BANGALORE NEWS : ಇಂದು IPL 2025 ರ ಮಹತ್ವದ FINAL ಪಂದ್ಯದಲ್ಲಿ RCB ಹಾಗೂ PBKS ತಂಡಗಳು ಎದುರು ನಿಂತಿವೆ. 18 ವರ್ಷಗಳ ಕನಸು ಈಡೇರಿಸಿಕೊಳ್ಳಲು ರೆಡಿಯಾಗಿರುವ RCB ಅಭಿಮಾನಿಗಳಲ್ಲಿ ಉತ್ಸಾಹದ ತೀವ್ರತೆ ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಬಿ. ದಯಾನಂದ್ [DAYANAND] ಅವರು ಕಠಿಣ ಮುನ್ನೆಚ್ಚರಿಕೆ ಸೂಚನೆ ನೀಡಿದ್ದಾರೆ.
ಇನ್ನು ಪಂದ್ಯ ತೀವ್ರತೆಗೆ ತಲುಪುತ್ತಿರುವಾಗ, ನಗರದಲ್ಲಿ ಅಶಾಂತಿ ಉಂಟಾಗದಂತೆ ನೋಡಿಕೊಳ್ಳುವುದು ಪೊಲೀಸ್ ಇಲಾಖೆಯ ಪ್ರಮುಖ ಗುರಿಯಾಗಿದ್ದು, ಸಾರ್ವಜನಿಕ ಸ್ಥಳಗಳಲ್ಲಿ ಹೆಚ್ಚಿನ ಎಲ್ಇಡಿ ಸ್ಕ್ರೀನ್‌ಗಳ ಅಳವಡಿಕೆ, ಸಾರ್ವಜನಿಕ ನೆರೆದಿಕೆಗೆ ಸೌಲಭ್ಯ, ಮತ್ತು ಭದ್ರತೆಗೆ ಹೆಚ್ಚಿನ ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ.
"ಎಲ್ಲಾ ಸಾರ್ವಜನಿಕ ಸ್ಥಳಗಳಲ್ಲಿ ಎಲ್ಇಡಿ ಸ್ಕ್ರೀನ್ ಅಳವಡಿಸಲು ಮುಂಚಿತವಾಗಿ ಅನುಮತಿ ಪಡೆಯಬೇಕಾಗಿದ್ದು, ಯಾವುದೇ ಅಡಚಣೆ ಉಂಟಾದಲ್ಲಿ ಕಾನೂನು ಕ್ರಮ ಕೈಗೊಳ್ಳಲಾಗುತ್ತದೆ," ಎಂದು ಆಯುಕ್ತ ಬಿ. ದಯಾನಂದ್ ಹೇಳಿದ್ದಾರೆ.
ಇನ್ನು ಪಂದ್ಯದ ಬಳಿಕ ವಿಜಯೋತ್ಸವ, ಪಟಾಕಿ ಸಿಡಿಸುವಿಕೆ, ಅಥವಾ ಶಬ್ದದಿಂದ ಇತರರಿಗೆ ತೊಂದರೆ ಆಗದಂತೆ ಪೊಲೀಸ್ ಇಲಾಖೆ ಜನರಿಗೆ ಮನವಿ ಮಾಡಿದೆ. ನಿಯಮ ಉಲ್ಲಂಘಿಸಿದರೆ ಕಠಿಣ ಕ್ರಮ ತಪ್ಪಲ್ಲ ಎಂಬ ಎಚ್ಚರಿಕೆ ನೀಡಲಾಗಿದೆ. ಅಭಿಮಾನಿಗಳಿಂದ ಆಟದ ವೇಳೆ ಶಿಸ್ತು ಪಾಲನೆ ನಿರೀಕ್ಷೆಯಿದ್ದು, ನಗರದ ವಿವಿಧ ಪಾರ್ಕ್‌ಗಳು, ಕಾಫಿ ಶಾಪ್‌ಗಳು, ಹಾಗೂ ಪಬ್‌ಗಳಲ್ಲಿ LED ಸ್ಕ್ರೀನ್‌ಗಳ ಮೂಲಕ ಪ್ರದರ್ಶನಕ್ಕೆ ತಯಾರಿ ನಡೆದಿದೆ.
ಸುದ್ದಿ 
All Categories
