದು ಬೆಳಗಿನ ಜಾವ 5:30ರಿಂದ ಮಧ್ಯರಾತ್ರಿ 12:45ರವರೆಗೆ ಇಡಿ ಅಧಿಕಾರಿಗಳು ಶಾಸಕರ ಮನೆ, ಸಹೋದರರಾದ ತಿಪ್ಪೇಸ್ವಾಮಿ ಮತ್ತು ನಾಗರಾಜ್ ನಿವಾಸಗಳಲ್ಲಿ ಶೋಧ ನಡೆಸಿದ್ದರು.
ಶೋಧ ನಡೆದ ಸ್ಥಳಗಳು:
- ಗೋವಾದಲ್ಲಿ ನಡೆಯುತ್ತಿದ್ದ ಕ್ಯಾಸಿನೋ
- ಚಿತ್ರದುರ್ಗ, ಬೆಂಗಳೂರು ಮತ್ತು ಸಿಕ್ಕಿಂನಲ್ಲಿರುವ ನಿವಾಸಗಳು
ದಾಳಿಯಲ್ಲಿ ಸಿಕ್ಕಿದ ಮೌಲ್ಯವಂತ ವಸ್ತುಗಳು:
- ₹12 ಕೋಟಿ ನಗದು
- ₹1 ಕೋಟಿ ವಿದೇಶಿ ಕರೆನ್ಸಿ
- ₹6 ಕೋಟಿ ಮೌಲ್ಯದ ಚಿನ್ನಾಭರಣ
- 10 ಕೆಜಿ ಬೆಳ್ಳಿ
- 5 ಐಷಾರಾಮಿ ವಾಹನಗಳು
- 17 ಬ್ಯಾಂಕ್ ಅಕೌಂಟ್ಗಳು ಮತ್ತು 2 ಲಾಕರ್ಗಳು ಸೀಜ್
- 40.69 ಕೋಟಿ ರೂ. ಶಾಸಕರ ಖಾತೆಗಳಲ್ಲಿ ಪತ್ತೆ
- 262 ಮ್ಯೂಲ್ ಖಾತೆಗಳಲ್ಲಿ ₹14.46 ಕೋಟಿ ರೂ.
- ಒಟ್ಟು ₹55 ಕೋಟಿ ರೂ. ಹಣ ಫ್ರೀಜ್
ಇದನ್ನು ಓದಿ : Fire at residential school – 2ನೇ ತರಗತಿ ವಿದ್ಯಾರ್ಥಿ ಸಜೀವ ದಹನ
ವೀರೇಂದ್ರ ಪಪ್ಪಿ ಸದ್ಯ ನ್ಯಾಯಾಂಗ ಬಂಧನದಲ್ಲಿ
ಪ್ರಸ್ತುತ ಶಾಸಕ ವೀರೇಂದ್ರ ಪಪ್ಪಿ ನ್ಯಾಯಾಂಗ ಬಂಧನದಲ್ಲಿದ್ದು, ಇಡಿ ತನಿಖೆ ಮುಂದುವರಿದಿದೆ. ಈ ಪ್ರಕರಣವು ರಾಜ್ಯ ರಾಜಕೀಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದು, ಕಾಂಗ್ರೆಸ್ ಪಕ್ಷಕ್ಕೂ ಮುಜುಗರ ಉಂಟುಮಾಡಿದೆ.
About the Author
