ಪ್ರಕೃತಿಯ ಅತಿ ದೈತ್ಯ ಪ್ರಾಣಿಗಳಲ್ಲಿ ಒಬ್ಬ ಘೇಂಡಾಮೃಗ (Rhino) ತನ್ನ ಉತ್ಸಾಹ, ಶಕ್ತಿಯೊಂದಿಗೆ ಕಾಡಿನಲ್ಲಿ ವಿಹರಿಸುತ್ತಾನೆ. ಆದರೆ ಅಕ್ರಮ ಬೇಟೆ, ನೈಸರ್ಗಿಕ ಆವಾಸಸ್ಥಾನ ನಾಶ ಮತ್ತು ಕಳ್ಳಸಾಗಣೆಗಳು ಈ ಜೈವಿಕ ವೈವಿಧ್ಯತೆಯ ಈ ಮಹತ್ವದ ಪ್ರಾಣಿಗಳನ್ನು ಅಳಿವಿನ ಅಂಚಿಗೆ ತಲುಪಿಸಿದ್ದವು. ವಿಶೇಷವಾಗಿ ಚೀನಾ, ವಿಯೆಟ್ನಾಂ, ಕೊರಿಯಾ ಮತ್ತು ಮಲೇಷ್ಯಾದಲ್ಲಿ ಘೇಂಡಾಮೃಗದ ಕೊಂಬುಗಳ ಮೇಲೆ ಹೆಚ್ಚಿನ ಬೇಡಿಕೆ ಇರುವುದರಿಂದ, ಪ್ರಾಣಿಗಳ ಸಂಖ್ಯೆ ತೀವ್ರವಾಗಿ ಕಡಿಮೆಯಾಗುತ್ತಿದೆ. ಇಂತಹ ಘೇಂಡಾಮೃಗಗಳ ರಕ್ಷಣೆ ಮತ್ತು ಅವರ ನೈಸರ್ಗಿಕ ಆವಾಸಸ್ಥಾನಗಳನ್ನು ಸಂರಕ್ಷಿಸುವ ಮಹತ್ವವನ್ನು ಜನರಲ್ಲಿ ಜಾಗೃತಿ ಮೂಡಿಸುವ ಉದ್ದೇಶದಿಂದ ಪ್ರತಿವರ್ಷ ಸೆಪ್ಟೆಂಬರ್ 22 ರಂದು ವಿಶ್ವ ಘೇಂಡಾಮೃಗ ದಿನವನ್ನು ಆಚರಿಸಲಾಗುತ್ತದೆ.
ಘೇಂಡಾಮೃಗ ದಿನದ ಇತಿಹಾಸ 2010ರಲ್ಲಿ ಪ್ರಾರಂಭವಾಯಿತು. ದಕ್ಷಿಣ ಆಫ್ರಿಕಾದಲ್ಲಿ ಆ ಸಮಯಕ್ಕೆ ಘೇಂಡಾಮೃಗಗಳ ಸಂಖ್ಯೆ ಕೇವಲ 30,000ಕ್ಕೆ ಇಳಿದಿದ್ದವು. ವಿಶ್ವ ವನ್ಯಜೀವಿ ನಿಧಿ (WWF) ಈ ದಿನವನ್ನು ಘೋಷಿಸಿ ಜಾಗೃತಿಯನ್ನು ಉಂಟುಮಾಡಿತು. 2011ರಲ್ಲಿ ಲಿಸಾ ಜೇನ್ ಕ್ಯಾಂಪ್ಬೆಲ್ ಮತ್ತು ರಿಶ್ಜಾ ಈ ಕಾರ್ಯಕ್ರಮವನ್ನು ಅಂತಾರಾಷ್ಟ್ರೀಯ ಮಟ್ಟಕ್ಕೆ ತರಿದರು. ಅದರ ನಂತರದಿಂದ ಪ್ರತಿವರ್ಷ ಸೆಪ್ಟೆಂಬರ್ 22ರಂದು ಜಾಗತಿಕವಾಗಿ ಘೇಂಡಾಮೃಗ ದಿನ ಆಚರಿಸಲಾಗುತ್ತಿದೆ.
ಈ ದಿನದ ಉದ್ದೇಶವು ಕೇವಲ ಪ್ರಾಣಿಗಳ ರಕ್ಷಣೆ ಮಾತ್ರವಲ್ಲ, ನೈಸರ್ಗಿಕ ಆವಾಸಸ್ಥಾನಗಳ ಸಂರಕ್ಷಣೆ, ಕಳ್ಳಸಾಗಣೆ ತಡೆ, ಹವಾಮಾನ ಬದಲಾವಣೆ ಪರಿಣಾಮಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವುದು. ಸರ್ಕಾರಗಳು, ಸೈನ್ಯ, ಎನ್ಜಿಓಗಳು ಮತ್ತು ಸಮುದಾಯಗಳು ಶಾಲಾ ಕಾರ್ಯಕ್ರಮಗಳು, ಶೈಕ್ಷಣಿಕ ಕಾರ್ಯಾಗಾರಗಳು, ನಿಧಿ ಸಂಗ್ರಹಣಾ ಅಭಿಯಾನಗಳು ಮುಂತಾದವುಗಳ ಮೂಲಕ ಈ ದಿನವನ್ನು ಆಚರಿಸುತ್ತವೆ.
ನಾವು ಪ್ರತಿ ವ್ಯಕ್ತಿಯಾಗಿ ಸ್ವಲ್ಪ ಸಹಾಯ ಮಾಡಬಹುದು. ಘೇಂಡಾಮೃಗಗಳ ಬಗ್ಗೆ ಜಾಗೃತಿ ಮೂಡಿಸುವುದು, ರಕ್ಷಣೆ ಸಂಸ್ಥೆಗಳಿಗೆ ಹಣಕಾಸು ಸಹಾಯ ನೀಡುವುದು, ಅಥವಾ ಸಂರಕ್ಷಣಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದು – ಇವುಗಳೆಲ್ಲಾ ಪ್ರಾಣಿಗಳ ಭವಿಷ್ಯಕ್ಕೆ ನೆರವು ನೀಡುತ್ತವೆ. ಈ ವಿಶ್ವ ಘೇಂಡಾಮೃಗ ದಿನದ ಉದ್ದೇಶವು ಪರಿಸರ ಸಂರಕ್ಷಣೆಗೆ ಮತ್ತು ಜೈವಿಕ ವೈವಿಧ್ಯತೆಯ ಉಳಿವಿಗೆ ಪ್ರೇರಣೆ ನೀಡುವುದು.
About the Author
