KITCHEN: ರುಚಿಕರವಾದ ಚೈನೀಸ್‌ ಪೆಪ್ಪರ್‌ ಚಿಕನ್ ಮಾಡುವ ವಿಧಾನ

ಟೇಸ್ಟಿ ಚೈನೀಸ್ ಪೆಪ್ಪರ್ ಚಿಕನ್ ರೆಸಿಪಿ

 

ಬೇಕಾಗುವ ಪದಾರ್ಥಗಳು:
ಮೂಳೆಗಳಿಲ್ಲದ ಚಿಕನ್ – ಅರ್ಧ ಕೆಜಿ
ಮಧ್ಯಮ ಗಾತ್ರದಲ್ಲಿ ಹೆಚ್ಚಿದ ಕ್ಯಾಪ್ಸಿಕಮ್ – 1
ಕೊತ್ತಂಬರಿ ಸೊಪ್ಪು – ಸ್ವಲ್ಪ
ಹೆಚ್ಚಿದ ಸ್ಪ್ರಿಂಗ್ ಆನಿಯನ್ – 2
ಮಧ್ಯಮ ಗಾತ್ರದಲ್ಲಿ ಕತ್ತರಿಸಿದ ಈರುಳ್ಳಿ – 1
ಕೊಚ್ಚಿದ ಬೆಳ್ಳುಳ್ಳಿ – 1 ಚಮಚ
ಸೋಯಾ ಸಾಸ್ – ಕಾಲು ಕಪ್
ಚಿಕನ್ ಸ್ಟಾಕ್ – ಕಾಲು ಕಪ್
ಕರಿಮೆಣಸಿನ ಪುಡಿ – 1 ಚಮಚ
ಎಳ್ಳಿನ ಎಣ್ಣೆ – 1 ಚಮಚ
ಸಕ್ಕರೆ – ಅರ್ಧ ಚಮಚ
ಕಾರ್ನ್ಫ್ಲೋರ್ – 2 ಚಮಚ
ಎಣ್ಣೆ – ಒಂದೂವರೆ ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ: 

 ಚಿಕನ್ ಅನ್ನು ಸ್ವಚ್ಛಗೊಳಿಸಿ, ಬೈಟ್ಸ್ ಗಾತ್ರದಲ್ಲಿ ಕತ್ತರಿಸಿಕೊಳ್ಳಿ. ಅದಕ್ಕೆ ಅರ್ಧ ಟೀಸ್ಪೂನ್ ಕರಿಮೆಣಸಿನ ಪುಡಿ, 2 ಟೀಸ್ಪೂನ್ ಸೋಯಾ ಸಾಸ್, ಉಪ್ಪು ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ ಪಕ್ಕಕ್ಕೆ ಇಡಿ. ಒಂದು ಬಟ್ಟಲಿನಲ್ಲಿ ಉಳಿದ ಸೋಯಾ ಸಾಸ್, ಎಳ್ಳಿನ ಎಣ್ಣೆ, ಚಿಕನ್ ಸ್ಟಾಕ್, ಉಳಿದ ಕರಿಮೆಣಸಿನ ಪುಡಿ ಸೇರಿಸಿ ಬೆರೆಸಿಕೊಳ್ಳಿ. ಇನ್ನೊಂದು ಬೌಲ್‌ನಲ್ಲಿ ಕಾರ್ನ್ ಫ್ಲೋರ್ ಹಾಗೂ ಅದಕ್ಕೆ ಸ್ವಲ್ಪ ನೀರು ಬೆರೆಸಿ, ಮಿಶ್ರಣ ಮಾಡಿ ಸ್ಲರಿ ತಯಾರಿಸಿ. ಇದನ್ನು ಸಾಸ್ ಮಿಶ್ರಣಕ್ಕೆ ಸೇರಿಸಿ.

ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಅದಕ್ಕೆ ಮ್ಯಾರಿನೇಟ್ ಮಾಡಿದ ಚಿಕನ್ ಅನ್ನು ಸೇರಿಸಿ, ಹುರಿದುಕೊಳ್ಳಿ.ಚಿಕನ್ ಬೇಯುವ ವೇಳೆ ಈರುಳ್ಳಿ, ಕೊಚ್ಚಿದ ಬೆಳ್ಳುಳ್ಳಿ, ಕ್ಯಾಪ್ಸಿಕಮ್ ಸ್ಪ್ರಿಂಗ್ ಆನಿಯನ್ ಸೇರಿಸಿ 3 ನಿಮಿಷಗಳ ಕಾಲ ಹುರಿಯಿರಿ.ಅದಕ್ಕೆ ತಯಾರಿಸಿಟ್ಟ ಸಾಸ್ ಬೆರೆಸಿ ಮಿಶ್ರಣ ದಪ್ಪವಾಗುವವರೆಗೆ ಟಾಸ್ ಮಾಡಿ. ಬಳಿಕ ಉರಿಯನ್ನು ಆಫ್ ಮಾಡಿ. ಇದೀಗ ಚೈನೀಸ್ ಪೆಪ್ಪರ್ ಚಿಕನ್ ತಯಾರಾಗಿದ್ದು, ನೂಡಲ್ಸ್ ಅಥವಾ ಅನ್ನದೊಂದಿಗೆ ಬೆಚ್ಚಗೆ ಸವಿಯಿರಿ.