ತಟ್ಟೆಇಡ್ಲಿಯು ಇಡ್ಲಿಯ ಜನಪ್ರಿಯ ರೂಪಾಂತರವಾಗಿದೆ. ಸಾಮಾನ್ಯವಾಗಿ ಇಡ್ಲಿ ಚಿಕ್ಕದಾಗಿದ್ದು ತೆಳ್ಳಗಿದ್ದರೆ ತಟ್ಟೆ ಇಡ್ಲಿ ಸುತ್ತಳತೆ ಮತ್ತು ದಪ್ಪದಲ್ಲಿ ದೊಡ್ಡದಾಗಿರುತ್ತದೆ. ಮತ್ತು ಅದನ್ನು ವೃತ್ತಾಕಾರದ ತಟ್ಟೆಯಲ್ಲಿ ಬೇಯಿಸುವುಸರಿಂದ ಈ ಹೆಸರು ಬಂದಿದೆ.
ಇಡ್ಲಿ ಹಿಟ್ಟು ಪಡೆಯಲು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಹಲವಾರು ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಲಾಗುತ್ತದೆ. ಅವು ಮೃದುವಾದ ನಂತರ, ಅಕ್ಕಿ ಮತ್ತು ಉದ್ದಿನಬೇಳೆಯನ್ನು ಚೆನ್ನಾಗಿ ರುಬ್ಬಿ ಹಿಟ್ಟು ತಯಾರಿಸಲಾಗುತ್ತದೆ. ಈ ಹಿಟ್ಟನ್ನು ಹುದುಗು ಬರಲು ರಾತ್ರಿಯಿಡಿ ಬಿಡಲಾಗುತ್ತದೆ.
ಹುದುಗಿಸಿದ ಹಿಟ್ಟು ಸಾಕಷ್ಟು ಗಾಳಿಯ ಗುಳ್ಳೆಗಳೊಂದಿಗೆ ಪರಿಣಾಮದಲ್ಲಿ ದ್ವಿಗುಣಗೊಳ್ಳುತ್ತದೆ. ಮರುದಿನ ಉಪ್ಪನ್ನು ಸೇರಿಸಲಾಗುತ್ತದೆ ಮತ್ತು ವೃತ್ತಾಕಾರದ ತಟ್ಟೆಯಲ್ಲಿ ಸುರಿದು ಬೇಯಿಸಲಾಗುತ್ತದೆ. ಹೋಟೆಲ್ಗಳಲ್ಲಿ ಇಡ್ಲಿ ಬೇಯಿಸಲು ವಿಶೇಷ ಪಾತ್ರೆಗಳನ್ನು ಬಳಸಲಾಗುತ್ತದೆ. 10-15 ನಿಮಿಷ ಹಬೆಯಲ್ಲಿ ಬೆಂದ ನಂತರ ಇಡ್ಲಿ ಸವಿಯಲು ಸಿದ್ದವಾಗುತ್ತದೆ.
ಒಂದು ತಟ್ಟೆ ಇಡ್ಲಿ ಪರಿಮಾಣಗಲ್ಲಿ 23 ಸಾಮಾನ್ಯ ಗಾತ್ರದ ಇಡ್ಲಿಗಳಿಗೆ ಸಮನಾಗಿರುತ್ತದೆ. ಆದ್ದರಿಂದ ತಟ್ಟೆ ಇಡ್ಲಿಯ ಬೆಲೆ ಒಂದು ಸಾಮಾನ್ಯ ಇಡ್ಲಿಗಿಂತ ಸ್ವಲ್ಪ ಹೆಚ್ಚಿರುತ್ತದೆ. ತಟ್ಟೆ ಇಡ್ಲಿಯನ್ನು ತೆಂಗಿನಕಾಯಿ ಚಟ್ನಿ ಮತ್ತು ಸಾಂಬಾರ್ ನೊಂದಿಗೆ ಬಡಿಸಲಾಗುತ್ತದೆ,
ಬ್ರಾಹ್ಮಣರ ತಟ್ಟೆ ಇಡ್ಲಿ ರೆಸ್ಟೋರೆಂಟ್‌ಗಳು ಬೆಂಗಳೂರಿನಲ್ಲಿ ತಟ್ಟೆ ಇಡ್ಲಿಯನ್ನು ಸವಿಯಲು ಜನಪ್ರಿಯ ತಾಣಗಳಾಗಿವೆ. ಬೆಂಗಳೂರು ಮತ್ತು ಮೈಸೂರು ನಡುವಿನ ರಾಜ್ಯ ಹೆದ್ದಾರಿಗಳಲ್ಲಿರುವ ಉಪಹಾರ ಗೃಹಗಳು ಸೇರಿದಂತೆ ರಾಜ್ಯಾದಾದ್ಯಂತ ವಿವಿಧ ದರ್ಶಿನಿ, ಹೋಟೆಲ್ಗಳಲ್ಲಿ ತಟ್ಟೆ ಇಡ್ಲಿಯನ್ನು ಮಾರಾಟ ಮಾಡಲಾಗುತ್ತದೆ.
ತುಮಕೂರಿನ ಕ್ಯಾತಸಂದ್ರದಲ್ಲಿ ತಟ್ಟೆ ಇಡ್ಲಿಗೆ ಪ್ರಖ್ಯಾತಿ ಹೊಂದಿರುವ ಹೋಟೆಲ್ಗಳಲ್ಲಿ ತಟ್ಟೆ ಇಡ್ಲಿ ರುಚಿ ನೀವು ನೋಡಬಹುದಾಗಿದೆ.ಈ ಸ್ಥಳದಲ್ಲಿ ತಟ್ಟೆ ಇಡ್ಲಿ ಸಾಮಾನ್ಯವಾಗಿ ಬೆಳಗಿನ ಉಪಹಾರ ಸಮಯ ಮತ್ತು ಸಂಜೆಯ ಸಮಯದಲ್ಲಿ ಲಭ್ಯವಿರುತ್ತದೆ.
ಸುದ್ದಿ 
All Categories
