Dina Bhavishya : 2026 ಜನವರಿ 3ರ ಶನಿವಾರವಾದ ಇಂದು, ಚಂದ್ರನ ಸ್ಥಾನ ಬದಲಾವಣೆಯಿಂದ ನಿಮ್ಮ ದಿನವು ಹೇಗಿರಲಿದೆ..? ಇಂದು ಯಾವ ರಾಶಿಯವರಿಗೆ ಶುಭವಾಗಲಿದೆ? ಯಾವ ರಾಶಿಯವರು ಎಚ್ಚರಿಕೆಯಿಂದ ಇರಬೇಕು? ಒಟ್ಟಾರೆ ಇಂದಿನ ದ್ವಾದಶ ರಾಶಿಗಳ ಫಲಾಫಲ ಹೇಗಿದೆ ನೋಡಿ.
Dina Bhavishya : ಚಂದ್ರನೊಂದಿಗೆ ಸೂರ್ಯನ ಸಮಸಪ್ತಕ ಯೋಗವು ಶುಭ ಯೋಗವನ್ನು ಸೃಷ್ಟಿಸುತ್ತದೆ. ಬುಧಾದಿತ್ಯ ಯೋಗ ಮತ್ತು ಶುಕ್ರಾದಿತ್ಯ ಯೋಗದ ಸಂಯೋಗವು ಸಂಭವಿಸುತ್ತದೆ. ಎಲ್ಲಾ ಗ್ರಹಗಳ ಸ್ಥಾನ ಬದಲಾವಣೆಯಿಂದ ಮೇಷದಿಂದ ಮೀನ ರಾಶಿವರೆಗಿನ ಎಲ್ಲಾ ರಾಶಿಯವರಿಗೆ ಇಂದಿನ ರಾಶಿ ಭವಿಷ್ಯ ಹೇಗಿರಲಿದೆ? ಯಾವ ರಾಶಿಯವರಿಗೆ ಅದೃಷ್ಟ? ಯಾವ ರಾಶಿಯವರು ಎಚ್ಚರದಿಂದಿರಬೇಕು ಎನ್ನುವುದನ್ನು ತಿಳಿದುಕೊಳ್ಳಿ.
ಮೇಷ ರಾಶಿ
ಇಂದು ನಿರ್ದಿಷ್ಟ ಗುರಿಯೊಂದಿಗೆ ಆರಂಭಿಸಿದ ಕೆಲಸಗಳು ಸಮಯಕ್ಕೆ ಸರಿಯಾಗಿ ಪೂರ್ಣಗೊಳ್ಳಲಿವೆ. ಬಂಧುಗಳಿಗೆ ನೆರವಾಗಲು ಅಡ್ಡಿಗಳು ಎದುರಾಗಬಹುದು. ಬ್ಯಾಂಕಿಂಗ್ ವ್ಯವಹಾರಗಳು ಸಾಧಾರಣವಾಗಿರುತ್ತವೆ.
ವಿದ್ಯಾರ್ಥಿಗಳು ಶ್ರಮಪಟ್ಟು ಓದಬೇಕು; ಉನ್ನತ ಶಿಕ್ಷಣದ ಅವಕಾಶ ದೊರೆಯಲಿದೆ. ಮಡದಿ–ಮಕ್ಕಳ ಕೋರಿಕೆಗಾಗಿ ಖರ್ಚು ಸ್ವಲ್ಪ ಹೆಚ್ಚಾಗಬಹುದು. ನಿಮ್ಮ ಪರಿಶ್ರಮಕ್ಕೆ ಉತ್ತಮ ಪ್ರತಿಫಲ ಸಿಗಲಿದೆ ಮತ್ತು ಬಾಕಿ ಕೆಲಸಗಳನ್ನು ಪೂರ್ಣಗೊಳಿಸಲು ಪ್ರಯತ್ನಿಸುವಿರಿ.
ವೃಷಭ ರಾಶಿ
ಇಂದು ನಿಮಗೆ ಅನುಕೂಲಕರ ದಿನ. ಬಹು ಮೂಲಗಳಿಂದ ಆದಾಯ ಲಭಿಸುವುದರಿಂದ ಸಂತೋಷ ಹೆಚ್ಚುತ್ತದೆ ಮತ್ತು ನಿಮ್ಮ ಆಸೆಯೊಂದು ಈಡೇರುತ್ತದೆ. ದೇವರ ಭಕ್ತಿಯಲ್ಲಿ ಮನಸ್ಸು ತೊಡಗಿರುತ್ತದೆ;
ಆದರೆ ಮಗುವಿನ ಅನಿಯಂತ್ರಿತ ನಡವಳಿಕೆ ಸ್ವಲ್ಪ ಕಳವಳ ಉಂಟುಮಾಡಬಹುದಾದ್ದರಿಂದ ಗಮನವಿರಲಿ.
ಮಿಥುನ ರಾಶಿ
ಇಂದು ಕಷ್ಟ ಬಂದಾಗ ದುಃಖಿಸದೆ ಅದನ್ನು ಎದುರಿಸುವ ಶಕ್ತಿಗಾಗಿ ಭಗವಂತನಲ್ಲಿ ಪ್ರಾರ್ಥಿಸುವಿರಿ. ಚಂಚಲ ಮನಸ್ಸಿನಿಂದ ವಿದ್ಯಾರ್ಥಿಗಳು ಓದಿನಲ್ಲಿ ಹಿಂದೆ ಬೀಳುವ ಸಾಧ್ಯತೆ ಇದೆ.
ನಿಮ್ಮ ತಪ್ಪಲ್ಲದ ಕಾರಣದಿಂದ ನಿಂತಿದ್ದ ಕೆಲಸಗಳಿಗೆ ಶೀಘ್ರದಲ್ಲೇ ಚಾಲನೆ ಸಿಗಲಿದೆ. ವ್ಯವಹಾರದಲ್ಲಿ ಪಾಲುದಾರರೊಂದಿಗೆ ಭಿನ್ನಾಭಿಪ್ರಾಯ ಉಂಟಾಗದಂತೆ ಎಚ್ಚರ ವಹಿಸಿ.
ಕಟಕ ರಾಶಿ
ಇಂದು ಕಟಕ ರಾಶಿಗೆ ಮಿಶ್ರ ದಿನ. ಖರ್ಚುಗಳ ಮೇಲೆ ನಿಯಂತ್ರಣ ಅಗತ್ಯವಿದೆ; ಜೀವನಮಟ್ಟದಲ್ಲಿ ಸುಧಾರಣೆ ಕಂಡುಬರುವುದು. ಸ್ನೇಹಿತರೊಂದಿಗೆ ವಾದ ಸಂಭವಿಸಬಹುದು, ಅಪರಿಚಿತರ ಬಗ್ಗೆ ಜಾಗೃತರಾಗಿ.
ಮಹಿಳೆಯರಿಗೆ ಆರೋಗ್ಯ ಸಮಸ್ಯೆಗಳು ಕಾಡಬಹುದು, ಆದರೆ ಸೂಕ್ತ ಚಿಕಿತ್ಸೆಯಿಂದ ಶಮನವಾಗಲಿದೆ. ಸರ್ಕಾರಿ ನೌಕರರಿಗೆ ಪ್ರಶಂಸೆ ದೊರೆಯಲಿದೆ. ಹಣಕಾಸು ಸಂಸ್ಥೆಗಳಿಗೆ ಸಾಲ ವಸೂಲಾತಿಯಲ್ಲಿ ಅಡ್ಡಿಗಳು ಎದುರಾಗಬಹುದು. ವಿವಾಹ ಯೋಗ್ಯರಿಗೆ ಕಂಕಣಭಾಗ್ಯ ಸಾಧ್ಯ.
Dina Bhavishya :
ಸಿಂಹ ರಾಶಿ
ಇಂದು ಆದಾಯ ಹೆಚ್ಚಾಗುವ ದಿನ; ಪ್ರವಾಸದ ಅವಕಾಶ ಮತ್ತು ಸಂಪತ್ತಿನ ವೃದ್ಧಿ ಸಾಧ್ಯ. ಸರ್ಕಾರಿ ಬಾಕಿ ಕೆಲಸಗಳು ಪೂರ್ಣಗೊಳ್ಳಬಹುದು. ಮಕ್ಕಳಿಂದ ಶುಭ ಸುದ್ದಿ ಸಿಗಲಿದೆ; ಪೂರ್ವಜರ ಆಸ್ತಿ ವಿಚಾರದಲ್ಲಿ ವಿಜಯ ದೊರೆಯುತ್ತದೆ.
ದೇವರ ಭಕ್ತಿಯಲ್ಲಿ ಮನಸ್ಸು ತೊಡಗಿದ್ದು, ಬಾಕಿ ಹಣವೂ ಲಭಿಸುತ್ತದೆ. ಚಿಂತನೆಗಳು ಬಗೆಹರಿಯಲಿವೆ;
ಗಟ್ಟಿ ನಿರ್ಧಾರ ತೆಗೆದುಕೊಳ್ಳಿ. ಚಾಡಿ ಮಾತು ಹೇಳುವ ಬಂಧುಗಳ ಬಗ್ಗೆ ಎಚ್ಚರ ವಹಿಸಿ, ವೈಯಕ್ತಿಕ ವಿಚಾರಗಳನ್ನು ಬಹಿರಂಗಪಡಿಸಬೇಡಿ. ಆಪ್ತರಿಗೆ ಅನಾರೋಗ್ಯ ಕಾಡಬಹುದು—ಸಾಧ್ಯವಾದ ನೆರವು ನೀಡಿ.
ಕನ್ಯಾ ರಾಶಿ
ನ್ಯಾಯಾಲಯ ಸಂಬಂಧಿತ ವಿಷಯಗಳಲ್ಲಿ ಇಂದು ನಿಮಗೆ ಅನುಕೂಲಕರ ದಿನ. ಆದಾಯ ಹೆಚ್ಚಾಗಲಿದ್ದು ಧಾರ್ಮಿಕ ಚಟುವಟಿಕೆಗಳ ಮೇಲೆ ಆಸಕ್ತಿ ವೃದ್ಧಿಯಾಗುತ್ತದೆ. ಪ್ರತಿಕೂಲ ಸಂದರ್ಭಗಳಲ್ಲಿ ತಾಳ್ಮೆ ಅಗತ್ಯ.
ಸರ್ಕಾರಿ ಉದ್ಯೋಗಗಳಿಗೆ ತಯಾರಾಗುತ್ತಿರುವವರಿಗೆ ಶುಭ ಸುದ್ದಿ ಸಿಗಬಹುದು.ಸ್ನೇಹಿತರೊಂದಿಗೆ ಅನಗತ್ಯ ವಾದ ತಪ್ಪಿಸಿ. ವೃತ್ತಿಯಲ್ಲಿ ಸ್ಥಿರತೆ ಮೂಡಲಿದೆ; ಅನಿರೀಕ್ಷಿತ ಬಂಡವಾಳ ಹೊಸ ಯೋಜನೆಗಳಿಗೆ ಸಹಕಾರಿಯಾಗುತ್ತದೆ. ಕುಟುಂಬದಲ್ಲಿ ಮಗನ ಮದುವೆ ವಿಚಾರದಲ್ಲಿ ಒಮ್ಮತ, ದೂರ ಪ್ರಯಾಣ ಸಾಧ್ಯ. ಬಂಧುಗಳ ವಿಶ್ವಾಸ ಮರಳಿ ಪಡೆಯುವಿರಿ. ಸಾಲ ಮತ್ತು ವಿವಾದಗಳಿಂದ ದೂರವಿರಿ.
ತುಲಾ ರಾಶಿ
ಇಂದು ವ್ಯವಹಾರದಲ್ಲಿ ಅನುಕೂಲಕರ ದಿನವಾಗಿದ್ದು ಕೈಗೊಂಡ ಕಾರ್ಯಗಳಲ್ಲಿ ಯಶಸ್ಸು ದೊರೆಯಲಿದೆ. ಕೌಟುಂಬಿಕ ಸಮಸ್ಯೆಗಳು ಬಗೆಹರಿದು, ಪೋಷಕರ ಸಲಹೆ ಸಹಕಾರಿಯಾಗುತ್ತದೆ. ವಿರೋಧಿಗಳ ಪ್ರಭಾವದಿಂದ ದೂರವಿರಿ. ಆರಂಭಿಸಿದ ವೃತ್ತಿ ನೆಮ್ಮದಿ ನೀಡಲಿದೆ; ಕುಟುಂಬದ ಅನಾರೋಗ್ಯ ಸುಧಾರಣೆ ಕಾಣುತ್ತದೆ.
ವಿದ್ಯಾರ್ಥಿಗಳಿಗೆ ಇಚ್ಛಿತ ವಿಭಾಗದಲ್ಲಿ ಓದಲು ಅವಕಾಶ ಸಿಗುತ್ತದೆ. ಮಂಗಳ ಕಾರ್ಯದಲ್ಲಿ ಭಾಗವಹಿಸುವಿರಿ. ಅನಾವಶ್ಯಕ ಖರೀದಿಯಿಂದ ಖರ್ಚು ಹೆಚ್ಚಾಗಬಹುದು; ಮಕ್ಕಳಿಗೆ ಶೀತ ಸಮಸ್ಯೆ ಕಾಡುವ ಸಾಧ್ಯತೆ ಇದೆ.
ವೃಶ್ಚಿಕ ರಾಶಿ
ಇಂದು ಖರ್ಚುಗಳು ಹೆಚ್ಚಾಗುವ ಸಾಧ್ಯತೆ ಇದ್ದು ಆರೋಗ್ಯದ ಬಗ್ಗೆ ಜಾಗರೂಕರಾಗಿರಿ. ಸಂಗಾತಿಯೊಂದಿಗೆ ಪ್ರೀತಿ ಮತ್ತು ಹೊಂದಾಣಿಕೆ ಹೆಚ್ಚಿರುತ್ತದೆ. ಅನಗತ್ಯ ಮಾತುಗಳಿಂದ ದೂರವಿದ್ದು ಆಹಾರಕ್ರಮಕ್ಕೆ ಗಮನ ಕೊಡಿ.
ಮಕ್ಕಳ ಕುರಿತು ತೆಗೆದುಕೊಳ್ಳುವ ನಿರ್ಧಾರ ಅವರಿಗೆ ಸಹಾಯಕವಾಗಲಿದೆ. ಹಳೆಯ ಸ್ನೇಹಿತನ ಭೇಟಿ ಸಂತೋಷ ನೀಡುತ್ತದೆ;
ಹಣಕಾಸಿನ ಸಮಸ್ಯೆಗಳು ಸರಿದಾರಿಗೆ ಬರುತ್ತವೆ. ಬಂಧುಗಳ ಆಗಮನ ಹರ್ಷ ತರುತ್ತದೆ. ಅನ್ಯರೊಂದಿಗೆ ವ್ಯವಹಾರದಲ್ಲಿ ಎಚ್ಚರ ವಹಿಸಿ, ಷೇರು ಮಾರುಕಟ್ಟೆ ಹೂಡಿಕೆ ತಪ್ಪಿಸಿ. ಸ್ನೇಹಿತರ ಸಲಹೆ ಸೂಕ್ತವೆನಿಸಿದರೆ ಸ್ವೀಕರಿಸಿ; ಅನಿರೀಕ್ಷಿತ ಘಟನೆಗಳಿಗೆ ಮನಸ್ಸು ಸಿದ್ಧವಾಗಿರಲಿ.
ಧನು ರಾಶಿ
ಇಂದು ಪ್ರಗತಿಯ ದಿನ; ವ್ಯವಹಾರದಲ್ಲಿ ಯಶಸ್ಸು ದೊರೆತು ಹೊಸ ಸ್ನೇಹಿತರ ಪರಿಚಯವಾಗಲಿದೆ. ಅಚ್ಚರಿಯ ಉಡುಗೊರೆ, ಸಂಗಾತಿಯ ಆರೋಗ್ಯ ಸುಧಾರಣೆ ಹಾಗೂ ಹೊಸ ಕೆಲಸಕ್ಕೆ ಅರ್ಜಿ ಸಲ್ಲಿಸುವ ಅವಕಾಶ ಸಿಗಬಹುದು. ಹೊಸ ಆಸ್ತಿ ಖರೀದಿ ಪ್ರಯೋಜನಕಾರಿ;
ಆದಾಯಕ್ಕೆ ತಕ್ಕಂತೆ ಖರ್ಚು ಮಾಡಿ. ವೈವಾಹಿಕ ಜೀವನದಲ್ಲಿ ಸ್ವಲ್ಪ ಅಸಮಾಧಾನ ಇರಬಹುದು—ಬಂಧುಗಳೊಂದಿಗೆ ವಾಗ್ವಾದ ತಪ್ಪಿಸಿ. ಸೋದರ–ಸೋದರಿಯರಿಗೆ ಕಂಕಣಬಲ, ವಾಸಸ್ಥಾನ ಬದಲಾವಣೆ ಸಾಧ್ಯ.
ವಿದ್ಯಾರ್ಥಿಗಳಿಗೆ ಅನುಕೂಲ ವಾತಾವರಣ, ಖಾಸಗಿ ನೌಕರರು ಮಾಲೀಕರೊಂದಿಗೆ ಹೊಂದಿಕೊಳ್ಳಬೇಕು.
ಮಕರ ರಾಶಿ
ಇಂದು ಉದ್ಯೋಗದಲ್ಲಿರುವವರು ಕೆಲಸದ ಒತ್ತಡ ಹೆಚ್ಚಾಗಿರುವುದರಿಂದ ಜಾಗರೂಕರಾಗಿರಬೇಕು; ಹಳೆಯ ವ್ಯವಹಾರ ಸಮಸ್ಯೆ ಉಂಟುಮಾಡಬಹುದು. ಹೆತ್ತವರ ಆಶೀರ್ವಾದದಿಂದ ಬಾಕಿ ಕೆಲಸಗಳು ಪೂರ್ಣಗೊಳ್ಳುತ್ತವೆ. ಹಿರಿಯರೊಂದಿಗೆ ಮಾತನಾಡುವಾಗ ಎಚ್ಚರ ವಹಿಸಿ.
ಹೊಸ ಪ್ರಯತ್ನಗಳು ಫಲ ನೀಡಲಿದ್ದು, ಹಳೆಯ ಸ್ನೇಹಿತನ ಭೇಟಿಯಿಂದ ಸಂತೋಷ ಸಿಗುತ್ತದೆ. ಸರ್ಕಾರಿ ಉನ್ನತಾಧಿಕಾರಿಗಳಿಗೆ ದೂರದ ವರ್ಗಾವಣೆ ಸಾಧ್ಯ. ಕೆಲಸಗಳನ್ನು ಸಮಯಕ್ಕೆ ಮುಗಿಸಿ; ಮನೆ ನಿರ್ಮಾಣ ವಿಷಯದಲ್ಲಿ ವಿಳಂಬ ಬೇಡ. ಅಮೂಲ್ಯ ವಸ್ತುಗಳ ಬಗ್ಗೆ ಜಾಗರೂಕರಾಗಿರಿ.
ಕುಂಭ ರಾಶಿ
ಇಂದು ಖರ್ಚು–ವೆಚ್ಚಗಳ ಮೇಲೆ ನಿಗಾ ಇರಲಿ. ಟೀಕೆ–ಟಿಪ್ಪಣಿಗಳಿಗೆ ಸಮರ್ಥವಾಗಿ ಉತ್ತರಿಸುವಿರಿ. ವ್ಯವಹಾರದಲ್ಲಿ ಅನುಕೂಲಕರ ದಿನವಾಗಿದ್ದು, ಆಸ್ತಿ ವಿಚಾರಗಳನ್ನು ಸೂಕ್ಷ್ಮವಾಗಿ ನಿರ್ವಹಿಸಿ.
ಹಿರಿಯರ ಸಲಹೆ ಗೌರವಿಸಿ. ಸರ್ಕಾರಿ ಉದ್ಯೋಗಕ್ಕೆ ತಯಾರಾಗುತ್ತಿರುವವರಿಗೆ ಶುಭ ಸುದ್ದಿ ಸಿಗಬಹುದು; ವಿದ್ಯಾರ್ಥಿಗಳು ಉತ್ತಮ ಅವಕಾಶಗಳನ್ನು ಪಡೆದುಕೊಳ್ಳುವರು.
ಮೀನ ರಾಶಿ
ಇಂದು ಹೊಸ ಮನೆ ಖರೀದಿಗೆ ಅನುಕೂಲಕರ ದಿನವಾಗಿದ್ದು, ವೈವಾಹಿಕ ಜೀವನದಲ್ಲಿ ಪ್ರೀತಿ ಮತ್ತು ಸಹಕಾರ ಹೆಚ್ಚಿರುತ್ತದೆ. ಕುಟುಂಬದ ಘರ್ಷಣೆಗಳು ಬಗೆಹರಿದು ತಾಯಿಯೊಂದಿಗೆ ಪ್ರಮುಖ ವಿಚಾರ ಚರ್ಚಿಸುವಿರಿ. ಪ್ರಯಾಣ ಮತ್ತು ವಾಹನ ಚಾಲನೆ ವೇಳೆ ಎಚ್ಚರ ವಹಿಸಿ; ಬೆಲೆಬಾಳುವ ವಸ್ತುಗಳನ್ನು ಸುರಕ್ಷಿತವಾಗಿ ಇರಿಸಿ.
ಪ್ರಮುಖ ವ್ಯವಹಾರ ನಿರ್ಧಾರಗಳಿಗೆ ಸಂಗಾತಿಯ ಸಲಹೆ ಅಗತ್ಯ. ಮನೆಯಲ್ಲಿ ಧಾರ್ಮಿಕ ಕಾರ್ಯಗಳು ನಡೆಯಲಿವೆ. ಹಣಕಾಸು ಸ್ಥಿತಿ ಉತ್ತಮವಾದರೂ ಅನವಶ್ಯಕ ಖರ್ಚಿನಿಂದ ಉಳಿತಾಯ ಕಡಿಮೆಯಾಗಬಹುದು. ತಾಯಿಯ ಆರೋಗ್ಯದಲ್ಲಿ ವ್ಯತ್ಯಯ ಹಾಗೂ ಆಸ್ತಿ ವ್ಯವಹಾರಗಳಲ್ಲಿ ವಿಳಂಬ ಸಾಧ್ಯ.
About the Author
