ಅಂತೂ OTT ಗೆ ಬಂತು ‘ಧುರಂಧರ್’ ; ಇದೊಂದು ಕಾರಣಕ್ಕೆ ಅಭಿಮಾನಿಗಳು ಆಕ್ರೋಶ.
ಡಿಸೆಂಬರ್ 5ರಂದು ಬಿಡುಗಡೆಯಾಗಿ ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಯಶಸ್ಸು ಸಾಧಿಸಿದ್ದ ರಣವೀರ್ ಸಿಂಗ್ ಅಭಿನಯದ ‘ಧುರಂಧರ್’ ಸಿನಿಮಾ ಇದೀಗ OTT ಪ್ಲಾಟ್ಫಾರ್ಮ್ ನೆಟ್ಫ್ಲಿಕ್ಸ್ನಲ್ಲಿ ಸ್ಟ್ರೀಮಿಂಗ್ಗೆ ಲಭ್ಯವಾಗಿದೆ. ಜನವರಿ 30ರ ಮಧ್ಯರಾತ್ರಿ 12 ಗಂಟೆಗೆ ಹಿಂದಿ, ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಿದೆ.
1200 ಕೋಟಿ ಗೂ ಅಧಿಕ ಕಲೆಕ್ಷನ್
ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಬಳಿಕ ಸುಮಾರು 1200 ಕೋಟಿ ರೂ.ಗಳಿಗೂ ಅಧಿಕ ಕಲೆಕ್ಷನ್ ಮಾಡಿ ದಾಖಲೆ ಬರೆದಿದ್ದ ಈ ಸಿನಿಮಾ ಒಟಿಟಿಗೆ ಬಂದ ಕೂಡಲೇ ಅಭಿಮಾನಿಗಳು ವೀಕ್ಷಣೆ ಆರಂಭಿಸಿದ್ದಾರೆ. ಆದರೆ, ಆವೃತ್ತಿಯಲ್ಲಿ ಕೆಲವು ದೃಶ್ಯಗಳು ಹಾಗೂ ಸಂಭಾಷಣೆಗಳನ್ನು ತೆಗೆದು ಹಾಕಲಾಗಿದೆ ಎಂಬ ಆರೋಪಗಳು ಕೇಳಿಬಂದಿವೆ.
OTT ಆವೃತ್ತಿಯಲ್ಲಿ ಬದಲಾವಣೆ?
ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾದ ‘ಧುರಂಧರ್’ ಆವೃತ್ತಿ ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಂಡಿದ್ದ ಚಿತ್ರಕ್ಕಿಂತ ಸುಮಾರು 10 ನಿಮಿಷ ಕಡಿಮೆಯಾಗಿದೆ ಎಂದು ಅಭಿಮಾನಿಗಳು ಗಮನಿಸಿದ್ದಾರೆ.
ಕೆಲವು ಅಶ್ಲೀಲ ಪದಗಳನ್ನು ಒಳಗೊಂಡ ಸಂಭಾಷಣೆಗಳನ್ನು ಮ್ಯೂಟ್ ಮಾಡಲಾಗಿದೆ ಅಥವಾ ಕಟ್ ಮಾಡಲಾಗಿದೆ ಎಂಬುದೂ ಚರ್ಚೆಗೆ ಕಾರಣವಾಗಿದೆ.
ಗಮನಾರ್ಹವಾಗಿ, ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ‘ಧುರಂಧರ್’ ಸಿನಿಮಾ 3 ಗಂಟೆ 34 ನಿಮಿಷಗಳಷ್ಟು ಉದ್ದವಾಗಿತ್ತು. ಆದರೆ OTTಯಲ್ಲಿ ಬಿಡುಗಡೆಯಾದ ಆವೃತ್ತಿಯ ಅವಧಿ ಕೇವಲ 3 ಗಂಟೆ 25 ನಿಮಿಷಗಳಷ್ಟಿದೆ.
ಇದನ್ನು ಓದಿ : ರಾಷ್ಟ್ರೀಯ ಒಲಿಂಪಿಕ್ ಸಂಸ್ಥೆಯ ಅಧ್ಯಕ್ಷೆ ಪಿ.ಟಿ ಉಷಾ ಪತಿ Srinivasan ನಿಧನ
ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ರೋಶ
ನೆಟ್ಫ್ಲಿಕ್ಸ್ ತನ್ನ ಅಧಿಕೃತ X (ಟ್ವಿಟರ್) ಖಾತೆಯಲ್ಲಿ, ‘ಧುರಂಧರ್ – ಮಹಾಕಾವ್ಯದ ಸಾಹಸಗಾಥೆ. ಈಗ ನೆಟ್ಫ್ಲಿಕ್ಸ್ನಲ್ಲಿ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಸ್ಟ್ರೀಮಿಂಗ್’ ಎಂದು ಪೋಸ್ಟ್ ಮಾಡಿತ್ತು.
ಈ ಪೋಸ್ಟ್ಗೆ ಅಭಿಮಾನಿಗಳು ಮೊದಲಿಗೆ ಸಂತೋಷ ವ್ಯಕ್ತಪಡಿಸಿದರೂ, ಕೆಲವು ಗಂಟೆಗಳಲ್ಲೇ ಸೆನ್ಸಾರ್ ವಿಚಾರವಾಗಿ ಅಸಮಾಧಾನ ವ್ಯಕ್ತಪಡಿಸಿದರು.
ಒಬ್ಬ ಬಳಕೆದಾರ, ‘ನೆಟ್ಫ್ಲಿಕ್ಸ್ ಇಂಡಿಯಾ ಮೂಡ್ ಹಾಳುಮಾಡಿದೆ. ನಮಗೆ ಸೆನ್ಸಾರ್ ಮಾಡದ ಆವೃತ್ತಿ ಬೇಕು’ ಎಂದು ಬರೆದಿದ್ದಾರೆ. ಮತ್ತೊಬ್ಬರು, ‘ಅವರು 10 ನಿಮಿಷ ಕಟ್ ಮಾಡಿದ್ದಾರೆ’ ಎಂದು ಪ್ರತಿಕ್ರಿಯಿಸಿದ್ದಾರೆ.
ಇನ್ನೊಬ್ಬ ಬಳಕೆದಾರ, ‘ಇದು ಅನ್ಸೆನ್ಸರ್ಡ್ ಆವೃತ್ತಿಯಲ್ಲ’ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಬಾಕ್ಸ್ ಆಫೀಸ್ ಸಾಧನೆ
ಬಾಕ್ಸ್ ಆಫೀಸ್ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ಪ್ರಕಾರ, ‘ಧುರಂಧರ್’ ಸಿನಿಮಾ 56 ದಿನಗಳಲ್ಲಿ ಭಾರತದಲ್ಲಿ 835.83 ಕೋಟಿ ರೂ. ಗಳಿಸಿದೆ. ವಿಶ್ವಾದ್ಯಂತ ಚಿತ್ರದ ಒಟ್ಟು ಕಲೆಕ್ಷನ್ 1,344.74 ಕೋಟಿ ರೂ. ತಲುಪಿದೆ.
ಸುಮಾರು 250 ಕೋಟಿ ರೂ. ಬಜೆಟ್ನಲ್ಲಿ ನಿರ್ಮಾಣಗೊಂಡ ಈ ಸಿನಿಮಾ ಭಾರತದಲ್ಲಿ ಮಾತ್ರವೇ 1000 ಕೋಟಿ ರೂ. ಗಡಿ ದಾಟಿರುವುದು ವಿಶೇಷ.
OTT ಬಿಡುಗಡೆ ಬಳಿಕವೂ ‘ಧುರಂಧರ್’ ಸುತ್ತ ಚರ್ಚೆ ಮುಂದುವರೆದಿದ್ದು, ಅಭಿಮಾನಿಗಳು ಅನ್ಸೆನ್ಸರ್ಡ್ ಆವೃತ್ತಿ ಬಿಡುಗಡೆ ಮಾಡುವಂತೆ ಒತ್ತಾಯಿಸುತ್ತಿದ್ದಾರೆ.
ಇದನ್ನು ನೋಡಿ : TUMAKURU | ಸಿದ್ದಗಂಗಾ ಮಠಕ್ಕೆ ನೀರು ಬಂದ್- ಪ್ರಸಿದ್ಧ ಸ್ಥಳಕ್ಕೆ ಹೀಗಾದ್ರೆ ಹೇಗೆ..?
About the Author
