Dina Bhavishya : 2025 ಡಿಸೆಂಬರ್ 13ರ ಶನಿವಾರವಾದ ಇಂದು, ಚಂದ್ರನ ಸ್ಥಾನ ಬದಲಾವಣೆಯಿಂದ ನಿಮ್ಮ ದಿನವು ಹೇಗಿರಲಿದೆ..? ಇಂದು ಯಾವ ರಾಶಿಯವರಿಗೆ ಶುಭವಾಗಲಿದೆ? ಯಾವ ರಾಶಿಯವರು ಎಚ್ಚರಿಕೆಯಿಂದ ಇರಬೇಕು? ಒಟ್ಟಾರೆ ಇಂದಿನ ದ್ವಾದಶ ರಾಶಿಗಳ ಫಲಾಫಲ ಹೇಗಿದೆ ನೋಡಿ.
Dina Bhavishya :ಮೇಷ ರಾಶಿ
ಇಂದು ನಿಮ್ಮ ವರ್ಚಸ್ಸಿಗೆ ಧಕ್ಕೆ ತರಲು ಸಂಚು ನಡೆಯುವ ಸಾಧ್ಯತೆ ಇದೆ, ಆದ್ದರಿಂದ ಎಚ್ಚರಿಕೆ ಅಗತ್ಯ. ನಿಮ್ಮ ನಿರ್ಧಾರಗಳಿಂದ ಮಹತ್ವದ ಅಧಿಕಾರ ದೊರೆಯಲಿದ್ದು, ಎದುರಾಳಿಗಳ ಅನ್ಯಾಯಕ್ಕೆ ಸಾಕ್ಷಿ ಸಿಕ್ಕು ಅವರನ್ನು ಎದುರಿಸಲು ಬಲ ಸಿಗಲಿದೆ.
ಲೆಕ್ಕಪತ್ರಗಳನ್ನು ಸರಿಯಾಗಿ ನೋಡಿಕೊಳ್ಳಿ, ತೆರಿಗೆ ಅಧಿಕಾರಿಗಳೊಂದಿಗೆ ಘರ್ಷಣೆ ತಪ್ಪಿಸಿ. ಮನೋಕಾಮನೆಗಳು ನೆರವೇರುತ್ತವೆ; ಮನೆ ಹಿರಿಯರ ಆಶೀರ್ವಾದ ಪಡೆಯುವುದು ಶುಭ.
ವೃಷಭ ರಾಶಿ
ಇಂದು ವೈಯಕ್ತಿಕ ಕೆಲಸಗಳಲ್ಲಿ ಕೆಲವು ಅಡೆತಡೆಗಳು ಕಾಣಿಸಿಕೊಳ್ಳಬಹುದು, ಆದರೆ ಶಾಂತವಾಗಿ ಆಲೋಚಿಸಿದರೆ ಪರಿಹಾರ ಸಿಗಲಿದೆ. ವಿದ್ಯಾವಂತರಾದ ಮಕ್ಕಳು ಯಶಸ್ಸು ಸಾಧಿಸಿ ನಿಮ್ಮ ಗೌರವ ಹೆಚ್ಚಿಸುವರು.
ರಿಯಲ್ ಎಸ್ಟೇಟ್ ಹಾಗೂ ಜಮೀನು ಖರೀದಿ ವ್ಯವಹಾರದಲ್ಲಿ ಲಾಭದ ಸಾಧ್ಯತೆ ಇದೆ; ಅನವಶ್ಯಕ ಗೊಂದಲಕ್ಕೆ ಒಳಗಾಗಬೇಡಿ.
ಮಿಥುನ ರಾಶಿ
ಇಂದು ಕೆಲಸಗಳ ಒತ್ತಡದಿಂದ ಗೊಂದಲ ಮತ್ತು ಆಯಾಸ ಹೆಚ್ಚಾಗಿ ಮಾನಸಿಕ-ದೈಹಿಕ ಆರೋಗ್ಯದ ಮೇಲೆ ಪರಿಣಾಮ ಬೀಳಬಹುದು. ಮನೆಯವರ ಮೇಲೆ ವಿನಾಕಾರಣ ಕೋಪ ತೋರಿಸದೇ ಶಾಂತವಾಗಿರುವುದು ಉತ್ತಮ.
ಮಕ್ಕಳ ವಿದ್ಯಾಭ್ಯಾಸದಲ್ಲಿ ನೆಮ್ಮದಿ ಸಿಗಲಿದೆ; ಪ್ರಯಾಣ ವೇಳೆ ವಿಶೇಷ ಎಚ್ಚರಿಕೆ ವಹಿಸಿ.
ಕಟಕ ರಾಶಿ
ಇಂದು ಮಾತಿನಲ್ಲಿ ಸಂಯಮ ಅತ್ಯವಶ್ಯ; ಆವೇಶದಲ್ಲಿ ಮಾತನಾಡುವುದು ಸಮಸ್ಯೆಗೆ ಕಾರಣವಾಗಬಹುದು. ಸರ್ಕಾರಿ ನೌಕರರು ಹಾಗೂ ಮೇಲಧಿಕಾರಿಗಳೊಂದಿಗೆ ಕೆಲಸ ಮಾಡುವವರಿಗೆ ಲಾಭವಿದೆ, ಆದರೆ ಬೇರೆಡೆ ಬಂಡವಾಳ ತಿರುಗಿಸುವುದು ನಷ್ಟಕರ.
ಹಣಕಾಸು ವ್ಯವಹಾರಗಳಲ್ಲಿ ಲೆಕ್ಕಪತ್ರಗಳನ್ನು ಸರಿಯಾಗಿ ಇಡಿ, ಅನಿರೀಕ್ಷಿತ ತಪಾಸಣೆ ಸಾಧ್ಯ. ಅಪರಿಚಿತರೊಂದಿಗೆ ವ್ಯವಹಾರ ತಪ್ಪಿಸಿ, ಧೈರ್ಯದಿಂದ ಹೊಸ ಯೋಜನೆಗಳಿಗೆ ಚಾಲನೆ ನೀಡಿ.
ಸಿಂಹ ರಾಶಿ
ಇಂದು ಹಗುರವಾಗಿ ಮಾತನಾಡುತ್ತ ಸಮಯ ಹಾಳು ಮಾಡಿಕೊಳ್ಳದೇ, ನಿಮ್ಮ ಜ್ಞಾನವನ್ನು ಇತರರೊಂದಿಗೆ ಹಂಚಿಕೊಳ್ಳಿ. ಮತ್ತೊಬ್ಬರಿಂದ ಆದ ಅಪಮಾನದಿಂದ ಉಂಟಾದ ದುಃಖವನ್ನು ಯಾರಿಗೂ ಹೇಳದೆ ಮನಸ್ಸಿನಲ್ಲಿ ಹಿಡಿತ ಇಡಿ.
ಶ್ರದ್ಧೆ ಮತ್ತು ಶ್ರಮದಿಂದ ಆರಂಭಿಸಿದ ಕೆಲಸಗಳು ವಿರೋಧಿಗಳ ಪಿತೂರಿಯಿಂದ ಅಡ್ಡಿಯಾಗುವ ಸಾಧ್ಯತೆ ಇದ್ದರೂ ಹಿಮ್ಮೆಟ್ಟದೇ ಮುಂದುವರಿಯಿರಿ. ನಿಮ್ಮ ದೌರ್ಬಲ್ಯಗಳು ಎದುರಾಳಿಗಳಿಗೆ ಅಸ್ತ್ರವಾಗದಂತೆ ಎಚ್ಚರಿಕೆ ವಹಿಸುವುದು ಅಗತ್ಯ.
ಕನ್ಯಾ ರಾಶಿ
ಇಂದು ನಿಮ್ಮ ಬುದ್ಧಿವಂತಿಕೆಯಿಂದ ಆದಾಯ ಹೆಚ್ಚಾಗಲಿದೆ. ಅಸಹಾಯಕತೆಯನ್ನು ಮನೆಯವರ ಮೇಲೆ ಹೊರಹಾಕದೇ, ಬಂಧುಗಳೊಂದಿಗೆ ಸಂಬಂಧ ಗಟ್ಟಿಗೊಳಿಸಿ. ಆದಾಯಕ್ಕೆ ತಕ್ಕಂತೆ ಜೀವನ ನಡೆಸಿ, ಇಲ್ಲವಾದರೆ ಸಾಲದ ಒತ್ತಡ ಎದುರಾಗಬಹುದು. ಪ್ರೇಕ್ಷಣೀಯ ಸ್ಥಳಗಳಿಗೆ ಭೇಟಿ ಸಾಧ್ಯ; ಹೊರಗಿನ ಆಹಾರ ತಪ್ಪಿಸುವುದು ಉತ್ತಮ. ಹಿಂದಿನ ಹಣಕಾಸು ನಷ್ಟದ ಅನುಭವದಿಂದ ಪಾಠ ಕಲಿದು ಈ ಬಾರಿ ಜಾಣ್ಮೆಯಿಂದ ನಿರ್ಧಾರ ಕೈಗೊಳ್ಳಿ.
ತುಲಾ ರಾಶಿ
ಇಂದು ಕುಟುಂಬದ ಅನಿರೀಕ್ಷಿತ ಘಟನೆಯಿಂದ ಹೆಚ್ಚಿನ ಖರ್ಚು ಸಂಭವಿಸಬಹುದು. ಹೂಡಿಕೆಯಲ್ಲಿ ಅತಿ ಉತ್ಸಾಹ ತೋರದೇ ವಿವೇಚನೆಯಿಂದ ನಡೆದು, ಬಂಡವಾಳಕ್ಕೆ ಮಿತಿ ಇಡಿರಿ. ಇತರರ ಮೇಲೆ ಹೆಚ್ಚು ಅವಲಂಬಿಸುವುದು ಆರ್ಥಿಕ ನಷ್ಟಕ್ಕೆ ಕಾರಣವಾಗಬಹುದು. ಹೊಸ ವಹಿವಾಟುಗಳ ಪ್ರಸ್ತಾವನೆಗಳು ಬಂದರೂ ಅವಸರ ಮಾಡದೇ ಜಾಣ್ಮೆಯಿಂದ ನಿರ್ಧಾರ ಕೈಗೊಳ್ಳಿ.
ವೃಶ್ಚಿಕ ರಾಶಿ
ಇಂದು ಭಗವಂತನು ನೀಡಿದಷ್ಟರಲ್ಲಿ ತೃಪ್ತಿ ಹೊಂದಿ, ಅತಿಯಾದ ಆಸೆ ತಪ್ಪಿಸುವುದು ಒಳಿತು. ತಾಳ್ಮೆಯಿಂದ ನಡೆದುಕೊಂಡರೆ ಆದಾಯ ಹೆಚ್ಚಾಗಿ ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ.
ಖಾಸಗಿ ಕಂಪನಿ ಏಜೆಂಟ್ಗಳಿಗೆ ಉತ್ತಮ ಕಮಿಷನ್ ಸಿಗಲಿದೆ, ವಿದ್ಯಾರ್ಥಿಗಳು ಸೌಲಭ್ಯಗಳನ್ನು ಸದುಪಯೋಗಪಡಿಸಿಕೊಳ್ಳಲಿ. ಅಮೂಲ್ಯ ವಸ್ತುಗಳ ಭದ್ರತೆ ಕಾಪಾಡಿ; ಆಂಜನೇಯ ಸ್ವಾಮಿ ಸ್ತೋತ್ರ ಪಠಿಸಿ, ಬಡವರಿಗೆ ಆಹಾರ ನೀಡುವುದು ಶುಭ.
ಧನು ರಾಶಿ
ಇಂದು ಸುಲಭವಾಗಿ ಧನಲಾಭವಾಗುತ್ತದೆ ಎಂಬ ಭ್ರಮೆ ಬಿಡುವುದು ಒಳಿತು; ಕಾರ್ಯಗಳಲ್ಲಿ ವಿಳಂಬವಾಗುವ ಸಾಧ್ಯತೆ ಇದೆ. ಅನವಶ್ಯಕ ಸಾಲಗಳಿಂದ ದೂರವಿದ್ದು, ಗೃಹ ನಿರ್ಮಾಣವನ್ನು ಮುಂದೂಡಿರಿ.
ಉದ್ಯೋಗಸ್ಥರಿಗೆ ವರ್ಗಾವಣೆಯ ಸೂಚನೆ ಇದ್ದು, ಸರ್ಕಾರಿ ನೌಕರರಿಗೆ ಹೆಚ್ಚುವರಿ ಗಳಿಕೆ ಸಾಧ್ಯ. ಹಳೆ ಮಿತ್ರರನ್ನು ಭೇಟಿಯಾಗುವಿರಿ, ಮನೆಯಲ್ಲಿ ಮಂಗಳ ಕಾರ್ಯಕ್ಕೆ ತಯಾರಿ ಆರಂಭವಾಗಲಿದೆ; ಹಳೆಯ ರೋಗಗಳು ಮರುಕಳಿಸದಂತೆ ಎಚ್ಚರಿಕೆ ವಹಿಸಿ.
ಮಕರ ರಾಶಿ
ಇಂದು ಚುರುಕಾದ ಓಡಾಟ ಇದ್ದರೂ ನಿಧಾನತೆ ಹಾಗೂ ತಾಳ್ಮೆ ಅಗತ್ಯ. ಹಣಕಾಸಿನ ಸ್ಥಿತಿ ಉತ್ತಮವಾಗಿದ್ದರೂ ಆರೋಗ್ಯದ ಕಡೆ ಗಮನ ಕೊಡಿ. ಆಸ್ತಿ ಹಂಚಿಕೆ ವಿಷಯದಲ್ಲಿ ವಿವೇಕದಿಂದ ನಡೆದುಕೊಳ್ಳಿ; ಹೆಚ್ಚುವ ಆದಾಯ ದುರಭ್ಯಾಸಗಳಿಗೆ ಕಾರಣವಾಗದಿರಲಿ. ಅಧ್ಯಾಪಕರಿಗೆ ವೇತನ ಹೆಚ್ಚಳ ಸಾಧ್ಯತೆ ಇದೆ. ಅನಗತ್ಯ ಖರ್ಚು ತಪ್ಪಿಸಿ. ಅವಿವಾಹಿತರಿಗೆ ವಿವಾಹ ಯೋಗ, ಮಕ್ಕಳ ನಡವಳಿಕೆಯಿಂದ ಸ್ವಲ್ಪ ಬೇಸರವಾಗಬಹುದು—ತಾಳ್ಮೆಯಿಂದ ವರ್ತಿಸುವುದು ಒಳಿತು.
ಕುಂಭ ರಾಶಿ
ಇಂದು ನಿಮ್ಮ ಬದುಕಿನಲ್ಲಿ ಬದಲಾವಣೆ ಅನಿವಾರ್ಯವಾಗಿದ್ದು ಹಣಕಾಸಿನ ಸ್ಥಿತಿ ಉತ್ತಮಗೊಳ್ಳಲಿದೆ. ಸಹೋದ್ಯೋಗಿಗಳೊಂದಿಗೆ ಸಹಕಾರ ಇರಲಿ, ಆದರೆ ಮೋಜಿನ ತಿರುಗಾಟ ಮಿತಿ ಮೀರದಿರಲಿ. ಕಾನೂನು ಸಲಹೆಗಾರರಿಗೆ ಆದಾಯ ಹೆಚ್ಚಾಗುವ ಸಾಧ್ಯತೆ ಇದೆ;
ಅತಿ ಉಷ್ಣ ಆಹಾರದಿಂದ ಆರೋಗ್ಯ ಕಾಪಾಡಿಕೊಳ್ಳಿ. ಬಂಧು-ಸ್ನೇಹಿತರೊಂದಿಗೆ ವಾಗ್ವಾದ ತಪ್ಪಿಸಿ; ನಿಮ್ಮ ಪ್ರತಿಭೆ ಮೆರೆದಾಡಲು ಅವಕಾಶಗಳು ದೊರೆಯಲಿದ್ದು, ವಿದೇಶದಿಂದ ಬರುವ ಶುಭವಾರ್ತೆ ಹರ್ಷ ನೀಡಿ ಸಾಮಾಜಿಕ-ಶೈಕ್ಷಣಿಕ ಕ್ಷೇತ್ರದಲ್ಲಿ ಹೆಸರು ತರಲಿದೆ.
ಮೀನ ರಾಶಿ
ಇಂದು ನಿಮ್ಮ ಉತ್ತಮ ಮಾರ್ಗದರ್ಶನವನ್ನು ನೆರೆಹೊರೆಯವರು ಮೆಚ್ಚಿಕೊಳ್ಳುವರು ಮತ್ತು ಪ್ರಶಂಸೆಗೆ ದಾರಿ ತೆರೆಯಲಿದೆ. ಹಳೆಯ ಸ್ನೇಹಿತರ ಭೇಟಿ ಸಂತೋಷ ನೀಡುತ್ತದೆ. ಆರೋಗ್ಯದಲ್ಲಿ ಸುಧಾರಣೆ, ವ್ಯವಹಾರದಲ್ಲಿ ಲಾಭ ಕಾಣಿಸಿಕೊಳ್ಳಲಿದೆ. ಪ್ರಸಾರ ಮಾಧ್ಯಮದವರಿಗೆ ಕೆಲಸ ಹೆಚ್ಚಾಗಲಿದೆ; ಸಾಹಿತಿಗಳಿಗೆ ಸನ್ಮಾನ ಸಿಗಲಿದೆ. ಅವಿವಾಹಿತರಿಗೆ ಕಂಕಣಬಲ ಕೂಡಿ ಬರುವುದು, ಬಂಡವಾಳದಿಂದ ಲಾಭವಿದೆ. ಚಿಕ್ಕ ಮಕ್ಕಳ ಆರೋಗ್ಯಕ್ಕಾಗಿ ಹೆಚ್ಚಿನ ಖರ್ಚಾಗುವ ಸಾಧ್ಯತೆ ಇದೆ.
About the Author
